JOHAN 3:18 - DAÜLANGPÜ LAIHING (BSI)

¹⁸ Üpai büpa kü hinglemnya, nenyonghünyih; shejao üpai hingnelem, nyonghütükteke; mehenangkü hathüi Kahvang Halomei men kü hingnelem.

JOHAN 3:18 Iomraidhean Croise

MARK 16:16

Üami hinglem, hatü baptük, jom yanghen, shejao üpai hingnelem nyonghühen.

JOHAN 1:12

Shejao üami büpa yah, büpalei men kü hinglem, büpai hathü peü kü Kahvang hathü leihen ngan shuohteke.

JOHAN 1:18

Üpaiyao Kahvang ne-ee, shejao hapayü Kahvang Halom Ha, üpa Pa philei nyu, büpai büpa nyinghüteke.’ ”

JOHAN 20:31

Shejao hathüyü ammi Jisu-ü Messiah, Kahvang Ha shei hinglemhen, hatü ha kü hinglempü homei ammi büpalei men kü yangnyuyem danghen shingvaishi nyangnyüpeih.

JOHAN 3:16

Mehenangkü Kahvangi kahdoknyü kü longi bampü nangkü büpai laophülei Halom shuoh; üami büpa kü hinglem nemahhen, shejao düngeipü yangnyuyem danghen.

JOHAN 3:36

Üami Ha kü hinglem, yangnyuyem nyüke, üami Ha kü hingnelem, yangnyuyem nedanghen shejao Kahvang mongshihpü heühen.

JOHAN 5:24

“Hingmei mü ngei am kü enyeih, üpai ngelei shah banghen hatü ngei shompüba kü hinglemhen yangnyuyem nyüpeih, hatü shahphenpülei nepeihen, shejao dipü kübü yangnyuyem touei lüdaiteke.

JOHAN 6:40

Üami Ha ee, hatü büpa kü hinglemnya, vanyangyem danghen, hatü dohpü nyih kü ngei yangei leishihhen hapayü ngelei Opai-i mongpü nyüke.”

JOHAN 6:47

Hingmei ngei am kü enyeih, üami hinglemnya, vanyangyem nyüpeih.

ROM SHAHSHA APPÜ 5:1

Hanangkü hinglempai jen dahshakhüpü nangkü jenei Shembüpa Jisu Khrista homei Kahvang mü jen chingmei nyüpeih.

ROM SHAHSHA APPÜ 8:1

Hanangkü shaang Khrista Jisu kü nyupüthü shingvaishi nyonghüpü neshiü.

ROM SHAHSHA APPÜ 8:34

Üpa nyonghühen? Üpa di, hih, yangei lei, üpa Kahvangei lakdah philei uotü jen shing phopnya, hapayü Khrista Jisu khih.

HEBREW 12:25

Nüng kü shah epüba kü nebangi nenyuhen kentuh. Kahdoknyülei jom kü shahvüng shuohpübalei shah nebangpai jom neyangjema, vangsho leipü jen kü shahvüng shuohpüba toueipü yanei lüdaijema, jen meshük maanpü leihenang?

HEBREW 2:3

hajük longpü yemleipü yaktükjema jen mekei etü yanghen? Hapayü shongpü kü Shembüpa homei baong, hatü hapayü büpa leipü danpüthüi jiüpeih shei ham kü lekhünyüke.

HEBREW 3:19

Hanangkü jomi hingnelempü nangkü halei neshüaokpeih shei jeni eenyüke.

1 JOHAN 3:23

Hapayü büpalei shahkungnyü: büpai jen kü shahkung shuohpükei jeni Cheha Jisu Khristalei men kü hinglemhen hatü hüki hük mü bamteihen vongbong.

1 JOHAN 4:9

Kahvang bampeyü hapakei jen touei shakei vampeih: Büpa homei jen yemmü nyuhen shingvaishi Kahvangi laophülei Halom kahdoknyülei shompeih.

1 JOHAN 5:10

Üami Kahvang Ha kü hinglem jomei mongdangei denpü nyüpeih. Üpai Kahvang kü hingnelem, Kahvangi laophülei Ha nangkü denpü shuohpü kü hingnelempai büpa shahshem leitükteke.

1 JOHAN 5:12

Üami Ha ang, yangnyuyem nyüke; üami Kahvang Ha ne-ang, yangnyuyem neshiü.