JOHAN 8:32 - DAÜLANGPÜ LAIHING (BSI)

³² hatü ammi shahhing nyinghen, hatü shahhingi am bümei leihühen” shei e.

JOHAN 8:32 Iomraidhean Croise

MENVIH KESHO 119:45

Ngei bümeiyangma leiyei kamteihen; mehenangkü ngei nüngei shahkung yemtepih.

MENVIH KESHO 25:5

Nüngei shahhing kü ngei mütuh hatü nyuhshih; mehenangkü nüngü ngei yemleipü Kahvang, helushoei ngei nüng omdannyeih.

KANDOK 1:23

Ngei lohpü kü lihahtuh; Ngelei mongdang leipü shahnying meipü, hatü ngei deihpü kemei ngaiyei am kü ephüshah.

KANDOK 1:29

Mehenangkü ammi kihikon kü jiühit; hatü Shembüpa kü nyemhen nejehah;

KANDOK 4:18

Shejao daülangpülei lemü nepnüng dhom vanghela helushoei nyapüba khangpükei nyüke.

ISAIAH 2:3

Nanglakthü longi peiyei, “Kei, jeni Shembüpalei kahshangei, Jakob Kahvangei shemei aongshah. Büpai büpalei lemthü kü kamhen shingvaishi jen kü büpalei lemthü nyuhphahen” shei ehen. Mehenangkü nyuhpüvenpü Zion leipü, hatü Shembüpalei shah Jerusalem leipü yanei daikahen.

ISAIAH 30:21

Mechem laknyong nevaijü lakdah lemei lephenshang, ammei dhaongi am pheikü shah hük, “Lemnyü-ü hapa hih, hapa kü kamtuh” shei eyei danhen.

ISAIAH 35:8

hatü halei lemnyüshong hük nyuhen; ha kü, “Daülangpü Lem” shei nyükhen. Nedaünelangpüthü hapa lem kü nekamhen, shejao hapayü Kahvangei shennyakthü shing mon nyuhen. Nemeipü, ngapathü hapa lem kü nekamhen.

ISAIAH 54:13

Ammei hapeüthü peü kü Shembüpai nyuhhen, hatü chingmeivangmei longpü ammei hapeüthü mü nyuhen.

ISAIAH 61:1

Shembüpa Kahvangei laangha ngei kü nyüpeih, mehenangkü Shembüpai ngei jepeih; Büpai ngei tokvaihanghipüthü touei shahjangmei kohen, mongdang mangdaipüthü meihühen, Wüpküpei nyupüthü kü bümei baonghen, hatü khoklatei nyupüthü laihühen;

JEREMIAH 6:16

Shembüpai hapakei enyüke: Lembaongei yaongtuh, hatü veituh, hatü meyangpü lemchang yemtuh, melemei lem meipü nyüpa, ha kü kamtuh, hatü nüngei laangha shing nyiushemmei danghahtuh. Shejao jomi, “Hami ha kü nekampih!” shei enyüke.

HOSEA 6:3

Jeni Shembüpa nyingshah; jeni büpa nyinghen kenshah. Büpa jen touei vanghe aongpü keiha; Ünyü vangi kahdok vaümhüpü keiha peikahen.”

LEVI 25:41

Büpa hatü chehathü aa laphen kübü bümei leihen, hatü büpa laophülei mükhiphang yemei leihen, hatü chebü chepalei mükjüp yahhen.

MALAKI 4:2

Shejao amphong üami ngelei men kü dhüm shuohnya, am shingvaishi daülangshemshepü vanghela kei meihüpü kohshi aongkahen. Mohoh cheha khaok leipü veshuohjü vamei phaukteipü keiha am vamei daiyei phaukteihen.

MATHI 11:29

Nüngi ngelei pang paituh, hatü ngei leipü nyinghahtuh; mehenangkü ngeiyü mongdangei nenteiaokpü hatü inyainyemi nyüpeih, hatü nüngei laangha shing nyiumei danghen.

