JOHAN 3:5 - DAÜLANGPÜ LAIHING (BSI)

⁵ Hingmei mü ngei nüng kü enyeih, shennyak hük yung hatü Laanghai nebühpheikü mekei etao vangsho ongchingei shününg neaok.

JOHAN 3:5 Iomraidhean Croise

MATHI 18:3

“Hingmei ngei am kü enyeih, amphong yeiyaei maanpü naüthü kei manglei thahshi amphongi vangsho ongchingei shününg neaokpih.

MATHI 19:24

Shao ngei am kü enyeih, shemmeipa hük Kahvang ongchingei shülei meyü nyiammet sha kü ut loukei daipü-üng yopüba” shei e.

MATHI 21:31

Henyi aa kü üpai chepai mongpü dükpa? Jomphongi, “Hashongpai” shei e. Jisui jomphong kü, “Hingmei ngei am kü enyeih, lat thaipüthü hatü büm yupüthü am shekü vangsho ongchingei shüdainyüke.

MATHI 28:19

Hanangkü daituh, jatli peü nanglak leihütuh; Pa, Ha hatü Laangha Daülangpü men kü jomphong yung kü hüngtuh,

MATHI 3:11

Mong leppü nangkü ngei amphong yungi baptüknyeih, shejao ngei mao nyeishi wong kohpü hük üpa ngei pheikü peikünya, ngei büpalei lathuh nohen dangkao nechang, büpai amphong Laangha Daülangpü hatü awi baptükphahen.

MATHI 5:20

Mehenangkü ngei am kü enyeih, am vaipü shahkung nyuhbüthü hatü Pharisee am mü nyeishi manglei thahshi amphong vangsho ongchingei neshüaokpih.

MARK 10:14

Shejao mechem Jisui ha eepa, büpai jomphong kü mongshih-ei, “Maanpü hashihthü ngei touei peihütuh; jom kü tekhüamshuoh; mehenangkü Kahvang ongchingü hathü keipülei hih.

MARK 16:16

Üami hinglem, hatü baptük, jom yanghen, shejao üpai hingnelem nyonghühen.

MARK 9:47

Nüngei müki nüng mang thahhüjema, ha luktüktuh; mük nyi kohtü molo awlei shülei meyü mük hük neshiüi yangnyuyem touei shüpü-üng meipüba.

LUK SHAHSHA APPÜ 13:24

“Shaden shawshippülei shühen nyakeikentuh; mehenangkü longshi shing, ngei am kü enyeih, shününg khehen shejao ne-aokpih.

LUK SHAHSHA APPÜ 13:3

Ngei am kü enyeih, nevai! Shejao amphong mong nelepjema ammao hapakei mahhen.

LUK SHAHSHA APPÜ 13:5

Ngei am kü enyeih, nevai! Shejao amphong mong nelepjema amphongao hapakei mahhen” shei e.

JOHAN 1:13

Jomphongü iy nevaijü phai-i mongpü nevaijü hangku-i mongpü kü bühpü nevai, shejao Kahvangi bühpüthü.

JOHAN 3:3

Jisui büpa kü, “Hingmei mü ngei nüng kü enyeih, nyipabü nebühpheikü üpaiyao vangsho ongching dangnüng neaokpih” shei e.

JOHAN 3:4

Nikodemas-i büpa kü, “Shennyak hük viüdaipheikü mekei etü anghen? Shennyak hük shao nyüei vom mongei shütü anghen je?” shei e.

PHONGSHANTHÜ DOU 2:38

Peteri jomphong kü, “Amphong mong leptuh, hatü am peüi Jisulei men kü yung kü hüngtuh, shejüang ammei mang tükphahen, hatü amphongi Laangha Daülangpü thintho danghen.

PHONGSHANTHÜ DOU 3:19

Hanangkü mong leptuh, hatü ammei mang thitei yaktükphahen shingvaishi Kahvang touei lepei leituh,

ROM SHAHSHA APPÜ 14:17

Mehenangkü vangsho ongchingü hahbenüng hatü yingbenüng nevai, shejao daülangshemshepü, chingmei hatü Laangha Daülangpü kü mongongpü nyüke;

ROM SHAHSHA APPÜ 8:2

Mehenangkü mang hatü dipü shahkungnyü kübü Khrista Jisu kü yangnyu Laangha shahkungi jen bümei leihüteke.

1 KORINT 15:50

Jeihinaü hatü nyahinaüthü, ngei mehe enya, hayü hapa hih: iy hatü phai-i Kahvang ongching mükjüp danghen neaok, nevaijü mahbenüngi nemahbenüng dangnüng neaok.

1 KORINT 2:12

Shaang jenphongü kahdoknyü laangha neyah, shejao Kahvangi jen kü shuohpü thinthothü nyinghen Kahvang leipü Laangha yahpeih.

1 KORINT 6:11

Am haneiyü hapakei nyuteke. Shejao amphongü paütük, daütük hatü amphongü Shembüpa Jisu Khrista hatü jenei Kahvang Laangha men kü dahshakhüteke.

GALATIA 6:15

Japtükpü nevaijü nejappeyü meheyao nevai, shejao ja lingpü mon nadang.

EPHESIA 5:26

shejüang shah homei yungi paüei daüpai pinnyü daülangi leihen;

1 PETER 1:2

Pa Kahvangi jelangpüthü hatü Jisu Khrista kü ven danhen hatü büpalei iy-i haiyei Laanghai daütükpüthü touei: Phahji hatü chingmei am mü bhashahshi nyute.

1 PETER 3:21

Hapa yungü shaang am yangpü baptükpü lajei nyüke– hapayü büm kübü mag daüpü nevai, shejao Kahvang touei chudeih mongdeih meipai Jisu Khrista yangei leipü homei vangteipü hük nyüke.

1 JOHAN 2:29

Ammi büpayü daülangpü shei nyingjema, mehe jiü ha dükpüthü peü büpa kübü bühpeih shei ammi nyingei nyüke.

1 JOHAN 5:1

Üpai Jisu-ü Khrista shei hinglem, büpayü Kahvangi bühpü, hatü üpai nyühipa kü bam hapeü kao bamnyeih.