JOHAN 4:10 - DAÜLANGPÜ LAIHING (BSI)

¹⁰ Jisui pinnyü kü, “Nüngi paoh Kahvangei thintho nyinglang meyü, ‘Ngei kü yinghen yung yahshih’ shei üpai nüng kü yünya, nüngi büpa kü vanyangyem yung yühah shepeih” shei e.

JOHAN 4:10 Iomraidhean Croise

MENVIH KESHO 10:17

Oh Shembüpa, nüngi maanpü leipüthüi phoppü dannyeih; nüngi jomei mong wong kohhühen, nüngi jomi lenpü kü bangtuh,

MENVIH KESHO 46:4

Kahvang chingnyü mongonghüpü, Jaipüba nyupü daülangpü shing mongmeihüpü yungyen hük nyüke.

MÜLANGPÜ 17:6

Ngei am shekü Sinai Kahshangei yaong shangkü yaongshi chongkahen. Yaong kü bheiyeishuoh, hatü ha kübü nanglakthüi yinghen yung vamkahen” shei e. Epükei Israel am behethüi eeshi Mosai dükteke.

SOLOMONEI KESHO 4:15

Nüngü pemong yunglok hük, yangnyu yunglok, hatü Lebanon leipü yenei shapü yungyen hük.

ISAIAH 12:3

Mongongpai ammi yemleipü yungkukthü leipü yung shohen.

ISAIAH 35:6

Hahepak kü la khodaipüthü meishiy keiha phaukteihen, hatü shah ne-eaokpüthüi mongongpai lenhen. Yingnyü yingchong leipü yung bhaoei vamkahen, hatü bhih kahdok leipü shoha bhaoei yenkahen.

ISAIAH 42:6

Ngei, Shembüpai amphongü daülangshemshepü kü nyükpeih; Ngei ammei lak kü khaaihen. Ngei amphongü nanglakthü shing vangpüshuwpü hük, hatü kung am shing vangngai hük leihühen.

ISAIAH 43:20

Ngei jepü ngelei nanglakthü kü jomi yinghen shingvaishi bhih kahdokei yung hatü yungyenthü vamhüpü nangkü, Phaüyemthüi ngei kü, shuwthüi hatü ostrikh oui ngei kü dhüm shuohhen.

ISAIAH 44:3

Yung nedangpü kahdok kü ngei yung yahphahen, hatü kahngadok kü yungyenthü yenhühen; Ngei ngelei laangha ammei hühihathü, hatü ngelei moihiman ammei lihilathü kü khüpphahen.

ISAIAH 49:10

Jom aeiyei leyei nenyuhen, nevaijü bhih kahdok shaampü, hatü vanghenyü nyahpai jom kü nekethen. Büpa üpai jom kü bamnya, büpai jom mühen, hatü yunglok meipü touei mülanghen.

ISAIAH 9:6

Mehenangkü jen kü naü hük büh-ei nyüke, jen kü yeshang hük shuoh-ei nyüke, hatü vanglem lempü büpalei bhagchong shangkü nyuhen. Büpa kü kahmükvangphapü, Shahnying Venbü, Jeiyong Kahvang, Nedohnetenpü Pa, Chingmei Ongpa shei nyükhen.

JEREMIAH 2:13

Mehenangkü ngelei nanglakthüi mang nyi thahteke; jomi vanyangyem yunglok, ngei yakphongteke, hatü yung ne-iihen yungkuk kukteke.

EZEKIEL 16:35

Hanangkü, Oh büm yupüthü, Shembüpalei shah bangtuh:

ZEKHARIAH 13:1

Hapa nyih kü, David am phang hatü Jerusalem kü nyupüthü jomei mang hatü nedaünelangpü kübü daühühen shingvaishi yunglok hük bhaohühen.

ZEKHARIAH 14:8

Hapa nyih, Jerusalem kübü vanyangyem yunglok bhaoei yenkahen; hükkei shing heongphi yungching kü hatü hükkei shing heshüphi yungching kü cheihen; ünyü hepak kü kei shaonyü hepak kao chongkahen.

