Biblia Todo Logo
Bìoball air-loidhne

- Sanasan -




JOHAN 7:37 - DAÜLANGPÜ LAIHING (BSI)

37 Mo dohpü hatü longpü nyih, Jisui yaongtü wong mü lenei, “Üam yung lenya, ngei touei peikei, hatü yingtuh,

Faic an caibideil Dèan lethbhreac




JOHAN 7:37
50 Iomraidhean Croise  

Nyihjeih shongpü nyih kübü dohpü nyih thahshi büpai Kahvangei shahkungnyü lai kübü ieteke. Jomphongi nyih nyet thahshi moteke hatü nyih shetpabü kü shahkungi mongpükei thaipüyupü nyu.


Ngei nüng kü ngelei lak haongnyeih; kahvan keiha ngelei laanghai nüng yunglenyeih.


Ngelei laanghai Kahvang, vanyangyem Kahvang ongyangnyeih. Mechem ngei peiyei Kahvangei dhe eehen?


Oh Kahvang, nüngü ngelei Kahvang, ngei nüng yemnyeih. Yung neshiüpü kahvan kü ngelei laanghai nüng young lenyeih; ngelei phai-i nüng ongyangnyeih.


Bangtuh! Kihikoni wongmü chingshongei, hatü banghjüm shingei lenei nyüknyüke;


Kihikoni nenyüknyu je? Danaokpü koni ngeüwong neannyu je?


Ngei-i ngei kü bampüthü kü bamnyüpeih, hatü üami ngei yemnya, dangnyüpeih.


Chingnyülei shüpü penyüsha, hatü shadenei pinnyü yaongtü lennyüke:


Pinnyüi pinnyülei nelathü jom nyet shomei chingnyü kü shaopü shingthü kübü nyüknyüke.


Ngei ngelei pemongei peitepih, ngelei naüpeü, ngelei shembünyü; ngei myrrh mü vong meipü meli thaitepih. Ngei ngelei nyahdük hatü nyahjiü hahtepih; ngei ngelei yiü hatü amma yingtepih. Hahtuh, Oh küphüthü, hatü moh-ei yingtuh, Oh ngei bampüthü.


Mongongpai ammi yemleipü yungkukthü leipü yung shohen.


Jerusalem nanglakthü kü yawh-eiyangei etuh, hatü pinnyü kü, “Hepak luangi shanghahpü dohdaiteke, pinnyülei mang tükteke, jomei mang shingvaishi SHEMBÜPAleipü jomi shingnyi dangteke shei baongeishuoh.


Ngeü hüki, “Lentuh!” shei enyüke. “Ngei mehe lenhenang?” shei pheteke. “Hangkuli peü phenhavunglak leangke, hatü jomei müknyinshekhangü kahdoknyü chübongale leangke.


Yung nedangpü kahdok kü ngei yung yahphahen, hatü kahngadok kü yungyenthü yenhühen; Ngei ngelei laangha ammei hühihathü, hatü ngelei moihiman ammei lihilathü kü khüpphahen.


Hey, amphong yung lepüthü peü, yung touei peikei; Üami lop ne-ang, peikei, shakei yingtuh! Peikei, lop neshiüi, bhei neshuoh-i yiü hatü amma shakhahtuh.


Ammei dhaong shaangtuh, hatü ngei touei peikei; Am yemmü nyuhen nangkü ngei epü bangtuh. Ngei am mü nedohnetenpü vangpüshuwpü linghen, hatü ngei David kü lahpü moihiman shuohhen.


Nenmü nenyui wongmü lentuh! Ngelei nanglakthü kü jomi khüei yaongpü, hatü Jakob phang kü jomei mang baongeishuoh.


Oh Shembüpa, ngelei wong, hatü ngelei penyüsha, shanghah hepak kü ngei loishing. Nüng kü kahdok dohpü junghijang peü kübü peiyei, “Hamei bühipathüi meheyao ne-ang, shahshem kahvangthü, yahlak neshiüpü, jom kü meheyao mei nedükpü lajeithü angpü khih” shei ehen.


Daituh, hatü Shembüpai hapakei enyüke shei Jerusalem am danshi etuh: Am thehila hepak kü meshük ngei kü bamshi nyupa! Doidaila keiha am meshük ngei kü kenpa, chemao kah nelingpü phaü kü mekei ngei müpa!


Melemei ha yung yenhen, halei yemhamakha lemphü hatü nyah longi nyuhen, hatü hapa yung daülangi leihen hatü ha yung yenpü peü lemei lemphü yemmü nyukahen.


Nyih nyet mong aa kü Shembüpa kü aw kü jakei moila shuohhen; nyih shetpabü kü am peü khümnüng thaihen hatü Shembüpa kü jakei moila shuohhen. Hapayü khümpü nyih hatü ammi dou nedükhen.


