JOHAN 8:44 - DAÜLANGPÜ LAIHING (BSI)

⁴⁴ Amphongü ampapa am kahshihthü leipü khih, hatü ammei ampapa ami lümpü dükhen jenyüke. Büpayü panghinüng shennyak jüpü am nyupeih; shahhing kü neshoung; mehenangkü büpa kü shahhing nenyu. Mechem büpai shahshem ehen, büpai büpalei nyingnyoi aimü enyüke; mehenangkü büpayü shahshem ebüthü hatü shahshemei pa.

JOHAN 8:44 Iomraidhean Croise

KAHBHAO 3:15

Ngei nüng hatü nyüha aa kü, hatü nüngei li hi pinnyülei li aa kü ve vaihühen. Büpai nüngei shangjing ngümtükhen, hatü nüngi büpalei la-ong kü bheihen” shei e.

1 ONGPATHÜ 22:22

Shembüpai, ‘Mepakei yawhhen?’ shei phe. Laanghai jangei, ‘Ngei daiyei Ahabei thibüthü kemei shahshem ehen mü leihühen’ shei e. Hahepak kü Shembüpai, ‘Daituh, hatü nüngi büpa yawhtuh; nüngi aokpü danghen hih’ shei e.

1 SHÜPPÜKENGPÜ 21:1

Israel am khüei Kahshih yaong, hatü Israel amei shangkuk iehen Davidei mong kü peihü.

JOB SHAHSHA APPÜ 1:11

Shejao shaang nüngei lak noei büpai angpü peü kü hongeishuoh, hatü büpai nüngei dhe kü nyeanshi thaüvaüphahen hih” shei e.

MATHI 12:34

Amphong biüei hapeüthü! Am nemei-i tuhtü mekei meipü jung ammi enya? Mehenangkü mongei maei deihpü kübü julei vamei enyeih.

MATHI 13:15

Mehenangkü hapa nanglakthülei mongdang bawdaiteke, hatü danpai jomei dhaong hüdaiteke, hatü jomei mük ngühdaiteke. Hei nevailangmeyü jomei müki eehen, jomei dhaongi ha danhen; jomei mongdangi nyingei yahpai mong lepei leihen, hatü ngei jom meitükhah shepeih.

MATHI 13:38

Kah lappeyü kahdoknyü, hatü meipü sheiliyü ongching kü hapeüthü, hatü nüklangthüngü kahshihlei hapeüthü,

JOHAN 6:70

Jisui jomphong kü, “Ngei am Anpünyi neje-angpü je? Shejao amphong khongkü hükü kahshih nyüke!” shei e.

JOHAN 7:17

Üpai Kahvangi mongpü dükhen shei mongei nyu, büpai hapayü Kahvang leipü hi ngei nyingkü deihtü ehahnya nyinghen hih.

JOHAN 8:38

Pa nyushingei ngei mehe ee, ngei ha enyüpeih; amphongiyü Pa leipü mehe dan ha düktuh” shei e.

JOHAN 8:41

Amphongiyü ampa ami mehe dük, ha düknyüke” shei e. Jomi büpa kü, “Hamphongü shounghathü nevaipih; hamei pa hük nyüpeih, hayü Kahvang” shei e.

JOHAN 8:55

Shejao ngei büpa nyingnyeih; ngei büpa nenyingnyih shei ejema ngeiyao am kei shahshem epü am leidaihen. Shejao ngei büpa nyingnyeih hatü büpalei shah bangnyeih.

PHONGSHANTHÜ DOU 13:10

“Nüngü kahshihlei ha, jiüpü lemphülei vepa. Nüng keyü lueilem hatü ühing peü maei nyüke. Kangshangpü Shembüpalei lem kaokeinyomei lingpü nedohhen je?

PHONGSHANTHÜ DOU 24:9

Jehoda am peü chemi mongjemtü ha peü jiüpeih shei eteke.