LUK SHAHSHA APPÜ 11:13

Amphong shennyakten vaijao laophülei hapeüthü kü thintho meipü shuohhen nyingjema, ammei vangsho leipü Pa-i büpa kü yüpüthü kü meshük nyeinya shuohhenang!

JOHAN 16:3

Jomi Opa nevaijü ngei nenyingpü nangkü jomi ha dükphahen.

JOHAN 17:3

Jomi nüng, hingshangpü Kahvang hatü nüngi shompü Jisu Khrista nyinghen hayü yangnyuyem hih.

JOHAN 3:16

Mehenangkü Kahvangi kahdoknyü kü longi bampü nangkü büpai laophülei Halom shuoh; üami büpa kü hinglem nemahhen, shejao düngeipü yangnyuyem danghen.

JOHAN 4:14

shejao üami ngei shuohpü yung yinghenshang mechemao yung nelehen. Ngei shuohpü yungü jom kü yunglok leiyei vanyangyem touei bhaoei vamhen” shei e.

JOHAN 6:35

Jisui jomphong kü e, “Ngeiyü yangnyuyem hahying. Üami ngei touei pei, mechemao ne-aeipih, hatü üami ngei kü hinglemnya mechemao yung nelepih.

JOHAN 6:51

Ngeiyü vangsho leipü yiüpü yangnyu hahying. Üami hapa hahying hahhen, den kü yemmü nyuhen, hatü kahdoknyü kü ngei shuohpü yangnyu hahyingü ngelei phai’ ” shei eteke.

PHONGSHANTHÜ DOU 9:11

Shembüpai büpa kü, “Yaongtuh, hatü Laülükpü shei epü chingshongei heihtuh, hatü Judas amei shemei Tarsus am shennyak Saul yemtuh. Büpa shaang phopnyüke,

ROM SHAHSHA APPÜ 8:32

Büpa, üpai laophülei Ha shümei netuh, shejao jen peü shingvaishi büpa lanei shuoh, büpai büpa mü jen kü lemphüli neyahphahen je?

1 KORINT 1:30

Büpayü Jisu Khrista kü ammei yangnyu ngamshing; büpayü jen shing Kahvang leipü kihikon, daülangshemshepü, daühüpü hatü angei leibü leipeih;

1 KORINT 10:4

hatü peüi aihük laangha yung ying. Mehenangkü jomphongü jom mü chemi daipü laangha yaong kübü yung ying, hatü hapa yaongü Khrista.

2 KORINT 9:15

Nih-ei neaokpü büpalei thintho shingvaishi Kahvang kü menvih shuohtuh.

EPHESIA 2:8

Mehenangkü phahjipai hinglempü homei am yangpeih, hatü hayü ammei lakdou nevai; hayü Kahvangei thintho;

HEBREW 6:4

Chem üami Kahvangei vangngai kü nyuei vangsho amei thintho kü jepei veitü Laangha Daülangpü kü hean yahtü,

1 JOHAN 5:20

Jeni büpayü shahhing shei nyinghen shingvaishi Kahvang Ha peiyei jen kü danaokpü shuohpeih shei jeni nyingnyüke. Jenphongü üpa shahhing büpa kü nyüke– hapayü büpalei Ha Jisu Khrista. Büpayü hingshangpü Kahvang hatü yangnyuyem.

SHAKEI VAMPÜ 21:6

Hapheikü büpai ngei kü eteke, “Ha dükteke. Ngeiyü Alpha hatü Omega, Chongpangpü hatü Dohpü. Yung lepüthü kü ngei lop neyah-i yangnyu yunglok kübü yung yinghen shuohhen.

SHAKEI VAMPÜ 22:17

Laangha hatü yiükjinglai enyüke, “Peikei.” hatü danpü peüi “Peikei” shei etuh. Üpai yung lenya peikei. Napü peüi yangnyu yung angkü yahhahtuh.

SHAKEI VAMPÜ 7:17

mehenangkü ong uoshing jiamei Mi Chehayü jom mi yombü vaihen, hatü büpai jom yangnyuyem yunglok touei mühen, hatü Kahvangi jomei mük kübü mükphi peü thittükhen.”