JOHAN 4:23 - DAÜLANGPÜ LAIHING (BSI)

²³ Shejao mechem hingshangi khümpüthüi Opa kü laangha hatü shahhingi khümhen, ha hepak ngoikünyüke hatü hayü shaang khih; mehenangkü Opai hapakei büpa kü khümpüthü yemnyüpeih.

JOHAN 4:23 Iomraidhean Croise

1 SHÜPPÜKENGPÜ 29:17

Ngelei Kahvang, nüngi mongdang yemnyeih, hatü kangshangpüthü kü mongmeinyeih shei ngei nying; ngelei mongsha daülangpai ngei hathü dou mongongshi shuohpeih, hatü shaang hatouei nyupü nüngei nanglakthüi monghumei mongongshi shuohpü ngei eeteke.

MENVIH KESHO 147:11

shejao büpa kü nyempüthü kü, büpa bampü kü monglempüthü kü Shembüpai mongongnyeih.

MENVIH KESHO 17:1

Oh Shembüpa, shahhing shingvaishi ngei lenpü danlangshih. Ngei phoppü kü dhaong shaangshih hayü lupülempü ju kübü nevaipih.

MENVIH KESHO 32:2

Üamei mang khüei Shembüpai nenyonghü; üamei laangha kü lueilempü neshiü, jom moihiman.

MENVIH KESHO 51:6

Hingmei nüngi mongei shahhing nyupü ha lümnyüke; hanangkü ngelei mongdang mongpalei nüngei kihikonnyuhshih.

KANDOK 15:8

Shembüpai nemeipüthülei moila kü jiühitnyeih, shejao kangshangi nyupüthüi phoppü kü büpai mong hahnyeih.

SOLOMONEI KESHO 2:14

Oh ngelei athubayü yaong aa kü, hatü yaongvak aamei joshi nyüke, Ngei kü nüngei dhe hushih, ngei kü nüngei ngeü danhütuh; Mehenangkü nüngei ngeü vüngnyangi, hatü nüngei dhe bamhüshi nyüke.

ISAIAH 10:20

Nyih hük Israel am aopüthü hatü Jakob am phang yangei nyupüthüi jom mahtükpüthü kü mong nenyanghen, shejao hingmei mü Shembüpa, Israel amei Daülangpü Hük kü mongnyanghen.

ISAIAH 29:13

Shembüpai enyüke: “Hathü shennyakthüyü jomei jui mon ngei yopailei peinyüke, hatü jubenyeijaangi mon ngei kü dhüm shuohnyüke, shejao jomei mong ngei toueipü longi taishi lüdaiteke. Jomi ngei kü khümpeyü shennyaki nyuhshuohpü vanglem kü mon khümnyüke.

ISAIAH 43:21

Hathü nanglakthüyü ngei laophü shingvaishi linghahpeih; Hanangkü jomi ngei kü menvih loknyüpeih.

ISAIAH 58:2

Mechem shangao daülangshemshepü düknyüpü jat keiha, hatü jomei Kahvangei shahkungthü neyakphongnyüpü keiha, nyihjeih jomi ngei yemnyüke, hatü ngelei lemthü nyinghünyüke; Jomi ngei kü shahhing shahphenpü nang phenyüke, hatü jomi Kahvang yopailei peihünyüke.

JEREMIAH 3:10

Shejao hathü peü dükphei kao shahshem epü Judah-i pinnyülei mong kempai ngei touei mong lepei nelei, shejao meni mon ngei touei mong leppükei hupeih shei Shembüpai enyüke.

JEREMIAH 4:2

hatü ammi, shahhing kü, hingshangpü, daülangpü kü, “Vanyangyem Shembüpa!” shei lahjema, büpai jatthü kü moihimanhen, hatü büpa kü jomi vih-eilühen, shei Shembüpai enyüke.

