JOHAN 5:14 - DAÜLANGPÜ LAIHING (BSI)

¹⁴ Pheishi Jisui büpa phopshemei heüei büpa kü, “Veituh, nüng meidaiteke! Nüng hajük kü mang thah-ei tenyu; hei nevaijema lemhük nemeipü dhaümkahen” shei e.

JOHAN 5:14 Iomraidhean Croise

2 SHÜPPÜKENGPÜ 28:22

Ahaz ongpa longi ponghahpü hepak kao nyeinya büpai Shembüpa touei mang thah.

NEHEMIAH 9:28

Shejao jom nyiushemmei kü nyujü shao jomi nüng touei mang thah. Hahepak kü jom shak kü vanglem lemhühen nüngi jom vepathü kü shuoh, hatü mechem jomi nüng kü nyükhen, nüngi vangsho leipü dan, hatü nüngi phahjipai hepak ieshi jom yangteke.

MENVIH KESHO 118:18

Shembüpai ngei kü hanghi nemei-i shuohpeih, shejao büpai ngei nejütük.

MENVIH KESHO 18:22

Büpalei shahkungthü peü ngei touei nyüpeih, hatü ngei toueipü büpalei vanglemthü neyaktükangpih.

MENVIH KESHO 27:6

Shejüang ngei shonei nyupü vepathü shak kü ngei longei aonghen. Mongongpai leneiwongei ngei büpalei ashakshemei jakpü moila shuohhen. Ngei Shembüpa kü kesho lingei lokhen.

MENVIH KESHO 9:13

Nüngi ngei kü phahjishih, Oh Shembüpa. Ngelei vepathüi ngei hanghihüpü kü veihümao! Ngei kü phahjishih, hatü dipü penyüsha leipü ngei shüei antuh,

ISAIAH 38:20

Shembüpai ngei yanghen, hatü Shembüpalei shemei jenei yangnyu den kemei harp vüngei kesho lokhen.

ISAIAH 38:22

Hahepak kü Hezekiah ongpai, “Ngei Shembüpalei Phopshemei aongaokhen mü nyangeihepü mehe huphahenang?” shei phe.

LEVI 13:20

Ngongpai büpa kü dokei veihen, hatü hapa makaw lebü hangshuw mü hayaoha chüei shüdaitü nyujema, hatü haleipü hangmum shotoh-i leidaijema, büpayü nedaüang shei ngongpai baonghen. Hapayü hihüma kübü ngomma chongpangpü nyüke.

LEVI 26:27

Shejao hathü peü dükphei küong ammi ngei epü nebangjema, hatü ngei mü ve sheüsheü shei nyujema,

LEVI 7:12

Büpai menvih shuoh-ei hapa moila shuohpü vaijema, büpai menvih shuohpü moila mü daw neshihpü aan mainga nyettü lingpü shuohtuh.

MATHI 12:45

Hahepak kü ha daiyei shao lebü mang laangha nyet ha mao nyeinya nemeipü müei shüei halei nyunyeih; hatü shongeipü meyü pheilei-üng hapa shennyakü nemeipüba nyunyeih. Hapa keiha hapa nemeipü denhivan nyuhen.

MARK 2:5

Mechem Jisui jom hinglempü eepa, büpai tüngpü shennyak kü, “Hapeü, nüngei mangthü tüktepih” shei e.

JOHAN 5:13

Shejao hapa tüngpü shennyaki büpa tüngpü üpai meishuohpa nenying; mehenangkü Jisu-ü hatouei nyupü khong kü vukdaiteke.

JOHAN 5:5

Halei shennyak hük bong hapüanpüshet thahshi tüngpü nyu.

JOHAN 8:11

Pinnyüi, “Hih, longpüba” shei e. Jisui, “Ngeiyao nüng nenyonghünyih. Leituh, hatü shaang mü leitü ne-ei mang tethah” shei e.

1 PETER 4:3

Mehenangkü peihdaipü hepak kü amphongi Kung ami dükbenüng dükei, nedaünelangpü ten, iyjeiphaileipü, chokpümokpü, hahngayungpe, yiü yingpü khong kü omei lajeithü kü khümei nyuhampeih.