JOHAN 3:28 - DAÜLANGPÜ LAIHING (BSI)

²⁸ “Ngeiyü Messiah nevai, shejao ngeiyü büpa shekü yeihshi shompeih” shei ngei epü ha kü amphong denbüthü nyüke.

JOHAN 3:28 Iomraidhean Croise

MALAKI 3:1

Veituh, ngei shekü lem temnüng ngelei phongmokbü shomphahen, hatü Shembüpa, üpa ammi yemnyüpa, ngangahük kü büpalei phopshemei peikahen; vangteishuwteipü phongmokbü, üpa kü am kennya, peikahen shei Shembüpa Kahvangi enyüke.

MATHI 3:3

Hapayü Isaiah thibüi eshingkü büpa nang ha eteke: “Jahpanei hüki lenpü ngeü: ‘Amphongi Shembüpalei lem temtuh; büpalei lemthü kangshangi lingtuh.’ ”

LUK SHAHSHA APPÜ 1:76

Hatü nüng keyü, ngelei hapeü, Chaipübalei thibü shei nyükhen; mehenangkü nüngi Shembüpa shekü büpa shing lem temnüng daihen,

JOHAN 1:20

Büpai nelahpih shei ne-e, shejao ngaiheyei, “Ngeiyü Messiah nevaipih” shei lahteke.

JOHAN 1:23

Büpai jangei Isaiah thibüi epükei, “Ngeiyü Shembüpalei lem kangshangi temtuh shei jahpanei lenpü ngeü hük hih” shei eteke.

JOHAN 1:25

Jomi büpa kü, “Shejema nüngü Messiah-ao nevai, Elijah-ao nevai, nevaijü thibü hükao nevaivai-i mehekei baptüknya?” shei phe.

JOHAN 1:27

ngei pheikü üpa peikünya, ngei büpalei lathuhvü dangkao laihen neshangangpih” shei e.