EZEKIEL 22:30

Ngei hapa kahdok nemangtükhen shingvaishi hapa kahdokei men kü mangdaipü bham baongei yaonghen nangkü ngei shennyak hanei yemteke shejao hükao nedang.

JOHAN 1:17

Mehenangkü shahkungü Mosa homei shuoh, shejao phahji hatü shahhingü Jisu Khrista homei peipeih.

JOHAN 12:23

Jisui jiji kü, “Shennyak Ha müknyinshekhanghen hepak ngoiteke.

JOHAN 16:2

Jomi am Sinagog leipü changtükhen. Hingmei, am jüpüthüi hapakei dükpai Kahvang kü khümnyeih shei deihhen hepak hük ngoikünyüke.

JOHAN 16:32

Hepak ngoikünyüke; hingmei ha ngoiteke; ammi ngei mon tuhphongtü laophü laophülei shemei yandaikemhen. Shejao ngei mon nevai Opayao ngei mü nyüpeih.

JOHAN 4:21

Jisui pinnyü kü e, “Nyüha, ngei kü hinglemtuh; nüngi Opa kü hapa kahshang nevaijü Jerusalemei nekhümhen hepak ngoikünyüke.

JOHAN 5:25

Hingmei mü ngei am kü enyeih, dipüthüi Kahvang Halei ngeü danhen, hatü ha danpüthü yemmü nyuhen hepak ngoikünyüke, hatü hayü shaang khih.

JOHAN 5:28

Ammi ha kü tethama; mehenangkü mahngshalei nyupüthüi büpalei ngeü danhen hepak ngoikünyüke,

ROM SHAHSHA APPÜ 1:9

Düngei ngei phoppü kü nedoh-i am deihei dangpü ngelei denbüyü büpalei Ha jung shahjangmei chongvenpü ngelei laanghai chongphopü Kahvang nyüpeih.

ROM SHAHSHA APPÜ 8:15

Mehenangkü amphongi nyipabü nyemhen aa laangha neyah, shejao ungei yahpü laangha yahpeih. Mechem jeni, “Abba! Opa!” shei lenhen,

ROM SHAHSHA APPÜ 8:26

Hapa keiha jen wong nekohpü kü Laanghai jen kü sheühnyeih; jeni mepakei jiüshi phophen jeni nenyingnyu, shejao hapa Laanghai shah mü ngaiyei ne-eaoki chüloh-i hümei jen shing phopnyüke,

GALATIA 4:6

Amphongü hapeüthü vaipü nangkü Kahvangi Chehalei Laangha jenei mongdangei shompeih, hatü hapa Laanghai, “Abba!” “Opa!” shei lennyüke.

EPHESIA 6:18

Hepak peü kü phoppü hatü yüpü lemphü kü Laangha kü phoptuh. Ha vaipü nangkü mükpaonathashi nyutuh hatü düngei daülangpüthü shingvaishi phopei nyutuh.

PHILIPPI 3:3

Hingshangi japtükpeyü jenphong, Kahvang Laangha kü khümpü, hatü Khrista kü changmeihen hatü phai kü monglemhen changshi nyujao phai kü mong nenyangpeyü jenphong.

JOSHUA 24:14

“Hanangkü shaang Shembüpa kü dhüm shuohhen, hatü shüeinyiükei, hinglemei büpa chongphotuh; ambü ampai Euphrates yungdangei hatü Ijiplei chongphopü kahvangthü yaktüktuh hatü Shembüpa chongphotuh.

1 PETER 2:9

Shejao amphongü vangnyak kübü thamapü vangngai touei am nyüklangpü büpalei yashanpü douthü jung baonghen nyükei jelangpü li, ongpalei ngongli, daülangpü jat hatü Kahvangei nanglakthü nyüke.

1 SAMUEL 12:24

Shembüpa kü mon nyemtuh, hatü mong kempai hinglemei büpa chongphotuh, hatü büpai am shing mehe dou longpü dükpa ha deih-ei dangtuh.