JOHAN 20:17 - DAÜLANGPÜ LAIHING (BSI)

¹⁷ Jisui pinnyü kü, “Nüngi ngei kü laki tedükpha; mehenangkü ngei Opa touei mangaongpih. Shejao ngelei jeihinaüthü touei daiyei jomphong kü, ‘Ngei ngelei Opa hatü ammei Pa, hatü ngelei Kahvang hatü ammei Kahvang touei aongdainyuja’ shei etuh” shei eteke.

JOHAN 20:17 Iomraidhean Croise

2 ONGPATHÜ 4:29

Büpai Gehazi kü, “Shünglok loktuh hatü ngelei lenshuoh notü leituh. Lemei nüngi mih heüjü shah eteiyei tenyu; mih-i nüng kü hangphüjü shah teleitei. Ngelei lenshuoh hapa naüei dhe kü haüeishuoh” shei e.

2 ONGPATHÜ 7:9

Hahepak kü jomi hüki hük kü, “Jeni mehe düknya, hayü nejiüpü dou khih. Hapayü shahjang meipü nyih khih; hayü jen nyingi jolangnyu khih. Jeni vangngaipü thahshi ha ne-ejema, hingmei hanghi danghen khih. Hanangkü jen chem leiyei ongpalei lakchongbüthü kü ejashah” shei etei.

MENVIH KESHO 22:22

Ngei ngelei jeihinaüthü kü nüngei men baonghen; thaihiyu kü ngei nüng vihhen.

MENVIH KESHO 43:4

Shejüang ngei Kahvangei moidü, Kahvang, ngelei mongong touei daihen. Ngei harp vüngei nüng menlonghen, Oh Kahvang, ngelei Kahvang.

MENVIH KESHO 48:14

Mehenangkü hapa Kahvangü den kü jenei Kahvang; dohpü thahshi büpayü jenei lem mübü vaikahen.

MENVIH KESHO 68:18

Mechem nüng shaopü kahshangei aongpa, nüng mü khoklat kü longi müei aong. Nüng khüei yaongpüthü leipao nüngi laklei yah; Shembüpa Kahvang halei nyuhen aongteke.

MENVIH KESHO 89:26

Büpai ngei kü, ‘Nüngü ngelei Pa, ngelei Kahvang, hatü ngei yemleipü Yaong’ shei ehen.

ISAIAH 41:10

Hanangkü amphong tenyem; mehenangkü ngei amphong mü nyüpeih; amphong tehan; mehenangkü ngeiyü ammei Kahvang; Ngei amphong wong kohhühen; ngei am kü sheühhen, ngelei aokpü laki ngei am shongei tuhhen.

JEREMIAH 31:33

“Hapa hepak pheikü ngei jom mü linghen vangpüshuwpeyü hapa hih” shei Shembüpai enyüke. “Ngei ngelei shahkung jomei sholi kü hatü jomei mongdang kü nyangei tuhhen. Ngei jomei Kahvang vaihen, hatü jomü ngelei nanglak vaihen.

JEREMIAH 32:38

Jomü ngelei nanglak, ngei jomei Kahvang vaihen.

EZEKIEL 36:28

Shejüang ngei ambü ampa kü shuohpü kahdok kü nyuhen, hatü amphongü ngelei nanglak, hatü ngeiyü ammei Kahvang vaihen.

EZEKIEL 37:27

Ngei jom mü nyuhen; ngei jomei Kahvang, hatü jomphongü ngelei nanglak vaihen.

MATHI 12:50

Mehenangkü üami vangsholei nyupü Opa-i mongpü düknya, jomphongü ngelei jeihinaü, nyahinaü hatü nyü” shei eteke.

MATHI 25:40

Ongpai jomphong kü, “Hingmei ngei am kü enyeih, amphong maanpü ngelei jeihinaüthü kü mepa ammi düktepa, hayü ngei kü dükpeih” shei jangei ehen.

MATHI 28:7

Lomi daiyei, ‘Büpa yangei leidaiteke’ shei büpalei nanglomthü kü etuh, hatü büpayü am shekü Galilei daiteke; halei ammi büpa ponghen. Hapayü am shing ngelei shahjangmei” shei e.

MARK 12:26

Dipü kübü yangei leihen nangkeyü Mosai nyangpü lai kü phenni kü aw bahpü büshah ne-ieangpü je? Kahvangi büpa kü, ‘Ngeiyü Abraham Kahvang, Isak Kahvang, hatü Jakob Kahvang.’

MARK 16:19

Shembüpa Jisui jom mü eteipheikü vangsholei anlang, hatü Kahvangei lakdah philei uo.

LUK SHAHSHA APPÜ 10:4

Ammi loptuw, nevaijü khoung, nevaijü lathuh teko, hatü lemei üpa kao selam teshih.

