JOHAN 7:33 - DAÜLANGPÜ LAIHING (BSI)

³³ Jisui hahepak kü, “Ngei amphong mü hepak kanja mon nyutü üpai ngei shom, büpa touei ngei lüdaihen.

JOHAN 7:33 Iomraidhean Croise

MARK 16:19

Shembüpa Jisui jom mü eteipheikü vangsholei anlang, hatü Kahvangei lakdah philei uo.

JOHAN 13:1

Shaang Hompü Mo shekü hapa kahdoknyü kübü yanei Pa touei daihen hepak ngoiteke shei Jisui nying. Kahdoknyülei nyupü büpalei nanglakthü kü bampü nangkü büpai jom kü meshük thahshi bamnya, ha huteke.

JOHAN 13:3

chepai büpalei lak kü lemphü shuohteke, hatü büpa Kahvang leipü pei, hatü Kahvang touei daihen shei Jisui nyingei,

JOHAN 13:33

Maanpü hashihthü, ngei am mü hepak kansho hük mon nyuhen. Ammi ngei yemhen hatü ngei Jehoda am kü epükei shaang ngei am kao enyeih, ‘Ngei melei nyu, halei am nepeiaokhen.’

JOHAN 14:12

Hingmei ngei am kü enyeih, üpai ngei kü hinglemhen, büpai ngei dükpü douthü dükaokhen; hingmei, ngei dükpü kao nyeishi dükaokhen; mehenangkü ngei sheyü Opa touei lüdainyeih.

JOHAN 14:19

Kansho hük pheikü kahdoknyüi ngei ne-eehen, shejao ammi ngei eehen; mehenangkü ngei yemmü nyupü nangkü amao yemmü nyuhen.

JOHAN 14:28

Ngei am kü, “Ngei lüdainyeih, hatü ngei am touei peikahen” shei epü ammi danteke. Ammi ngei kü bamjema ngei Opa touei lüdaipü kü ammi bamhen; mehenangkü Opayü ngei mü longpüba.

JOHAN 16:10

daülangshemshepü nangkü; mehenangkü ngei Opa touei lüdainyeih hatü hajük kü ammi ngei ne-eehen;

JOHAN 16:28

Ngei Opa leipü pei, hatü kahdoknyülei yiü; shao ngei kahdoknyü tuhphongtü Opa touei lüdainyeih.

JOHAN 16:5

Shejao shaang üpai ngei shom, büpa touei ngei lüdainyeih; shejao amphong üpaiyao ngei kü, “Nüng melei dainya?” shei nephe.

JOHAN 17:11

Shaang ngei hajük kü kahdoknyülei nenyuhen, shejao jomphong payü kahdoknyülei nyüke, hatü ngei nüng touei peikünyeih. Daülangpü Opa, nüngi ngei kü shuohpüthü nüngei men kü yangei tuhtuh, shejüang ji hük vaipükei jomphongao hük leihen.

JOHAN 17:13

Shejao shaang ngei nüng touei peikünyeih, hatü jom kü ngelei mongong changhühen shingvaishi ngei kahdoknyülei hathü enyüpeih.

JOHAN 20:17

Jisui pinnyü kü, “Nüngi ngei kü laki tedükpha; mehenangkü ngei Opa touei mangaongpih. Shejao ngelei jeihinaüthü touei daiyei jomphong kü, ‘Ngei ngelei Opa hatü ammei Pa, hatü ngelei Kahvang hatü ammei Kahvang touei aongdainyuja’ shei etuh” shei eteke.

JOHAN 9:4

Üpai ngei shom, büpalei dou jeni vangngai kü dükhen vongbong; üpaiyao dou nedükaokhen mü vangnyak peikünyüke.