JOHAN 6:40 - DAÜLANGPÜ LAIHING (BSI)

⁴⁰ Üami Ha ee, hatü büpa kü hinglemnya, vanyangyem danghen, hatü dohpü nyih kü ngei yangei leishihhen hapayü ngelei Opai-i mongpü nyüke.”

JOHAN 6:40 Iomraidhean Croise

ISAIAH 52:10

Shembüpai büpalei daülangpü lak jatthü peüei müki eeshi laiteke; hatü kahdoknyü dohpü peüei jenei Kahvang yemleipü eehen.

ISAIAH 53:2

Büpayü Shembüpa touei sheili pü hük keiha, hatü kahvan kü nyem phaatpükei longpeih. Jeni büpa kü mük shahhen mü, nevaijü jeni lümhen mü büpa kü meheyao dhemeilaüma, nevaijü bethünghangbong neshiü.

BHEI-IE 21:9

Hanangkü Mosai melangnyiam yah-ei biü hük ling, hatü lüng kü hapa japtü haongteke. Mechem shennyak hanei kü biüi kaokhenshang, hapa melangnyiami lingpü biü kü veiteke, hatü meidaihamteke.

MATHI 10:15

Hingmei ngei am kü enyeih, shahphenpü nyih kü hapa ching nevaijü jila leimeyü Sodom hatü Gomorrah am kü-üng nyeinya phahji huhen.

MATHI 25:46

Hathüyü nedohnetenpü hanghi shingei shühen, shejao daülangpüthü vanyangyem touei shühen.

MARK 16:16

Üami hinglem, hatü baptük, jom yanghen, shejao üpai hingnelem nyonghühen.

LUK SHAHSHA APPÜ 2:30

Mehenangkü ngelei müki nüngei yemleipü eetepih,

JOHAN 1:14

Hapa Shah phai lei hatü jen mü nyu, hatü jeni büpalei müknyinshekhang, Pa leipü Halomei müknyinshekhang keiha phahji hatü shahhingi maei eeteke.

JOHAN 10:28

Ngei jom kü vanyangyem shuohnyeih, hatü jom mechemao nemahhen. Ngelei lak leipü üpaiyao jom aetei nedaiaokpih.

JOHAN 11:24

Martha-i büpa kü, “Dohpü nyih yangei leipü hepak kü büpaao yangei leikahen” shei e.

JOHAN 11:25

Jisui pinnyü kü, “Ngeiyü yangei leipü hatü yangnyuyem. Üpai ngei kü hinglem, jom dijao yemmü nyuhen,

JOHAN 12:45

Üpai ngei eenya, büpai ngei shompübaao eenyüke.

JOHAN 12:50

Hapa shahkungi yangnyuyem touei münyeih shei ngei nying. Hanangkü ngei mehe enya hayü Opa-i etuh shei epü enyeih.

JOHAN 14:17

Hapayü shahhing Laangha. Kahdoknyüi büpa neyah-aok; mehenangkü kahdoknyüi büpa ne-eeaok nevaijü nenyingaok. Shejao ammi büpa nying; mehenangkü büpa am mü nyüke, hatü am kü nyukahen.

JOHAN 14:19

Kansho hük pheikü kahdoknyüi ngei ne-eehen, shejao ammi ngei eehen; mehenangkü ngei yemmü nyupü nangkü amao yemmü nyuhen.

JOHAN 17:2

Nüngi büpa kü shuohpüthü peü kü yangnyuyem shuohhen shingvaishi nüngi hangkuthü peü shak kü büpa kü wong shuohteke.

JOHAN 3:36

Üami Ha kü hinglem, yangnyuyem nyüke, üami Ha kü hingnelem, yangnyuyem nedanghen shejao Kahvang mongshihpü heühen.

JOHAN 4:14

shejao üami ngei shuohpü yung yinghenshang mechemao yung nelehen. Ngei shuohpü yungü jom kü yunglok leiyei vanyangyem touei bhaoei vamhen” shei e.

JOHAN 5:24

“Hingmei mü ngei am kü enyeih, üpai ngelei shah banghen hatü ngei shompüba kü hinglemhen yangnyuyem nyüpeih, hatü shahphenpülei nepeihen, shejao dipü kübü yangnyuyem touei lüdaiteke.

JOHAN 6:27

Shedailaidaihen hahying teyem, shejao vanyangyem nyuhen hahying yemtuh; hayü Shennyak Ha-i am kü shuohhen. Mehenangkü hapayü Pa Kahvangi büpa kü füoshang shingei nyüke” shei e.

JOHAN 6:39

Büpai ngei kü shuohpü peü meheyao nemahtükhen, hatü dohpü nyih kü yangei leihen hapayü üpai ngei shom, büpai mongpü ha hih.

JOHAN 6:44

Ngei shompü Opa-i müei nedeipheikü üpayao ngei touei peinüng neaok; hatü ngei dohpü nyih ngei hapa shennyak yangei leishihhen.

JOHAN 6:54

Üami ngelei phai hah hatü ngelei iy ying, hathü kü yangnyuyem nyüke, hatü dohpü nyih kü ngei jom yangei leishihhen;

JOHAN 8:56

Ammei pa Abrahami ngelei nyih deih-ei mongongpeih, hatü büpai ha eetü mongongteke” shei e.

ROM SHAHSHA APPÜ 5:21

Hanangkü mangi dipü kü vanglem lempükei, Jisu Khrista, jenei Shembüpa homei daülangshemshepai yangnyuyem touei müpü homei phahjipai vanglem lempeih.

ROM SHAHSHA APPÜ 6:23

Mehenangkü mangei latü dipü, shejao ang kübü Kahvang thintho-ü Khrista Jisu jenei Shembüpa kü yangnyu nyüke.

2 KORINT 4:6

Mehenangkü Kahvangi, “Vangnyak kü vangngai khanghütuh” shei e, hatü Jisu Khristalei dhe kü Kahvang müknyinshekhang nyingpü vangngai jen kü shuohhen shingvaishi büpai jenei mongdang kü vangngai khangpeih.

HEBREW 11:1

Shaang hinglempeyü jeni monglempü douthü lekpü, ne-eepü douthü mongkü pongpü nyüke.

HEBREW 11:27

Hinglempai büpai ongpai mongshihpü kü nenyemi Ijip tuhphong; mehenangkü büpai müki ne-eepü Kahvang eepheikei munenei nyu.

1 PETER 1:8

Ammi büpa ne-eejao büpa kü bamnyüke, hatü ammi shaang büpa ne-eejao, ammi büpa kü hinglemnyüke hatü eyei neaokpü hatü müknyinshekhang mongongi am mongongnyüke;

1 JOHAN 2:25

Hatü büpai jen kü mehe lah, hayü vanyangyem yangnyu khih.

JUD SHAHSHA APPÜ 1:21

Kahvang bampü kü am nyutuh; vanyangyem lemei müpü jenei Shembüpa Jisu Khristalei phahji kü shesha lemei veituh.