JOHAN 21:22 - DAÜLANGPÜ LAIHING (BSI)

²² Jisui büpa kü, “Ngei yiüpü thahshi büpa yemmü tuhjao nüngi ha mehe vainüng? Ngei phei mükei” shei e.

JOHAN 21:22 Iomraidhean Croise

MATHI 16:24

Hahepak kü Jisui büpalei nanglomthü kü e, “Hanei ami ngei phei mühüjema, büpai laophü nang betüktuh hatü laophülei shophang paitü ngei phei mükei.

MATHI 24:27

Mehenangkü heongphi leipü klang nyepei heshü thahshi vangngaipü keiha Shennyak Ha peipü nyuhen.

MATHI 24:3

Mechem büpa Olive Kahshangei uoshi nyupa, nanglomthü mon lomei büpa touei peiyei, “Nüng yiükahen nyangeihepü hatü kahdoknyü den dohpü mekei hatü mechem nyukahen ha ham kü eshih” shei e.

MATHI 24:44

Hanangkü amphongao temei nyutuh; mehenangkü nedeihpü hepak kü Shennyak Ha yiükahen.

MATHI 25:31

Mechem Shennyak Ha müknyinshekhang kü vangsho phongshanthü peü büpa mü yiühen, hahepak kü büpa müknyinshekhang ong uoshing kü uohen.

MATHI 8:22

Shejao Jisui büpa kü, “Ngei phei mükei, hatü didaipüthüi jomei mahng nyemvühah” shei e.

MARK 9:1

Nedoh-i büpai jomphong kü, “Hingmei ngei am kü enyeih, hatouei yaongshi nyupü hanei-i Kahvang ongching ngan kü yiüpü mangee thahshi nedipih” shei e.

JOHAN 21:19

(Büpai hapayü büpa mepakei dipai Kahvang müknyinshekhanghen ha huhen nangkü eteke). Hapheikü büpai büpa kü, “Ngei phei mükei” shei e.

JOHAN 21:21

Mechem Peteri büpa eepa, büpai Jisu kü, “Shembüpa, büpa nang mekeiang?” shei e.

1 KORINT 11:26

Mehenangkü ammi meshükpa hapa aan hah, hatü hapa yungshong ying, büpa mangyiü thahshi ammi Shembüpa dipü baongnyüke.

1 KORINT 4:5

Hanangkü ittükpü hepak mangngoi shekü shah tephen. Shembüpa yiüküpü dantuh. Büpai vangnyakei joshi nyupü vangngailei ngaikahen, hatü hangkulei mongdangei deihpü shakei ngaikahen. Hahepak kü peüi Kahvang leipü dupü-oupü danghen.

1 THESALONIKA 2:19

Mechem Shembüpa Jisu yiühenshang, büpa touei hamei monglem, hamei mongong nevaijü ham müknyinshekhanghen hamei athen mehe nyuhen? Hayü amphong nevaipü je?

JAKOB 5:7

Hanangkü jeihinaüthü, Shembüpa mangyiü thahshi nenteiaokei dantuh. Kahling ami kahdok leipü hahying vamjapü dannyeih hatü shongpü hatü nyipabü vang keipü omdannyeih.

JAKOB 5:8

Amao munentuh. Ammei mong wong kohtuh; mehenangkü Shembüpa peikahen yopailei nyüke.

SHAKEI VAMPÜ 1:7

Veituh, büpa phum mü yiükünyüke; peüei müki büpa eehen; büpa kü phungi hümpüthüi dangkao eehen; hatü büpa tata kü kahdoknyü jatthü peü mahng thephen. Hapa keiha ha nyuhen! Amen.

SHAKEI VAMPÜ 2:25

Ngei mangyiükei thahshi ammei lakei mehe nyu, ha kü wongshongi shoungtuh.

SHAKEI VAMPÜ 22:20

Hathü dou jung denpü shuohpübai, “Hingmei, ngei lomi yiükünyeih” shei enyüke. Amen. Yiükei, Shembüpa Jisu!

SHAKEI VAMPÜ 22:7

“Veituh, ngei lomi yiükünyeih! Üpai hapa lai kübü thihivam shahthü bangei notei moihiman.”

SHAKEI VAMPÜ 3:11

Ngei lomi peikünyeih, hatü ammi ammei lakei mehe nyu ha kü wongshongi shümtuh, shejüang üpaiyao ammei athen neyahlanghen.