JOHAN 7:28 - DAÜLANGPÜ LAIHING (BSI)

²⁸ Hahepak kü Jisui phopshemei nyuh-ei nyushingkü büpai wongmü lenei, “Ammi ngei nying, hatü ngei meleipü ammi nyingnyüke. Ngei ngei nyingi mongpü kü neyiü; shejao üpai ngei shom, büpayü hingshangpü, hatü ammi büpa nenying.

JOHAN 7:28 Iomraidhean Croise

MENVIH KESHO 9:10

Üami nüngei men nying, jomi nüng kü hinglemnyüke. Mehenangkü Oh Shembüpa, nüngi nüng yempüthü neyakphong.

JEREMIAH 31:34

Hajük kü shennyak hüki laophülei chingyowpa kü, nevaijü shennyak hüki laophülei jeihinaü kü, ‘Shembüpa nyingtuh’ shei nenyuhteihen; mehenangkü maanpü kübü longpü thahshi jom peüi ngei nyinghen. Mehenangkü ngei jomei mang tükhen, hatü hajük kü jomei mang deih-ei nedangpih” shei Shembüpai enyüke.

JEREMIAH 9:6

Shüveipü pheikü shüveipü, lueilempü pheikü lueilempü! Jomi ngei nyinghen nemongnyu shei Shembüpai enyüke.

HOSEA 4:1

Shembüpalei shah bangtuh, Oh Israel nanglakthü; Mehenangkü kahmük kü nyupüthü khüei Shembüpalei thaüvaü hük nyüke. Kahmük kü hinglempü nevaijü bamtei-aongteipü neshiü, hatü Kahvang nyingpü neshiü.

HOSEA 5:4

Jomei doui jom Shembüpa touei lephen bangnyüke. Mehenangkü mükbongjuyung laangha jomei mong kü nyüke, hatü jomi Shembüpa nenyingnyu.

MATHI 11:27

Dou peü Opa-i ngei kü lanei shuohteke; hatü Pa mü lenei Ha üpaiyao nenying; hatü Ha mü lenei hatü Ha homei büpa shakei vampü nyinghen shingvaishi jepüthü mü lenei üpaiyao Pa nenying.”

MATHI 2:23

Halei büpai Nazareth shei epü jila hükei nyuei dai; mehenangkü hapayü thihivamthü homei, “Büpa kü Nazareth am shei nyükhen” shei epü jiühühen shingvaishi ha vamteke.

MATHI 26:55

Hahepak kü Jisui khongnyü kü, “Amphongü gühpa hük kü keiha ngei yephen yan hatü miyaung noshi peiküpü je? Nyihjeih ngei phopshemei uotü nyuh-ei nyushingkü ammi ngei neyep.

LUK SHAHSHA APPÜ 10:22

Opai ngei kü douthü peü lanei shuohteke; hatü Pa mü lenei Ha üpaiyao nenying, nevaijü Ha mü lenei hatü Ha-i büpa shakei vamhühen jepüba mü lenei üpaiyao Pa nenying.”

LUK SHAHSHA APPÜ 2:11

Shinnyih David chingnyü kü am touei Yemleipüba, üpa Khrista, Shembüpa nyüpa, büpa angei nyüke.

LUK SHAHSHA APPÜ 2:39

Shembüpalei shahkungi yüpü lemphü dükei tempheikü Galil kü jomei jila Nazarethlei jom nyokei lei.

LUK SHAHSHA APPÜ 2:4

Joseph-ao Galil kahdok Nazareth leipü Judea kahdok kübü David Chingnyü Bethlehemei dai; mehenangkü büpayü David am shahishem kübü phaakpü nyuteke.

LUK SHAHSHA APPÜ 2:51

Hapheikü büpa jiji mü leiyei Nazareth ngoi, hatü jiji-i epü ven bangei nyu. Chenyüi lemphü mongei jaoshi ang.

JOHAN 1:46

“Nazareth leipao lemhük mei vamaokhen je?” shei Nathanaeli phe. Philipi, “Peiyei veituh” shei e.

JOHAN 10:36

‘Ngeiyü Kahvang Ha’ shei epü nangkü Opai daütüktü kahdoknyülei shompü hüki thaüvaüei enyüke shei ammi eaokhen je?

JOHAN 12:49

Mehenangkü ngei ngei mongpü ne-enyih, shejao ngei shompü Opa-i mehe ehen, mekei ehen ha ngei kü shahkung shuohpeih.

JOHAN 14:10

Ngei Opa kü hatü Opa ngei kü nyüpeih shei nüngi nenyingang je? Ngei nüng kü epü shahthüyü ngelei lompü shah nevai. Shejao hapayü Opa, üpa ngei kü nyu, büpai ha dou düknyüke.

JOHAN 14:31

Ngei Opa kü bamnyüke shei kahdoknyüi nyinghen shingvaishi ngei Opa-i epü düknyüpeih. Yaongtuh, jen daishah.

JOHAN 16:3

Jomi Opa nevaijü ngei nenyingpü nangkü jomi ha dükphahen.

JOHAN 17:25

Daülangpü Opa, kahdoknyüi nüng nenyingnyu, shejao ngei nüng nyingnyüpeih, hatü nüngi ngei shompü khih shei hathüi nyingnyüke.

