JOHAN 3:36 - DAÜLANGPÜ LAIHING (BSI)

³⁶ Üami Ha kü hinglem, yangnyuyem nyüke, üami Ha kü hingnelem, yangnyuyem nedanghen shejao Kahvang mongshihpü heühen.

JOHAN 3:36 Iomraidhean Croise

JOB SHAHSHA APPÜ 33:28

Ngei kahshalei shüdaihen kübü büpai ngei yangpeih, hatü ngelei yangnyui vangngai eehen.”

MENVIH KESHO 2:12

Büpa mongshihpai nüng dailemei mahtükmang kü Chehalei la kü jüptuh; mehenangkü büpa mongshih lomi vamkahen. Büpa kü loipüthü peü moihiman.

MENVIH KESHO 36:9

Mehenangkü nüng mü yangnyu yunglok nyüke; nüngei vangngai kü hami vangngai eenyeih.

MENVIH KESHO 49:19

jom peü chebü chepa mü mahngshalei shüdaihen; halei ne-yei vangngai ne-eehen.

HABAKKUK 2:4

Changmeipüthü kü veihümao! Jomphongei laang nemeiang, shejao daülangpüthüyü jomphong hinglempai nyuhen.

BHEI-IE 32:11

Mehenangkü jomi mong kempai ngei kü hingshangi nenyupü nangkü Ijip leipü vamei daipü baha bong kukha, hatü ha dok kübü üpayao ngei Abraham, Isak hatü Jakob kü lahpü kahdokei neshüaokhen.

MATHI 25:46

Hathüyü nedohnetenpü hanghi shingei shühen, shejao daülangpüthü vanyangyem touei shühen.

MARK 16:16

Üami hinglem, hatü baptük, jom yanghen, shejao üpai hingnelem nyonghühen.

LUK SHAHSHA APPÜ 2:30

Mehenangkü ngelei müki nüngei yemleipü eetepih,

LUK SHAHSHA APPÜ 3:6

hatü phai peüi Kahvang yemleipü eehen.’ ”

JOHAN 1:12

Shejao üami büpa yah, büpalei men kü hinglem, büpai hathü peü kü Kahvang hathü leihen ngan shuohteke.

JOHAN 10:28

Ngei jom kü vanyangyem shuohnyeih, hatü jom mechemao nemahhen. Ngelei lak leipü üpaiyao jom aetei nedaiaokpih.

JOHAN 3:3

Jisui büpa kü, “Hingmei mü ngei nüng kü enyeih, nyipabü nebühpheikü üpaiyao vangsho ongching dangnüng neaokpih” shei e.

JOHAN 4:36

Hah vetbüi nanglat dangnyeih, hatü yangnyu shingvaishi betjük thainyeih, shejüang li haibü hatü vetbü nyi chemi mongongnyeih.

JOHAN 5:24

“Hingmei mü ngei am kü enyeih, üpai ngelei shah banghen hatü ngei shompüba kü hinglemhen yangnyuyem nyüpeih, hatü shahphenpülei nepeihen, shejao dipü kübü yangnyuyem touei lüdaiteke.

JOHAN 6:58

Vangsho leipü yiüpü hahyingü ambü ampai hahtü dipü keipü hahying nevai. Shejao üpai hapa hahying hahhen den den kü yemmü nyuhen” shei eteke.

JOHAN 8:51

Ngei am kü shahhing enyeih, üpai ngelei shah bangnya, büpa mechemao nedipih” shei e.

PHONGSHANTHÜ DOU 14:2

Shejao hingnelempü Jehoda ami hapa jeihinaü nyi khüei Kung am kü ühing ittü jomei mongkü leü nemeipü peihü.

ROM SHAHSHA APPÜ 4:15

Mehenangkü shahkungnyüi mongshih koei peinyeih, shejao melei shahkung nenyu, halei shahkung shaipü neshiü.

ROM SHAHSHA APPÜ 5:9

Shaang jeni büpalei iy homei dahshakhüteke, meshükpa büpa homei jen Kahvangei mongshih kübü yangphahen!

ROM SHAHSHA APPÜ 8:1

Hanangkü shaang Khrista Jisu kü nyupüthü shingvaishi nyonghüpü neshiü.

GALATIA 3:10

Mehenangkü shahkungnyü douthü kü mongnyangtü nyupüthü peü thaüvaü phangkü nyüke; mehenangkü, “Shahkungnyü lai kü nyangei nyupü douthü peü üpai nedük nevaijü nebangnya, büpa thaüvaü phangkü nyüke” shei nyangei nyüke.

EPHESIA 5:6

Amphong üpa kao angsha shah-i telutelemhah; mehenangkü hathü douthü nangkü ven nedanpüthü touei Kahvang mongshihpü peinyüpeih.

1 THESALONIKA 1:10

hatü vangsho leipü Cheha Jisu, üpa büpai dipü kübü yangei leishih, hatü ngoikahen mongshih kübü jen yangnya, jomi ha jung enyüke.

1 THESALONIKA 5:9

Mehenangkü Kahvangi jenphong büpalei mongshih ponghahhen neje, shejao jenei Shembüpa Jisu Khrista homei yemleipü danghen jepeih.

HEBREW 10:29

Üami Kahvang Ha kü la-i shoup, jom daütükpü vangpüshuwpü iy sheihtük, hatü phahjipü Laangha kü ne-ienelempüthü kü meshük nemeipü hanghi danghen shangpeih shei ammi deihnya?

HEBREW 2:3

hajük longpü yemleipü yaktükjema jen mekei etü yanghen? Hapayü shongpü kü Shembüpa homei baong, hatü hapayü büpa leipü danpüthüi jiüpeih shei ham kü lekhünyüke.

HEBREW 3:18

Ven nedanpüthü kü epü nevaijema büpai lah-ei ngelei nyiushemmei kahdokei neshüaokpih shei üam kü epa?

HEBREW 3:19

Hanangkü jomi hingnelempü nangkü halei neshüaokpeih shei jeni eenyüke.

SHAKEI VAMPÜ 21:8

Shejao mong nelongpü, hingnelempü, sheihdaipü, shennyak jüpüthü, mükbongjuyungpüthü, phongyompüthü, lajei khümpüthü, hatü shahshem epüthülei shingü awkaong meli kü aw bahpü shemyungei nyuhen; hapayü nyipabü dipü.”