Mechem ammi ammei hah vetei temhenshang, lenyang nyetpabü nyih anpüngapabü kü pangei hapa mo mohen. Shongpü hatü shetpabü nyih-ü hayaoha nyiumeipü nyih vaihen.


Bangtuh, Shembüpai chingnyü kü nyüknyüke, hatü Shembüpalei men kü nyemhenü kon kohpü nyüke. Bangtuh, Oh jat hatü chingnyü kü thaiyei nyupüthü!


Jeiyong Shembüpalei inyüshungi jom yanghen, jomi nyeilah kü shoupei mangtükhen; Jomi nükchokyiümok am kei thepju kü lenhen, hatü vepathü iy yenhühen. Chilimji leipü iy moila shuohpü moidü touei langpükei yenkahen.


Nyih shetpabü kü amphong peü phopnüng thaituh hatü ha nyih dou tedük.


Amphong nyiupünangpü hatü hanggovih kopüthü ngei touei peikei, hatü ngei amphong kü nyiushemmei yahphahen.


Hapayü Isaiah thibüi eshingkü büpa nang ha eteke: “Jahpanei hüki lenpü ngeü: ‘Amphongi Shembüpalei lem temtuh; büpalei lemthü kangshangi lingtuh.’ ”


Daülangshemshepü men kü üami shüaeiyunglenya, jomphong moihiman; mehenangkü jomphong shümoh meihen.


Büpai jangei Isaiah thibüi epükei, “Ngeiyü Shembüpalei lem kangshangi temtuh shei jahpanei lenpü ngeü hük hih” shei eteke.


Jisui jangei, “Ngeiyü lemnyü, shahhing hatü yangnyu; ngei nehompheikü üpaiyao Opa touei nepeiaokpih.


Jisui pinnyü kü, “Nüngi paoh Kahvangei thintho nyinglang meyü, ‘Ngei kü yinghen yung yahshih’ shei üpai nüng kü yünya, nüngi büpa kü vanyangyem yung yühah shepeih” shei e.


Hapa nyühai büpa kü, “Longpüba, nüngei yungshong neshiü, hatü yungkuk chüshi nyüke, nüngi meleipü ha vanyangyem yung dangnya?


shejao üami ngei shuohpü yung yinghenshang mechemao yung nelehen. Ngei shuohpü yungü jom kü yunglok leiyei vanyangyem touei bhaoei vamhen” shei e.


shejao yangnyuyem danghen shingvaishi ammi ngei touei peihen nemongnyu.


Jisui jomphong kü e, “Ngeiyü yangnyuyem hahying. Üami ngei touei pei, mechemao ne-aeipih, hatü üami ngei kü hinglemnya mechemao yung nelepih.


Pa-i ngei kü shuohpüthü peü ngei touei peikahen, hatü üpa ngei touei peinya, ngei mechemao nechangtükhen;


mehenangkü ngelei phaiyü hingshangpü hahying, hatü ngelei iy-ü hingshangpü yung.


Hahepak kü Jisui phopshemei nyuh-ei nyushingkü büpai wongmü lenei, “Ammi ngei nying, hatü ngei meleipü ammi nyingnyüke. Ngei ngei nyingi mongpü kü neyiü; shejao üpai ngei shom, büpayü hingshangpü, hatü ammi büpa nenying.


Ammi Shembüpalei yungshong hatü kahshihlei yungshongao yingnüng neaok. Ammi Shembüpalei nükdü hatü kahshihlei nükdü nyiphen kü hean yah-ei hahnüng neaok.


hatü peüi aihük laangha yung ying. Mehenangkü jomphongü jom mü chemi daipü laangha yaong kübü yung ying, hatü hapa yaongü Khrista.


Ha aihük mü aan hahpheikü büpai shao yungshong yah-ei e, “Hapa yungshongü ngelei iy kü vangpüshuwpü ja hük. Meshükpa ammi hapa yinghen, hajükpa ngei deih-ei dangei ha yingtuh.”


Mehenangkü Laangha hük kü Jehoda am nevaijü Greek am, aa nevaijü bümei vaijao büm hük kü jen peü baptük, hatü jen peü kü Laangha hük yinghen shuoh.


Yiüi techok; mehenangkü delilao nyüpeih, shejao Laanghai maei nyutuh.


Hapheikü büpai ngei kü eteke, “Ha dükteke. Ngeiyü Alpha hatü Omega, Chongpangpü hatü Dohpü. Yung lepüthü kü ngei lop neyah-i yangnyu yunglok kübü yung yinghen shuohhen.


Hapheikü vangsho phongshani ngei kü chüshaü kei daülangpü Kahvang ong uoshing hatü Mi Cheha leipü yenpü yangnyu yung yungyen huphüteke;


Laangha hatü yiükjinglai enyüke, “Peikei.” hatü danpü peüi “Peikei” shei etuh. Üpai yung lenya peikei. Napü peüi yangnyu yung angkü yahhahtuh.


Lean sinn:

Sanasan


Sanasan