JOHAN 13:1

Shaang Hompü Mo shekü hapa kahdoknyü kübü yanei Pa touei daihen hepak ngoiteke shei Jisui nying. Kahdoknyülei nyupü büpalei nanglakthü kü bampü nangkü büpai jom kü meshük thahshi bamnya, ha huteke.

JOHAN 13:3

chepai büpalei lak kü lemphü shuohteke, hatü büpa Kahvang leipü pei, hatü Kahvang touei daihen shei Jisui nyingei,

JOHAN 14:2

Opalei shemei nyushing longi nyüke. Hei nevailangmeyü ngei amphong kü ephahen vaipeih. Ngei am shing nyushing hük temnüng dainyeih.

JOHAN 14:28

Ngei am kü, “Ngei lüdainyeih, hatü ngei am touei peikahen” shei epü ammi danteke. Ammi ngei kü bamjema ngei Opa touei lüdaipü kü ammi bamhen; mehenangkü Opayü ngei mü longpüba.

JOHAN 14:6

Jisui jangei, “Ngeiyü lemnyü, shahhing hatü yangnyu; ngei nehompheikü üpaiyao Opa touei nepeiaokpih.

JOHAN 16:28

Ngei Opa leipü pei, hatü kahdoknyülei yiü; shao ngei kahdoknyü tuhphongtü Opa touei lüdainyeih.

JOHAN 17:11

Shaang ngei hajük kü kahdoknyülei nenyuhen, shejao jomphong payü kahdoknyülei nyüke, hatü ngei nüng touei peikünyeih. Daülangpü Opa, nüngi ngei kü shuohpüthü nüngei men kü yangei tuhtuh, shejüang ji hük vaipükei jomphongao hük leihen.

JOHAN 17:25

Daülangpü Opa, kahdoknyüi nüng nenyingnyu, shejao ngei nüng nyingnyüpeih, hatü nüngi ngei shompü khih shei hathüi nyingnyüke.

JOHAN 17:5

Hanangkü shaang, Opa, kahdoknyü lingshekü nüng touei ngei kü nyupü müknyinshekhangi nüng touei ngei müknyinshekhanghütuh.”

JOHAN 20:27

Hahepak kü büpai Thomas kü, “Nüngei lakjaangi hammü yuktuh, hatü ngelei lak kü veituh. Nüngei lak deiyei ngelei haampat kü yuktuh. Nüng tejü-ü shejao hinglemtuh” shei e.

JOHAN 7:33

Jisui hahepak kü, “Ngei amphong mü hepak kanja mon nyutü üpai ngei shom, büpa touei ngei lüdaihen.

ROM SHAHSHA APPÜ 8:29

Mehenangkü üam büpai yeihshi mebü nyingei nyu, hathü shao büpai laophülei Halei deiaei anshi leihen jelangpeih; shejüang büpa shemong longpü kü hashongpa leihen.

2 KORINT 6:18

hatü ngei ammei Pa vaihen, hatü amphongü ngelei hapeüthü vaihen shei Jeiyong Shembüpai enyüke.”

GALATIA 3:26

mehenangkü Jisu Khrista kü hinglempü homei am peü Kahvangei hapeüthü leiteke.

HEBREW 11:16

Shejao jomi meipü kahmük ongyang, lappai, vangsho amei kahmük. Hanangkü Kahvangü jomei Kahvang shei nyükhen kü veüei nedeih; mehenangkü büpai jom shing chingnyü hük temshuohteke.

HEBREW 8:10

Hathü nyih pheikü ngei Israel am phang mü hapa vangpüshuwpü linghen shei Shembüpai enyüke: Ngei ngelei shahkungnyü jomei sholi kü shihshuohhen, hatü jomei mongdang kü nyanghen, ngei jomei Kahvang vaihen, hatü jomphongü ngelei nanglak vaihen.

1 PETER 1:3

Kahvang hatü jenei Shembüpa Jisu Khristalei Pa moihimantuh! Jisu Khrista dipü kübü yangei leipü homei büpa phahji longpai büpai jen kü yangnyuyem monglempü kü jen kü ja bühpü hük shouhteke,

1 JOHAN 3:2

Bampü küphüthü, shaang jenphongü Kahvangei hapeüthü nyüke; hatü jen mehe vaihen shao-üng shakei mangvam. Jeni nyingpeyü ha khih: mechem büpa shakei vamhenshang, jenphongü büpa kei nyuhen; mehenangkü büpa mekei nyu, hapakei jeni büpa eehen.

SHAKEI VAMPÜ 21:3

hatü ngei ong uoshing leipü ngeü longpü hük hapakei epü dan: “Veituh, shaang Kahvangei shemü hangku mü nyüke; Büpa jomphong mü jomei Kahvang vaishi nyuhen, hatü jomphongü büpalei nanglakthü vaihen, hatü Kahvangü jom mü nyuhen;

SHAKEI VAMPÜ 21:7

Üami vehok neühen hathüi mükjüp danghen, hatü ngei jomei Kahvang vaihen, hatü jomphongü ngelei hapeüthü vaihen.