JOHAN 6:51 - DAÜLANGPÜ LAIHING (BSI)

⁵¹ Ngeiyü vangsho leipü yiüpü yangnyu hahying. Üami hapa hahying hahhen, den kü yemmü nyuhen, hatü kahdoknyü kü ngei shuohpü yangnyu hahyingü ngelei phai’ ” shei eteke.

JOHAN 6:51 Iomraidhean Croise

MATHI 20:28

mehenangkü Shennyak Hayao chongphohahhen shingvaishi nevai, shejao chongphohen, hatü longshi shing angei leihen nangkü laophülei yangnyu bhei shuohhen yiüpeih.”

LUK SHAHSHA APPÜ 22:19

Hapheikü büpai aan hük yah, hatü büpai menvih shuohpheikü büpai ha bhaok, hatü jomphong kü ha shuoh-ei e, “Hapayü am shingvaishi shuohpü ngelei büm. Ngei deih-ei dangei hahtuh.”

JOHAN 1:14

Hapa Shah phai lei hatü jen mü nyu, hatü jeni büpalei müknyinshekhang, Pa leipü Halomei müknyinshekhang keiha phahji hatü shahhingi maei eeteke.

JOHAN 1:29

Nyihphei Jisu büpa philei heihja-i eeyei büpai, “Kahdoknyü mang koei lüdaipü Kahvang Mi Cheha kü veituh” shei e.

JOHAN 11:26

hatü üami yemmü nyuei ngei kü hinglemhen mechemao nedihen. Nüngi ha kü hinglemnyüla?” shei e.

JOHAN 3:13

Vangsho leipü yiüpü Shennyak Ha mü lenei üpaiyao vangsholei ne-aong.

JOHAN 3:14

Mosai jahpanei biü lungei anpü keiha Shennyak Hayao lungei anshihhen,

JOHAN 3:16

Mehenangkü Kahvangi kahdoknyü kü longi bampü nangkü büpai laophülei Halom shuoh; üami büpa kü hinglem nemahhen, shejao düngeipü yangnyuyem danghen.

JOHAN 3:36

Üami Ha kü hinglem, yangnyuyem nyüke, üami Ha kü hingnelem, yangnyuyem nedanghen shejao Kahvang mongshihpü heühen.

JOHAN 5:24

“Hingmei mü ngei am kü enyeih, üpai ngelei shah banghen hatü ngei shompüba kü hinglemhen yangnyuyem nyüpeih, hatü shahphenpülei nepeihen, shejao dipü kübü yangnyuyem touei lüdaiteke.

JOHAN 6:33

Mehenangkü Kahvangei hahyingü vangsho leipü peinyüpeih, hatü kahdoknyü kü yangnyuyem shuohnyeih” shei e.

JOHAN 6:35

Jisui jomphong kü e, “Ngeiyü yangnyuyem hahying. Üami ngei touei pei, mechemao ne-aeipih, hatü üami ngei kü hinglemnya mechemao yung nelepih.

JOHAN 6:41

Hahepak kü, “Ngeiyü vangsho leipü yiüpü hahying” shei epü nangkü Jehoda ami büpa khüei eela.

JOHAN 6:47

Hingmei ngei am kü enyeih, üami hinglemnya, vanyangyem nyüpeih.

JOHAN 6:48

Ngeiyü yangnyu hahying.

JOHAN 6:50

Shennyak hüki hahtü nedihen vangsho leipü yiüpü hahyingü hatouei nyüke.

JOHAN 7:38

hatü üami ngei kü hinglem, laihingi eyei nyupükei, yangnyuyem yung büpalei mongdang kübü yenhen” shei e.

2 KORINT 5:19

hapa lappai, Khrista kü Kahvangi laophü touei kahdoknyü mongjemei leihüteke. Kahvangi hangkulei mangthü itei netuh, hatü büpai ham kü mongjemei leihühen shahjangmei nangei tuh.

2 KORINT 5:21

Mehenangkü büpa kü jen Kahvang daülangshemshepü leihen shingvaishi jenei men kü büpai mang nenyingpü hük mang leihüteke.

EPHESIA 5:2

hatü Khristai jen kü bampü keiha, hatü Kahvang kü vong meipü jakpü büpa laophü nyingi jen shing shuohpü keiha ammi bampü yangnyu nyutuh.

EPHESIA 5:25

Bahathü, Khristai attoi kü bam, hatü pinnyü shingvaishi büpa lanei shuohpü keiha laophülei shembünyüthü kü bamtuh,

TITUS 2:14

Büpai jen mang peü kübü angei leihen, hatü büpai laophü shing lompü vaihen nangkü doumei dükhüpü nanglakthü daühühen shingvaishi büpai jen shing laophülei yangnyu shuoh.

HEBREW 10:20

haenpü ashak lappai, büpalei büm homei yangnyu lem ja jen kü apteke,

1 PETER 2:4

Hangkui yaktükjao Kahvangi jepü hatü büpa touei douvang yangnyuyem yaong, büpa touei peituh;

1 JOHAN 2:2

hatü büpayü jenei mang shing mang tükhen moila shuohpüba, hatü hayü jenei mang mon nevai, shejao kahdoknyü kempülei mang shingvaishi moila shuohpeih.

1 JOHAN 4:10

Hapa bampü kü, jeni Kahvang kü bampü nevai, shejao büpai jen kü bampeih, hatü jenei mang shing mang tükhen moila shuohhen nangkü büpai laophülei Halom shompeih.

1 JOHAN 4:14

Pa-i laophülei Ha kahdoknyü Yemleipüba vaihen shom shei jeni eeteke hatü hapa denpü shuohnyeih.