JOHAN 7:39 - DAÜLANGPÜ LAIHING (BSI)

³⁹ Shaang büpai hayü büpa kü hinglempüthüi yahhen Laangha jung eteke; mehenangkü Jisu müknyinshekhang kü mangaongdai-i nyupü nangkü Laangha shao-üng mangshuoh-i nyuteke.

JOHAN 7:39 Iomraidhean Croise

MENVIH KESHO 68:18

Mechem nüng shaopü kahshangei aongpa, nüng mü khoklat kü longi müei aong. Nüng khüei yaongpüthü leipao nüngi laklei yah; Shembüpa Kahvang halei nyuhen aongteke.

KANDOK 1:23

Ngei lohpü kü lihahtuh; Ngelei mongdang leipü shahnying meipü, hatü ngei deihpü kemei ngaiyei am kü ephüshah.

ISAIAH 12:3

Mongongpai ammi yemleipü yungkukthü leipü yung shohen.

ISAIAH 32:15

Shejao shangphi leipü laangha ham kü khüpphahen, hatü bhih kahdok kemei kahcheü kohpü kahdok leihen, hatü hapayü yinghilong kei nyuhen.

ISAIAH 44:3

Yung nedangpü kahdok kü ngei yung yahphahen, hatü kahngadok kü yungyenthü yenhühen; Ngei ngelei laangha ammei hühihathü, hatü ngelei moihiman ammei lihilathü kü khüpphahen.

JOEL 2:28

Hapheikü ngei nanglak peü kü ngelei laangha khapshuohhen; Ammei nethe hatü nelathüi teteivanhen; ammei bajeithüi mangh manghhen; ammei nethethüi manghkhang eehen.

MATHI 16:14

Jomphongi, “Hanei ami Johan Baptükbü khih shei, shao hanei ami Elijah, hatü hanei ami Jeremiah nevaijü thibüthü khong kü hük khih shei eteinyüke” shei e.

MATHI 21:11

Khongi, “Büpayü thibü Jisu, Galil leipü Nazareth am khih” shei eteke.

LUK SHAHSHA APPÜ 24:49

Veituh, ngelei Pa-i mehe lah, ha ngei am kü shomhen; hanangkü amphong shangeipü ngani am kü mangbak thahshi chingnyülei nyutuh” shei e.

LUK SHAHSHA APPÜ 3:16

Johani jomphong kü shahnyok shuoh-ei, “Ngei amphongü yungi baptüknyeih, shejao ngei mao nyeishi wong kohpü hük peikünyüke; ngei büpalei lathuh vü laihenao neaok. Büpai amphong kü Laangha Daülangpai hatü awi baptükphahen.

LUK SHAHSHA APPÜ 7:16

Jom peü nyempai madai, hatü jomi Kahvang müknyinshekhangei, “Jen touei thibü longpü hük vamteke” hatü “Kahvangi laophülei nanglak yanghen peiteke” shei e.

JOHAN 1:21

Jomi büpa kü, “Shejema nüng üpaang? Nüngü Elijah je?” shei phe. Büpai, “Nevaipih” shei e. Nüngü thibü je? Büpai, “Nevaipih” shei jang.

JOHAN 1:25

Jomi büpa kü, “Shejema nüngü Messiah-ao nevai, Elijah-ao nevai, nevaijü thibü hükao nevaivai-i mehekei baptüknya?” shei phe.

JOHAN 1:33

Ngeiyao büpa nenyingham, shejao üpai ngei yungi baptükhen shom, büpai ngei kü, “Üpa kü nüngi Laangha yiüei bakei ee, büpai Laangha Daülangpai baptükphahen shei ephopeih,

JOHAN 12:16

Büpalei nanglomthüi shongei ha nenyingaok, shejao mechem Jisu müknyinshekhangpa, hapheikü jomi büpa nang hathü nyangei nyüke, hatü büpa kü ha dükteke shei deih-ei dang.

JOHAN 12:23

Jisui jiji kü, “Shennyak Ha müknyinshekhanghen hepak ngoiteke.

JOHAN 14:13

Ha kü Pa müknyinshekhanghen shingvaishi ammi ngelei men kü mehe yühenshang ngei ha shuohhen.

JOHAN 14:26

Shejao Sheühbü, Laangha Daülangpü, üpa ngelei men kü Opa-i shomhen, büpai am kü lemphü nyuhphahen, hatü ngei am kü epü peü deih-ei lehühen.

