JOHAN 3:15 - DAÜLANGPÜ LAIHING (BSI)

¹⁵ hatü üami büpa kü hinglem yangnyuyem danghen.

JOHAN 3:15 Iomraidhean Croise

ISAIAH 11:10

Hapa nyih Jesselei tünglangü nanglakthülei khüamlung hük leshi yaonghen; jatthü büpa touei thaihen, hatü büpa nyushingü müknyinshekhangshi nyuhen.

ISAIAH 45:22

Ngei touei mong lepei leikei, hatü yemleipü yahtuh kahdoknyü hangkuli peü! Mehenangkü ngei mon Kahvang, hatü lebü üpayao neshiüpih.

BHEI-IE 21:9

Hanangkü Mosai melangnyiam yah-ei biü hük ling, hatü lüng kü hapa japtü haongteke. Mechem shennyak hanei kü biüi kaokhenshang, hapa melangnyiami lingpü biü kü veiteke, hatü meidaihamteke.

MATHI 18:10

Nüngi hathü maanpü hük kü dangkao ne-ienelemi nedükhen lituh; mehenangkü ngei am kü enyeih, vangsholei jomphongei vangsho phongshanthüi vangsho leipü Opalei dhe kü düngei veinyüke.

MATHI 25:46

Hathüyü nedohnetenpü hanghi shingei shühen, shejao daülangpüthü vanyangyem touei shühen.

MARK 16:16

Üami hinglem, hatü baptük, jom yanghen, shejao üpai hingnelem nyonghühen.

LUK SHAHSHA APPÜ 19:10

Mehenangkü Shennyak Hayü mahdaipüthü yemhen hatü yanghen peipeih” shei e.

JOHAN 1:12

Shejao üami büpa yah, büpalei men kü hinglem, büpai hathü peü kü Kahvang hathü leihen ngan shuohteke.

JOHAN 16:33

Ngei kü am chingmei nyuhen shingvaishi ngei hathü am kü etepih. Kahdoknyülei am shüveipü ponghen, shejao monglongtuh; mehenangkü ngei kahdoknyü aoktepih.”

JOHAN 20:31

Shejao hathüyü ammi Jisu-ü Messiah, Kahvang Ha shei hinglemhen, hatü ha kü hinglempü homei ammi büpalei men kü yangnyuyem danghen shingvaishi nyangnyüpeih.

JOHAN 3:16

Mehenangkü Kahvangi kahdoknyü kü longi bampü nangkü büpai laophülei Halom shuoh; üami büpa kü hinglem nemahhen, shejao düngeipü yangnyuyem danghen.

JOHAN 3:36

Üami Ha kü hinglem, yangnyuyem nyüke, üami Ha kü hingnelem, yangnyuyem nedanghen shejao Kahvang mongshihpü heühen.

JOHAN 5:24

“Hingmei mü ngei am kü enyeih, üpai ngelei shah banghen hatü ngei shompüba kü hinglemhen yangnyuyem nyüpeih, hatü shahphenpülei nepeihen, shejao dipü kübü yangnyuyem touei lüdaiteke.

JOHAN 6:27

Shedailaidaihen hahying teyem, shejao vanyangyem nyuhen hahying yemtuh; hayü Shennyak Ha-i am kü shuohhen. Mehenangkü hapayü Pa Kahvangi büpa kü füoshang shingei nyüke” shei e.

JOHAN 6:40

Üami Ha ee, hatü büpa kü hinglemnya, vanyangyem danghen, hatü dohpü nyih kü ngei yangei leishihhen hapayü ngelei Opai-i mongpü nyüke.”

JOHAN 6:47

Hingmei ngei am kü enyeih, üami hinglemnya, vanyangyem nyüpeih.

PHONGSHANTHÜ DOU 13:41

“Veituh, amphong mih vüshihpüthü! Am thamatuh, hatü didaituh! Mehenangkü ammei nyih kü ngei dou hük düknyeih; hanei ammi am kü ejao ammi hapa kü hingnelemhen.”

PHONGSHANTHÜ DOU 8:36

Jiji chemi daishingkü yung nyupü shingei ngoi, hatü ban tüktükpü shennyaki, “Veihümao, hatouei yung nyüke! Ngei baptükhen mehe wongpü nyüpa?” shei e.

ROM SHAHSHA APPÜ 5:21

Hanangkü mangi dipü kü vanglem lempükei, Jisu Khrista, jenei Shembüpa homei daülangshemshepai yangnyuyem touei müpü homei phahjipai vanglem lempeih.

1 KORINT 1:18

Mehenangkü shophang jung shahjangmeiyü mah-ei nyupüthü shingvaishi ngashah, shejao jen yangei nyupüthü shingvaishi hapayü Kahvangei ngan nyüke.

2 KORINT 4:3

Hamei shahjangmei joei nyujema, hapayü mahdaipüthü touei joei nyüke.

GALATIA 2:16

shejao shennyak hüki shahkungnyü dükpai nevai, shejao Jisu Khrista kü hinglempü homei dahshaknyeih shei jeni nying. Khrista kü hinglempai jen dahshakpü danghen shingvaishi jeni Jisu Khrista kü hinglemei peiteke, hatü hayü shahkungnyü douthü dükpai nevai; mehenangkü üpaiyao shahkungnyü douthü dükpai dahshakei neaokpih.

GALATIA 2:20

hatü hajük kü shaang nyupeyü ngei nevai, shejao ngei kü nyupeyü Khrista, hatü shaang ngei phai kü nyupü yangnyu-ü ngei kü bampü ngei shingvaishi yangnyu shuohpü Kahvang Ha kü hinglempai nyunyeih.

HEBREW 10:39

Shejao jenphongü ngaümpheilei shinei leiyei mahdaipüthü nevai, shejao hinglemei yangpüthü nyüke.

HEBREW 7:25

Hanangkü büpa homei Kahvang touei peipüthü peü den kü yangei tuhhen aoknyüpeih; mehenangkü büpai den kü jom shing phopnyüke.

1 JOHAN 2:25

Hatü büpai jen kü mehe lah, hayü vanyangyem yangnyu khih.

1 JOHAN 5:1

Üpai Jisu-ü Khrista shei hinglem, büpayü Kahvangi bühpü, hatü üpai nyühipa kü bam hapeü kao bamnyeih.

1 JOHAN 5:20

Jeni büpayü shahhing shei nyinghen shingvaishi Kahvang Ha peiyei jen kü danaokpü shuohpeih shei jeni nyingnyüke. Jenphongü üpa shahhing büpa kü nyüke– hapayü büpalei Ha Jisu Khrista. Büpayü hingshangpü Kahvang hatü yangnyuyem.