JOHAN 1:14

Hapa Shah phai lei hatü jen mü nyu, hatü jeni büpalei müknyinshekhang, Pa leipü Halomei müknyinshekhang keiha phahji hatü shahhingi maei eeteke.

JOHAN 1:17

Mehenangkü shahkungü Mosa homei shuoh, shejao phahji hatü shahhingü Jisu Khrista homei peipeih.

JOHAN 14:6

Jisui jangei, “Ngeiyü lemnyü, shahhing hatü yangnyu; ngei nehompheikü üpaiyao Opa touei nepeiaokpih.

JOHAN 16:13

Mechem shahhing Laangha peikahen, büpai shahhing peü lemei am müphahen; mehenangkü büpai büpa nang ne-ehen, shejao büpai danpüthü ephahen, hatü ngoikahen douthü jung am kü ephahen.

JOHAN 17:17

Shahhing kü jom daühütuh; nüngei shah-ü shahhing nyüke.

JOHAN 6:45

Thibüthüi ha nyangei nyüke: ‘Jom peü kü Kahvangi nyuhnyeih. Üpai Pa kü bangnya, hatü büpa leipü nyinghahnya, ngei touei peinyeih.

JOHAN 7:17

Üpai Kahvangi mongpü dükhen shei mongei nyu, büpai hapayü Kahvang leipü hi ngei nyingkü deihtü ehahnya nyinghen hih.

JOHAN 8:36

Hanangkü Ha-i am bümei leihüjema, am bümei vaidaihen.

ROM SHAHSHA APPÜ 6:22

Shejao shaang amphong mang kübü bümei leiyei Kahvangei aa leiteke, hatü hapalei nanglei ammi dangpeyü daühüpü hatü ha kübü vampeyü yangnyuyem nyüke.

ROM SHAHSHA APPÜ 8:15

Mehenangkü amphongi nyipabü nyemhen aa laangha neyah, shejao ungei yahpü laangha yahpeih. Mechem jeni, “Abba! Opa!” shei lenhen,

ROM SHAHSHA APPÜ 8:2

Mehenangkü mang hatü dipü shahkungnyü kübü Khrista Jisu kü yangnyu Laangha shahkungi jen bümei leihüteke.

1 KORINT 7:22

Mehenangkü üpa aa vaishi nyushi Shembüpai nyük, büpayü Shembüpa kü bümei shennyak; hapa keiha üpa kü bümei vaishi nyushi nyüktepa, büpayü Khristalei aa nyüke.

GALATIA 5:1

Mehenangkü bümei shingvaishi Khristai jen bümei leihüpeih. Hanangkü wong kohshi yaongtuh, hatü aalei pang kü shao tepaai.

GALATIA 5:13

Jeihinaü hatü nyahinaüthü, amphongü bümei touei nyükpeih; shejao ammei bümei hean yah-ei mang nyingnyoi hüshemhühen tenotei, shejao bampai am hüki hük chongphoteituh.

2 TIMOTI 3:7

Ha nyühathüi düngei dannyüke, shejao shahhing nyingpü touei nepeinyu.

JAKOB 1:25

Shejao üami bümei leihüpü changpüshapü shahkung kü lekei veihen, hatü mehe dan ha nebetüki nedoh-i dükei daijema, jomi dükpü kü jom kü moihimanhen.

JAKOB 2:12

Bümei shuohpü shahkungi shahphenphahen khih shei nyingei etuh hatü düktuh.

1 PETER 2:16

Bümei nanglakthü kei nyutuh, shejao ammei bümei hean mang küptükhen shingvaishi tenotei; Kahvang chongphobüthü kei nyutuh.

2 JOHAN 1:1

Behe leipü jelangpü nyüha hatü pinnyülei hapeüthü touei: Am kü ngei hatü ngei mon nevai shahhing nyingpüthü peüi shahhing kü bamnyeih;