JOHAN 8:19 - DAÜLANGPÜ LAIHING (BSI)

¹⁹ Hahepak kü jomi büpa kü, “Ampa melei nyüpa?” shei phe. Jisui, “Ammi ngei nevaijü Opa nenying. Ammi ngei nyinglang meyü Opayao nyinghen vaipeih” shei e.

JOHAN 8:19 Iomraidhean Croise

JEREMIAH 22:16

Büpai taopa hatü nehahneyingpüthü kü jiüpü shahhing dükpeih, hanangkü büpa mü lemphüli meishi nyuhampeih. Ngei nyingtuh shei epeyü ha nevaipü je shei Shembüpai enyüke.

JEREMIAH 24:7

“Ngeiyü Shembüpa khih” shei nyinghen mongdang ngei jom kü shuohhen. Jomü ngelei nanglak, hatü ngeiyü jomei Kahvang; mehenangkü jomei mongdang kempai ngei touei mong lepei leihen.

MATHI 11:25

Hahepak kü Jisui e, “Ngei nüngei men longnyeih, Opa, vangsho hatü kahdoknyü Shembüpa; mehenangkü nüngi hathü douthü kon kohpü hatü nahpülangpüthü kübü jolang hatü aküngnaühathü kü ha shakei vamhüteke.

JOHAN 1:10

Büpa kahdoknyülei nyu, hatü kahdoknyü-ü büpa homei ling, shejao kahdoknyüi büpa nenying.

JOHAN 1:18

Üpaiyao Kahvang ne-ee, shejao hapayü Kahvang Halom Ha, üpa Pa philei nyu, büpai büpa nyinghüteke.’ ”

JOHAN 15:21

Shejao ngelei men tata kü jomi am kü ha douthü dükphahen; mehenangkü üpai ngei shom, jomi büpa nenying.

JOHAN 16:3

Jomi Opa nevaijü ngei nenyingpü nangkü jomi ha dükphahen.

JOHAN 17:3

Jomi nüng, hingshangpü Kahvang hatü nüngi shompü Jisu Khrista nyinghen hayü yangnyuyem hih.

JOHAN 7:28

Hahepak kü Jisui phopshemei nyuh-ei nyushingkü büpai wongmü lenei, “Ammi ngei nying, hatü ngei meleipü ammi nyingnyüke. Ngei ngei nyingi mongpü kü neyiü; shejao üpai ngei shom, büpayü hingshangpü, hatü ammi büpa nenying.

1 KORINT 15:34

Meipü hatü jiüshangpü mongdeih touei peikei hatü hajük kü mang tethah; mehenangkü shennyak haneiyü Kahvang nyingpü neshiü. Hayü ngei am veühühen nangkü enyeih.

GALATIA 4:9

Shejao shaang ammi Kahvang nyingei peiteke, nevaijü Kahvangi am nyingteke. Shejema mekei etü ammi shao wong nekohpü hatü vanglem lempü laanghathü lemei lepdainya? Amphongi hathü phangkü shao aa vaihüpü je?

EPHESIA 1:17

Am büpa touei peishingkü kihikon, laangha hatü shakei vampü am kü shuohhen shingvaishi jenei Shembüpa Jisu Khristalei Kahvang, müknyinshekhangpü Pa kü ngei phopnyüpeih.

KOLOSI 1:10

Shejüang Shembüpa touei changpü yangnyu nyuei lem peü kü büpa mong hahhühen, doumei peü kü betjük jükei Kahvang nyingpü kü longhen nangkü hami phopnyeih.

KOLOSI 1:15

Büpayü müki ne-eepü Kahvang lajei, lingpü peü kü shongpüba.

HEBREW 1:3

Büpayü Kahvang müknyinshekhang khanghüpü hatü Kahvang mekei nyu, büpa meimei anpü, hatü douthü peü büpalei ngan shah-i shümei tuhnyeih. Büpai mangthü daühüpheikü büpa vangsholei Jeiyongpalei lakdah philei uoteke;

1 JOHAN 2:23

Ha yaktükpü shennyak üpa kao Pa neshiü; üpai Ha lahnya, Pa-ao nyüke.

1 JOHAN 5:20

Jeni büpayü shahhing shei nyinghen shingvaishi Kahvang Ha peiyei jen kü danaokpü shuohpeih shei jeni nyingnyüke. Jenphongü üpa shahhing büpa kü nyüke– hapayü büpalei Ha Jisu Khrista. Büpayü hingshangpü Kahvang hatü yangnyuyem.

2 JOHAN 1:9

Üpai Khristai nyuhpüvenpü kü nekam, shejao ha peih-ei dainya, büpa kü Kahvang nenyu; üami nyuhpüvenpü kü kam, Pa hatü Ha nyiphen nyüke.