PHONGSHANTHÜ DOU 5:3

Hahepak kü Peteri, “Ananias, mehekei Laangha Daülangpü touei shahshem ehen hatü kahdok yupü kübü lop hanei tuhlanghen kahshih-i nüngei mong kü mahüpa?

2 KORINT 11:3

Shejao biüei glüp homei Ev luhahpükei Khrista kü ammi mong kemei hatü daülangpai lanei shuohpü kübü lemnyongei mülanghen khih shei ngei yingei deihnyüke.

1 PETER 5:8

Am nyingi ungei-aeituh, thaeimaei nyutuh. Ngüngei nyupü mailang keiha ammei vepa Kahshih am shonei hanei am lühnüng longteinyüke.

2 PETER 2:4

Mehenangkü Kahvangi mang thahpü vangsho phongshan dangkao neyangi molo awlei shüktük hatü shahphenpü mangngoi thahshi chüpü shangmangei nyiamvüi shatü tuhjema;

1 JOHAN 1:8

Jen nyingi ham mang neshiüpih shei ejema, jen nyingi luhahnyüke, hatü jen kü shahhing nenyu.

1 JOHAN 2:21

Ngei am kü nyangpeyü ammi shahhing nenyingpü nangkü nevai, shejao ammi ha nyingei nyüke, hatü shahhing kübü shahshem nevamnyih.

1 JOHAN 2:4

Üami, “Ngei büpa nyingnyeih” shei etü büpalei shahkungnyü nebangnya, büpayü shahshem, hatü henüng shennyak kü shahhing nenyu;

1 JOHAN 3:12

Jenphongü laophülei naüpeü jütükpü kahshih leipü Kain kei nevaihen khih. Mehekei büpai chenaü jüpa? Mehenangkü büpai dükpü dou nejiü, shejao chenaüi dükpü dou jiüshi nyuteke.

1 JOHAN 3:15

Jeihinaü hatü nyahinaü kü jiühitpeyü shennyak jüpü am, hatü shennyak jüpü am kü yangnyuyem nenyupih shei ammi nyingei nyüke.

JUD SHAHSHA APPÜ 1:6

Hatü vangsho phongshanthü üami laophülei wong laphen jiüshi netuh, shejao laophü nyushing tuhphong, büpai hathü nedohnetenpü nyiamvüi shatü vangnyakei longpü shahphenpü nyih shingvaishi tuhtükpeih.

SHAKEI VAMPÜ 12:9

Hapa longpü Dragon, aivang mebü biü, üpa kü Shepe nevaijü Satan shei nyük, kahdoknyü kemei luhahpüba– büpa hatü büpalei phongshanthü kemei kahdoknyülei shükei shanshih.

SHAKEI VAMPÜ 13:14

hatü hapa yemhalei men kü nyangeihepü dükpai yani ma yahjao meidaipü yemhalei lajei linghen eyei kahdoknyülei nyupüthü luhahteke;

SHAKEI VAMPÜ 2:10

Am mepa shangponghen nyu, ha kü tenyem. Am kü dokhen shingvaishi kahshih-i am hanei yah-ei khoklatei shükhen mü nyüke lituh, hatü nyih an shing am shangponghen. Dipü thahshi hinglemtuh, hatü ngei am kü yangnyu athen shuohhen.

SHAKEI VAMPÜ 21:8

Shejao mong nelongpü, hingnelempü, sheihdaipü, shennyak jüpüthü, mükbongjuyungpüthü, phongyompüthü, lajei khümpüthü, hatü shahshem epüthülei shingü awkaong meli kü aw bahpü shemyungei nyuhen; hapayü nyipabü dipü.”

SHAKEI VAMPÜ 22:15

Chingshelei nyupüthüyü shithü, phongyompüthü, mükbongjuyungpüthü, shennyak jüpüthü, lajei khümpüthü hatü shahshem kü bampü hatü ha dükpüthü.

SHAKEI VAMPÜ 9:11

Jomei ongü shaongdoh neshiüpü kahshalei vangsho phongshan nyu, hatü büpalei menü Hebrew shah mü Abaddon, hatü Greek shah mü Apollyonf nyüke.