JOHAN 21:17 - DAÜLANGPÜ LAIHING (BSI)

¹⁷ Büpai jempabü büpa kü, “Johanei ha Simeon, nüngi ngei kü bamnyüla?” shei e. “Nüngi ngei kü bamnyüla?” shei büpai büpa kü jempa thahshi eshuohpü nangkü Peter mong yimei deih. Büpai büpa kü, “Shembüpa, nüngi lemphü nyingei nyüke; ngei nüng kü bamnyeih shei nüngi nyingei nyüke” shei e. Jisui büpa kü, “Ngelei mithü haümtuh” shei e.

JOHAN 21:17 Iomraidhean Croise

2 SAMUEL 7:20

Ngei mehe nyeinya ekününg! Mehenangkü nüngi nüngei chongphobü nyingei nyüke, Oh Shembüpa Kahvang!

1 ONGPATHÜ 17:18

Pinnyüi Elijah kü, “Oh Kahvang shennyak, nüngi ngei kü mehe kü khünya? Ngelei mang deih-ei danghühen, hatü ngelei hapeü jütükhen shei nüngü peiküpü je?” shei e.

1 SHÜPPÜKENGPÜ 17:18

Nüngei chongphobü kü nüngi hajük thahshi dhüm hupü kü David, ngei ha mü lenei mehe ekününg? Mehenangkü nüngi nüngei chongphobü nyingei nyüke,

1 SHÜPPÜKENGPÜ 29:17

Ngelei Kahvang, nüngi mongdang yemnyeih, hatü kangshangpüthü kü mongmeinyeih shei ngei nying; ngelei mongsha daülangpai ngei hathü dou mongongshi shuohpeih, hatü shaang hatouei nyupü nüngei nanglakthüi monghumei mongongshi shuohpü ngei eeteke.

MENVIH KESHO 17:3

Nüngi ngelei mongdang dokei veijü, nüngi yanüng ngei dokei veijao nüngi mehe tenao nedangpih; ngelei jui mang nethahnyih.

JEREMIAH 17:10

Shennyak hük kü büpai dükpü aimü, hatü büpalei doui shangpükei laklei shuohhen shingvaishi, Ngei, Shembüpai mongdang yemnyüpeih, hatü sholi doknyüpeih.

YOUNG LAI 3:33

Mehenangkü büpai shuohhüei üpa kao hanghi nevaijü mongshang neshuohnyih.

MATHI 25:40

Ongpai jomphong kü, “Hingmei ngei am kü enyeih, amphong maanpü ngelei jeihinaüthü kü mepa ammi düktepa, hayü ngei kü dükpeih” shei jangei ehen.

MARK 14:72

Hahepak kü nyipabü ou gateke. Hahepak kü Peteri büpa kü Jisui, “Ou nyipa gashekü nüngi ngei jempa thahshi nelah-aokpih” shei eshuohpü deih-ei dang. Büpai ha deih-ei dihen mü thep.

JOHAN 12:8

Am mü taopathü düngei nyuhen, shejao ngei am mü düngei nenyukahen” shei e.

JOHAN 13:38

Jisui, “Nüngi ngei shing nüngei yangnyu lanei shuoh-aokhen je? Hingmei mü ngei nüng kü enyeih, ou gashekü jempa thahshi nüngi ngei nelah-aokpih” shei e.

JOHAN 14:15

Ammi ngei kü bamjema, ngelei shahkungthü banghen.

JOHAN 15:10

Ammi ngelei shahkungthü bangjema, ngei Opalei shahkungthü bangei büpa bampü kü nyupükei amphongao ngei bampü kü nyuhen.

JOHAN 16:30

Shaang nüngi peü nyingnyüke shei hami nyingnyüke, hatü üpaiyao meheyao nephehahhünyu; hapai nüngü Kahvang leipü peipü khih shei hami hinglemnyeih” shei e.

JOHAN 18:27

Shao Peteri ha nelahaok, hatü hahepak kü ou gateke.

JOHAN 18:4

Hahepak kü Jisui büpa kü mehe vamhen ha peü nyingei she philei heih-ei jomphong kü, “Ammi üpa yemnya?” shei phe.

JOHAN 21:18

“Ngei nüng kü hingmei mü enyeih, mechem nüng vaanwong hepak nyupa, nüngi laophü nyingi shüngshep sheptü nüng melei daihü halei daihampeih. Shejao mechem nüng viüdaihen, nüngi laophülei lak haonghen hatü mih-i nüng kü shünglok lokhen, hatü nüng nedaihüpülei müei daihen” shei e.

JOHAN 4:16

Jisui pinnyü kü, “Leituh, ambaha nyükei heihkei” shei e.

PHONGSHANTHÜ DOU 1:24

Hapheikü jomphongi, “Shembüpa, nüngi peüei mong nyingei nyüke. Nüngi henyi khongkü üpa jepa?

PHONGSHANTHÜ DOU 11:10

Hapakei jempa vamküpeih, hatü lemphü vangsholei shüei anlangphopeih.

PHONGSHANTHÜ DOU 15:8

hatü hangkulei mongdang nyingpü Kahvangi jen kü dükphopükei jom kü Laangha Daülangpü shuoh-ei denpü shuohteke,

2 KORINT 1:12

Shaang ham changmeipü hatü hamei mongdeih denpeyü hapa hih: Hami hapa kahdoknyülei anyei vaishi am mü shahngai eshi, shüeinyiükei kahdoknyü kihikoni nevai, shejao Kahvang phahji homei nyupeih shei hamei mongi denpü shuohnyüke.

EPHESIA 4:30

Angei leipü nyih shingvaishi am kü füoshang shüngpü Kahvang Laangha Daülangpü mongtemanghü.

JOSHUA 22:22

“Jeiyongpayü Kahvang! Büpayü Shembüpa! Jeiyongpayü Kahvang hih! Büpayü Shembüpa! Hami mekei dükpa, ha büpai nyingnyeih, hatü ammiyao ha nyingtuh. Hapayü khüei nevaijü Shembüpa kü hingnelemi dükpü vaijema, shinnyih ammi ham yemmü tetuhphong.

1 PETER 1:6

Shaang amphong kansho hük shing dokpü longi homei shangponghen nyujao ha kü am mongongtuh.

2 PETER 3:1

Bampü küphüthü, shaang hapai nyipabü lai ngei am kü nyangnyeih. Ngei ha lai nyiyü am kü kenhingmongha chudeih vamhen nangkü deihhen shingvaishi ngei khenyüpeih.

SHAKEI VAMPÜ 2:23

hatü ngei jomei hapeüthü bheitü jütükhen. Shejüang attoithü peüi ngeiyü chudeih mongdang yempüba shei nyinghen, hatü ngei am peü kü ammei doui shangpükei shuohhen.

SHAKEI VAMPÜ 3:19

Üam kü ngei bam, hathü kü loknyeih hatü hanghi shuohnyeih. Hanangkü am maanpü leituh hatü mong leptuh.