JOHAN 6:45 - DAÜLANGPÜ LAIHING (BSI)

⁴⁵ Thibüthüi ha nyangei nyüke: ‘Jom peü kü Kahvangi nyuhnyeih. Üpai Pa kü bangnya, hatü büpa leipü nyinghahnya, ngei touei peinyeih.

JOHAN 6:45 Iomraidhean Croise

ISAIAH 2:3

Nanglakthü longi peiyei, “Kei, jeni Shembüpalei kahshangei, Jakob Kahvangei shemei aongshah. Büpai büpalei lemthü kü kamhen shingvaishi jen kü büpalei lemthü nyuhphahen” shei ehen. Mehenangkü nyuhpüvenpü Zion leipü, hatü Shembüpalei shah Jerusalem leipü yanei daikahen.

ISAIAH 54:13

Ammei hapeüthü peü kü Shembüpai nyuhhen, hatü chingmeivangmei longpü ammei hapeüthü mü nyuhen.

MIKA 4:2

Halei jat longi peiyei hapakei ehen, “Huoi, jeni Shembüpalei kahshangei, Jakob Kahvangei shemei aongshah; Mehenangkü büpai jen kü büpalei lemthü nyuhphahen, hatü jeni büpalei lemthü kü kamhen.” Mehenangkü Zion kübü shahkungnyü, hatü Jerusalem kübü Shembüpalei shah vamkahen.

MATHI 11:27

Dou peü Opa-i ngei kü lanei shuohteke; hatü Pa mü lenei Ha üpaiyao nenying; hatü Ha mü lenei hatü Ha homei büpa shakei vampü nyinghen shingvaishi jepüthü mü lenei üpaiyao Pa nenying.”

MATHI 17:5

Büpa shah eyei nyushingkü phum shola peiyei dhüm, hatü phum leipü ngeü hük vamei, “Hapayü ngei bampü Ha, ngei büpa kü mong hahnyeih; büpai epü bangtuh!” shei e.

MARK 1:2

Hapayü Isaiah thibüi nyangpükei chongpang: “Veituh, ngei ngelei shahjang kobü nüng shekü nüngei lem temhen shomnyeih;

LUK SHAHSHA APPÜ 1:70

Büpai aivang den mebü büpalei daülangpü thibüthülei ju homei,

LUK SHAHSHA APPÜ 18:31

Hapheikü büpai anpünyi khaatei deiyei jomphong kü eteke, “Veituh, jenphong Jerusalemei aongnyüpa, hatü Shennyak Ha nang thibüthüi epü peü dhaümkahen.

JOHAN 10:27

Ngelei mithüi ngelei ngeü dannyeih, ngei jom nyingnyeih, hatü hathü ngei phei münyeih.

JOHAN 6:37

Pa-i ngei kü shuohpüthü peü ngei touei peikahen, hatü üpa ngei touei peinya, ngei mechemao nechangtükhen;

JOHAN 6:65

Büpai nedoh-i, “Ha tata kü ngei shelei mebü amphong kü Opa-i neshuohpheikü üpaiyao ngei touei nepeiaokpih shei ngei etepih” shei e.

PHONGSHANTHÜ DOU 13:40

Hanangkü thihivamthüi epü ha am kü nejiühühen lituh:

PHONGSHANTHÜ DOU 7:42

Shejao Kahvang jom toueipü yandai hatü vangsho lithilen kü khümhen shuohtük. Thibüthüi lai kü hapakei nyangei nyüke: “Bong pinyi jahpanei nyushi ammi ngei kü jakpü moila koei peila, Oh Israel phang?

EPHESIA 1:17

Am büpa touei peishingkü kihikon, laangha hatü shakei vampü am kü shuohhen shingvaishi jenei Shembüpa Jisu Khristalei Kahvang, müknyinshekhangpü Pa kü ngei phopnyüpeih.

PHILIPPI 3:15

Jen meshüki behe lei, mong hük mü nyushah, hatü lemhük nangkü ammi lebükei deihshi nyujema, hayao Kahvangi am kü shakei vamphahen.

1 THESALONIKA 4:9

Shaang jeihinaü hatü nyahinaüthü bamteihen nangkü hami am kü nyanghen napü neshiü; mehenangkü am nyingi hüki hük mü bamteihen Kahvangi nyuhteke.

HEBREW 10:16

“Hathü nyih pheikü ngei jom mü linghen vangpüshuwpü ha hih shei Shembüpai enyüke: Ngei ngelei shahkungthü jomei mongkü shihshuohhen, hatü ngei jomei sholi kü ha nyangshuohhen.”

1 JOHAN 2:27

Am nang keyü ammi büpa leipü thiteiphupü dangpü ha am kü nyüke, hanangkü am kü nyuhhen üpayao nadang neshiü. Shejao büpai thiteiphupai dou peü am kü nyuhnyüke, hatü hayü shahhing, shahshem nevai, hatü am kü nyuhpükei shahhing nyüke; ammi büpa kü nyutuh.