JOHAN 20:15 - DAÜLANGPÜ LAIHING (BSI)

¹⁵ Jisui pinnyü kü, “Nyüha, nüng mehekei thepnya? Nüngi üpa yemnya?” shei e. Pinnyüi hapa shennyakü pe dükpü am khih shei deih-ei, “Longpüba, nüngi büpa yah-ei lüdaipü vaijema, nüngi büpa melei tuhpüshang eshih, ngei büpa yah-ei lüdaihen hih” shei e.

JOHAN 20:15 Iomraidhean Croise

SOLOMONEI KESHO 3:2

Ngei shaang paoei chingnyülei daihen, Chingshong, shokhivaung kemeilei ngelei laanghai bampüba yemhen. Ngei büpa yempeih shejao büpa nedang.

SOLOMONEI KESHO 6:1

Nüngei bampüba melei daipa, Oh nyüha khongkü nela meinyü? Hamphongao nüng mü büpa yemei daikününg, büpa melei daipa?

MATHI 12:34

Amphong biüei hapeüthü! Am nemei-i tuhtü mekei meipü jung ammi enya? Mehenangkü mongei maei deihpü kübü julei vamei enyeih.

MATHI 28:5

Shejao vangsho phongshani nyüha nyi kü, “Anji tenyem; mehenangkü anjiyü shophang kü apei jütükpü Jisu yemnyu khih shei ngei nyingnyüke.

MARK 16:6

Shejao büpai jiji kü, “Tenyem, anjiyü shophang kü aptükpü Nazareth am Jisu yemnyu khih. Büpa yangei leidaitih; büpa hammü nenyu. Büpa lempü shing kü veituh.

LUK SHAHSHA APPÜ 2:44

Jom chemi yen daipü khong mü nyüpeih shei deihshi jom nyih hük lem kü leiyei nyu. Hapheikü jomi shem am hatü küphüthü mü büpa nyüla shei yemhen pang.

LUK SHAHSHA APPÜ 24:5

Jomi nyemei kahdokei dhe aümei sha, shejao ha shennyak nyi-i jomphong kü e, “Mehekei ammi dipüthü khong mü yemmü nyupü hük yemnya? Büpa hatouei nenyu, shejao yangei leidaitih.

JOHAN 1:38

Yaakei veishingkü Jisui jiji müjapü eeyei, “Anji mehe napa?” shei phe. Jijinyi-i, “Rabbi, lappai, ‘Nyuhbü’ nüng melei nyunya?” shei phe.

JOHAN 18:4

Hahepak kü Jisui büpa kü mehe vamhen ha peü nyingei she philei heih-ei jomphong kü, “Ammi üpa yemnya?” shei phe.

JOHAN 18:7

Shao büpai jomphong kü, “Ammi üpa yemnya?” shei phe. Jomi büpa kü, “Nazareth am Jisu” shei e.

JOHAN 20:13

Jiji-i pinnyü kü, “Nyüha, nüng mehekei thepnya?” shei e. Pinnyüi jiji kü, “Jomi ngelei Shembüpa yah-ei lüdaiteke, hatü jomi büpa melei tuhtükpüshang ngei nenyingang” shei e.

1 SAMUEL 1:16

Nüngi ngei keyü yahlak neshiüpü nyüha ten kei tedeih; mehenangkü ngei longi mongshangpü nangkü ngei hatouei phopei nyunyeih” shei e.