JOHAN 17:3

Jomi nüng, hingshangpü Kahvang hatü nüngi shompü Jisu Khrista nyinghen hayü yangnyuyem hih.

JOHAN 3:2

Büpai nyak kü Jisu touei peiyei büpa kü, “Nyuhbü, nüngü Kahvang leipü yiüpü nyuhbü shei nyingnyüke; mehenangkü Kahvang ne-ompheikü nüngi dükpü nyangeihepü douthü üpaiyao nedükaokpih” shei e.

JOHAN 3:33

Üami büpalei shah yah, Kahvangü shahhing shei denpü shuohnyüke.

JOHAN 5:32

Ngelei men kü denpü shuohpü hük nyüpeih, hatü büpalei denpeyü ngei keyü jiüangke shei ngei nying.

JOHAN 5:43

Ngei Opalei men kü yiüpeih, shejao ammi ngei neyah; lebü hük büpalei men kü peikülang meyü ammi büpa yahhen vaipeih.

JOHAN 6:42

Jomi, “Hapayü Josephei cheha Jisu nevaipü je? Chenyü chepa jeni nyingei nenyupü je? Mekei etü büpai, ‘Ngeiyü vangsho leipü yiüpeih’ shei eaoknya?” shei eteiteke.

JOHAN 7:14

Mo jiam kü Jisu phopshemei peiyei nyuhhen pang.

JOHAN 8:14

Jisui jangei, “Ngei ngei nang denpü shuohhahlangmao, ngelei denpeyü jiütei; mehenangkü ngei meleipü peipa hatü melei dainya ngei ha nying, shejao ngei meleipü pei hatü melei dainya, ha ammi nenying.

JOHAN 8:16

Shejao ngei paoh shah phenlangmao ngelei shahphenü jiüshi nyüpeih; mehenangkü hayü ngei moni phennyu nevai, shejao ngei hatü ngei shompü Pa henji-i phennyüpeih.

JOHAN 8:19

Hahepak kü jomi büpa kü, “Ampa melei nyüpa?” shei phe. Jisui, “Ammi ngei nevaijü Opa nenying. Ammi ngei nyinglang meyü Opayao nyinghen vaipeih” shei e.

JOHAN 8:26

Ngei amphong nang shahphenei ehen longi nyüpeih, shejao üpai ngei shom büpayü shahhing, hatü ngei mehe büpa leipü dan, ha kahdoknyü kü enyüpeih” shei e.

JOHAN 8:42

Jisui jomphong kü, “Kahvangü ammei Pa vailangmeyü ammi ngei kü bamhah shepeih; mehenangkü ngei Kahvang leipü peipeih, hatü shaang ngei hatouei nyüpeih. Ngei mongpü kü ngei nepei, shejao büpai ngei shompeih.

JOHAN 9:29

Kahvangi Mosa homei eteipeih, shejao hapa shennyakü meleipü peipa hami nenying” shei e.

PHONGSHANTHÜ DOU 17:23

Mehenangkü ngei chingnyü homei daishingkü, hatü ammi khümpü dou kü meishi veijü khümteipü moidü hük kü, ‘NENYINGPÜ KAHVANG HÜK KÜ’ shei nyangei eeteke. Ammi mepa kü nenyingi khüm, ha jung ngei am kü baongnyüpeih.

ROM SHAHSHA APPÜ 1:28

Kahvang nyinghen jomphong den nengoi shei veiaokpü nangkü Kahvangi jomphong nedükbenüng dou dükhen mongdang ten kü lanei shuohtükpeih.

ROM SHAHSHA APPÜ 3:4

Hapakei nevai! Shennyak peü shahshem epüthü; Kahvangü shahhing. Hapakei nyangei nyüke: “Hanangkü mechem nüngi shah ehen, nüng jiüpeih shei huteke, hatü nüng shahphen shingkü dahshakteke.”

2 KORINT 1:18

Shejao Kahvangü shahhing vaipü nangkü am touei hamei shah-ü, “Hih hatü nevai” shei ne-e.

2 KORINT 4:6

Mehenangkü Kahvangi, “Vangnyak kü vangngai khanghütuh” shei e, hatü Jisu Khristalei dhe kü Kahvang müknyinshekhang nyingpü vangngai jen kü shuohhen shingvaishi büpai jenei mongdang kü vangngai khangpeih.

TITUS 1:2

shahshem ne-epü Kahvangi denshemthü mangpangi lahpü nedohnetenpü yangnyuyem kü monglempü kü,

HEBREW 6:18

Mechemao nejeileaokpü doulem nyi nyüke. Mechem Kahvangi lemhük ehen, büpai shahshem ne-enyih, hatü mechem büpai lahhen shahshemi nelahnyih. Hanangkü jen üami büpa touei dhümloi dang, jen touei temei nyupü monglem kü wongshongi shonghen shingvaishi hapai jen kü wong hatü nyiushemmei shuohnyeih.

1 JOHAN 5:10

Üami Kahvang Ha kü hinglem jomei mongdangei denpü nyüpeih. Üpai Kahvang kü hingnelem, Kahvangi laophülei Ha nangkü denpü shuohpü kü hingnelempai büpa shahshem leitükteke.

1 SAMUEL 2:12

Elilei cheha nyiyü nemeipü shennyak nyu; jijinyi-i Shembüpa kü ie kü neshih,