JOHAN 8:12 - DAÜLANGPÜ LAIHING (BSI)

¹² Shao Jisui jomphong kü, “Ngeiyü kahdoknyü vangngai. Üpai ngei phei münya, vangnyak kü nekamhen, shejao yangnyu vangngai danghen” shei e.

JOHAN 8:12 Iomraidhean Croise

JOB SHAHSHA APPÜ 33:28

Ngei kahshalei shüdaihen kübü büpai ngei yangpeih, hatü ngelei yangnyui vangngai eehen.”

MENVIH KESHO 18:28

Oh Shembüpa, nüngi ngelei awdük jakshi tuhnyeih, ngelei Kahvangi ngelei shangmang vangngai leihüpeih.

MENVIH KESHO 49:19

jom peü chebü chepa mü mahngshalei shüdaihen; halei ne-yei vangngai ne-eehen.

MENVIH KESHO 97:11

Daülangpüthü shing vanghe ja aongnyeih, hatü mongdang kangshangi nyupüthü kü mongong vamnyeih.

ISAIAH 49:6

Ngelei Jakob jatthü thaihühen, hatü Israel am müei leihen nangkü nüng ngelei chongphobü vaihenü ahshimaanpü douha hih. Nüng homei ngelei yemleipü kahdoknyü dohpü ngoishi deishihhen shingvaishi ngei nüngü kung am shingvaishi vangngai hük leihühen shei büpai enyüke.

ISAIAH 50:10

Am khongkü üpai Shembüpa kü nyemnya, hatü büpalei chongphobülei shah bangnya, üpai vangngai neshiüi vangnyak kü kamnya, shejao Shembüpalei men kü hinglemnya, hatü büpalei Kahvang kü hinglemnya?

ISAIAH 9:2

Vangnyak kü kampü shennyakthüi vangngai longpü eeteke; shangmang kahdok kü nyupüthü kü vangngai-i khangteke.

HOSEA 6:3

Jeni Shembüpa nyingshah; jeni büpa nyinghen kenshah. Büpa jen touei vanghe aongpü keiha; Ünyü vangi kahdok vaümhüpü keiha peikahen.”

MALAKI 4:2

Shejao amphong üami ngelei men kü dhüm shuohnya, am shingvaishi daülangshemshepü vanghela kei meihüpü kohshi aongkahen. Mohoh cheha khaok leipü veshuohjü vamei phaukteipü keiha am vamei daiyei phaukteihen.

MATHI 5:14

Amphongü kahdoknyü vangngai. Kahshangei nyupü chingnyü hük nejoaoknyih.

LUK SHAHSHA APPÜ 2:32

Kung am shakei vamhühen shingvaishi vangngai, hatü nüngei Israel nanglak shingvaishi müknyinshekhang.

JOHAN 12:35

Jisui jomphong kü, “Amphong mü vangngai kansho hük nyuhen. Am mü vangngai nyushingkü vangngai kü kamtuh, shejüang vangnyaki am she neyeihen. Amphong shangmang kü kamjema, am melei dainya nenyinghen.

JOHAN 12:36

Amphong vangngai hathü leihen shingvaishi vangngai am mü nyushingkü hapa vangngai kü hinglemtuh” shei e. Jisui hathü epheikü büpa daiyei jomphong toueipü jodai.

JOHAN 12:46

Ngei kü vaipü üpaiyao vangnyak kü nekamhen shingvaishi ngei kahdoknyülei vangngai hük kei yiüpeih” shei e.

JOHAN 14:6

Jisui jangei, “Ngeiyü lemnyü, shahhing hatü yangnyu; ngei nehompheikü üpaiyao Opa touei nepeiaokpih.

JOHAN 3:19

Shahphenpü dou-ü ha: Vangngaiyü kahdoknyülei yiü, shejao hangkuthüi vangngai nangjei vangnyak küang bam; mehenangkü jomei douthü-ü mang nyuteke.

JOHAN 7:17

Üpai Kahvangi mongpü dükhen shei mongei nyu, büpai hapayü Kahvang leipü hi ngei nyingkü deihtü ehahnya nyinghen hih.

JOHAN 9:5

Ngei kahdoknyülei nyupü thahshi ngei kahdoknyü vangngai.”

PHONGSHANTHÜ DOU 13:47

Mehenangkü Shembüpai ham kü hapakei shahkung shuohpeih: ‘Kahdoknyü dohpü ngoishi yemleipü danghühen nangkü ngei amphongü Kung am shingvaishi vangngai hük leihüpeih.’ ”

PHONGSHANTHÜ DOU 26:23

Messiah shangponghen hatü dipü kübü yangei leihen shongpü vaipü nangkü büpai Jehoda am hatü Kung am kü vangngai jung baonghen.

2 PETER 2:17

Hathüyü yung neshiüpü yunglok, hatü vanglüki deipü phumthü; mehenangkü jom shingvaishi shangmang vangnyak jaoei nyüke.

2 PETER 2:4

Mehenangkü Kahvangi mang thahpü vangsho phongshan dangkao neyangi molo awlei shüktük hatü shahphenpü mangngoi thahshi chüpü shangmangei nyiamvüi shatü tuhjema;

1 JOHAN 1:6

Jen vangnyak kü kamyaki jen büpa mü mongjemnyeih shei ejema jeni shahshem enyüke, hatü mehe shahhing ha nedüknyu;

JUD SHAHSHA APPÜ 1:13

Jomphongü mangpü yungching yungmok, jomei veüpong yung-oup kei puoei aongnyüke; shing nenüngpü lithathü, den kü jom shingvaishi peü mü nyakpü vangnyak jaoei nyüke.

JUD SHAHSHA APPÜ 1:6

Hatü vangsho phongshanthü üami laophülei wong laphen jiüshi netuh, shejao laophü nyushing tuhphong, büpai hathü nedohnetenpü nyiamvüi shatü vangnyakei longpü shahphenpü nyih shingvaishi tuhtükpeih.

SHAKEI VAMPÜ 21:24

Jatthüi hapalei vangngai kü kamhen, hatü kahdoknyü ongthüi halei jomei müknyinshekhang koei peihen.