JOHAN 16:14

Büpai ngei müknyinshekhanghühen; mehenangkü büpai ngelei lompüthü yahhen hatü ha am kü nyinghühen.

JOHAN 16:7

Shejoongpa ngei am kü shahhing enyeih: am vangmeihen nangkü ngei lüdainyeih; mehenangkü ngei nedaijema Sheühbü am touei nepeikahen; ngei lüdaijema ngei am touei büpa shomphahen.

JOHAN 17:1

Jisui hathü shah epheikü büpai vangsho philei ngangei veitü eteke, “Opa, hepak ngoiteke, Anha-i nüng müknyinshekhanghen shingvaishi Anha müknyinshekhanghütuh.

JOHAN 17:5

Hanangkü shaang, Opa, kahdoknyü lingshekü nüng touei ngei kü nyupü müknyinshekhangi nüng touei ngei müknyinshekhanghütuh.”

JOHAN 20:22

Mechem büpai ha epa, büpai jomphong kü ngüi dutü jomphong kü, “Laangha Daülangpü yahtuh.

JOHAN 6:14

Mechem nanglakthüi büpai dükpü nyangeihepü eepa, jomi, “Hapayü kahdoknyülei yiükahen nyupü thibü khih” shei eteihen chongpang.

JOHAN 7:12

Büpa nangkü khong longi langmaanteiyei nyu. Hanei ami, “Büpayü shennyak mei hih” shei e, haneiyü, “Nevaipih, büpayü mih luhahnyüke” shei e.

JOHAN 8:54

Jisui jangei, “Ngei nyingi müknyinshekhanghahjema, ngelei müknyinshekhangü angsha. Ngei müknyinshekhanghüpeyü ngelei Opa hih; ammi büpa nenyingjao üpa jung ammi ‘Büpayü hamei Kahvang’ shei enya, hayü büpa hih.

PHONGSHANTHÜ DOU 19:2

Büpai jomphong kü, “Am vaipü hepak kü ammi Laangha Daülangpü yahla?” shei phe. Jomi, “Neyah, hami Laangha Daülangpü nyüpüja sheiyao nedanangpih” shei jangei e.

PHONGSHANTHÜ DOU 2:17

Dohpü nyihthü kü hapakei nyuhen shei Kahvangi enyüke: ‘Ngei nanglak peü kü ngelei Laangha khüpshuohhen, ammei yiükha yeshangthüi teteivanhen; nethethüi manghkhang eehen, hatü behethüi mangh manghhen.

PHONGSHANTHÜ DOU 2:33

Kahvangei lakdah philei longei anshihtü Pa leipü Laangha Daülangpü lahpü dangteke, hatü ha büpai am kü khüpphopü shaang ammi eenyüke, hatü dannyüke.

PHONGSHANTHÜ DOU 2:38

Peteri jomphong kü, “Amphong mong leptuh, hatü am peüi Jisulei men kü yung kü hüngtuh, shejüang ammei mang tükphahen, hatü amphongi Laangha Daülangpü thintho danghen.

PHONGSHANTHÜ DOU 2:4

Jom peü Laangha Daülangpai ma, hatü Laanghai jom kü ehüaokpü thahshi lebü shah mü ehen chongpang.

PHONGSHANTHÜ DOU 3:13

Abraham Kahvang, Isak Kahvang, Jakob Kahvang hatü jenei bühipalei Kahvangi büpalei ha Jisu, üpa ammi büpa lanei shuoh, hatü Pilati vetükhen ejao ammi nemong, büpa müknyinshekhanghüpü khih.

PHONGSHANTHÜ DOU 4:31

Jom phopei tempheikü jom thaipü shing jenteke, hatü jom peü Laangha Daülangpai ma hatü Kahvang shah mong longei e.

ROM SHAHSHA APPÜ 8:9

Shejao amphongü phai kü nenyu; Kahvang Laangha am kü nyupü nangkü amphongü Laangha kü nyüke. Üpa kü Khrista Laangha nenyu, büpayü Khristalei nevai.

2 KORINT 3:8

Laanghalei chongphopü dousho meshük nyeishi müknyinshekhang kü peikahen?

EPHESIA 4:30

Angei leipü nyih shingvaishi am kü füoshang shüngpü Kahvang Laangha Daülangpü mongtemanghü.