JOHAN 2:11 - DAÜLANGPÜ LAIHING (BSI)

¹¹ Jisui hayü Galil kahdok Kana chingei shongpü yashanpü dou dükei pangpü nyuteke. Hapakei büpalei müknyinshekhang shakei vam, hatü büpalei nanglomthüi büpa kü hinglem.

JOHAN 2:11 Iomraidhean Croise

1 ONGPATHÜ 17:24

Hanangkü hapa vaümnyüi Elijah kü, “Nüngü Kahvang shennyak khih, hatü nüngei ju kübü Shembüpalei shah-ü shahhing khih shei shaang nyingteke” shei e.

MENVIH KESHO 72:19

Büpalei müknyinshekhang men den kü moihimantuh; büpalei müknyinshekhangi kahdoknyü peü mahütuh, Amen, Amen.

MENVIH KESHO 96:3

Jatthü kü büpalei müknyinshekhang jung baongeishuoh; nanglak peü kü büpalei yashanyalepü douthü nyinghütuh.

MÜLANGPÜ 14:31

Israel ami Ijip am khüei Shembüpai dükpü dou longpü eeteke. Hanangkü nanglakthüi Shembüpa kü nyem, hatü Shembüpa hatü büpa chongphopü Mosa kü hinglem.

MÜLANGPÜ 4:9

Jomi hapa yashanpü dou lemnyi kao hingnelemjema nevaijü nüngi epü kü nebangjema, nüngi Nile yungyen leipü yung maani yah-ei kahdok van kü haiyeishuoh; hatü nüngi yahpü yungi kahvan shangkü iy leikahen” shei e.

CHONGVENBÜ 9:7

Daituh, mongongshi hahying hahtuh, hatü mongongshi yingtuh; mehenangkü nüngi mehe düknya, Kahvangi shelei mebü mongpü nyüpeih.

ISAIAH 40:5

Hahepak kü Shembüpalei müknyinshekhang shakei vamkahen, hatü hangkuli peüi hapa eehen; mehenangkü Shembüpalei ju kübü ha vamei eteke.’ ”

MALAKI 2:2

Ammi ha nebangjema, hatü ngelei men müknyinshekhanghen ammei mong kü nelejema, ngei am kü thaüvaü shomhen, hatü ammei moihimanthü thaüvaütükhen. Hih, ammei mongkü ngelei men müknyinshekhanghen nelepü nangkü ngei hathü peü thaüvaütüktepih shei Shembüpa Kahvangi enyüke.

JOHAN 1:14

Hapa Shah phai lei hatü jen mü nyu, hatü jeni büpalei müknyinshekhang, Pa leipü Halomei müknyinshekhang keiha phahji hatü shahhingi maei eeteke.

JOHAN 1:17

Mehenangkü shahkungü Mosa homei shuoh, shejao phahji hatü shahhingü Jisu Khrista homei peipeih.

JOHAN 1:43

Nyihphei Jisui Galilei heihhen tem. Büpai Philip heüei, “Ngei phei mükei” shei e.

JOHAN 1:50

Jisui, “Ngei nüng adhapü phangei uoshi eepeih shei ephopü nangkü nüngi ngei kü hinglemnyu je? Nüngi hathü mao longpü douthü eehen hih” shei e.

JOHAN 10:41

Büpa touei shennyakthü longi pei, hatü jomi, “Johani meheyao nyangeihepü nedük, shejao hapa shennyak jung Johani epü lemphüli jiüteke” shei e.

JOHAN 11:15

Ammei men kü ngei büpa mü nenyupü kü mongongnyeih, shejüang ammi hinglemhen. Shejao jenphong büpa yemei daishah” shei e.

JOHAN 11:47

Hanangkü ngongpathü hatü Phariseethüi shahtapei shahthai hük thongei, “Jeni mehe dükhenang? Hapa shennyaki nyangeihepü longi düknyüke.

JOHAN 12:18

Büpai hapa nyangeihepü dükpüja shei danpü nangkü khongnyüi büpa mü pongnüng pei.

JOHAN 12:37

Büpai jom touei nyangeihepü longi dükjao jomi büpa kü hingnelem.

JOHAN 12:41

Isaiah-i hapa epeyü büpai Jisulei müknyinshekhang eepü nangkü büpa nang epeih.

JOHAN 14:13

Ha kü Pa müknyinshekhanghen shingvaishi ammi ngelei men kü mehe yühenshang ngei ha shuohhen.

JOHAN 16:27

mehenangkü Pa-i laophü nyingi am kü bamnyüke; mehenangkü ammi ngei kü bam, hatü ngeiyü Kahvang leipü pei shei ammi hinglemteke.

JOHAN 16:30

Shaang nüngi peü nyingnyüke shei hami nyingnyüke, hatü üpaiyao meheyao nephehahhünyu; hapai nüngü Kahvang leipü peipü khih shei hami hinglemnyeih” shei e.

JOHAN 2:1

Nyih jempabü kü Galil kahdok Kana chingei yiükjing mo hük nyu, hatü halei Jisulei chenyüao omei nyu.

JOHAN 2:23

Mechem Hompü Mo hepak kü büpa Jerusalemei nyupa, longshi shing büpa kü hinglem; mehenangkü jomi büpai dükpü yashanpü douthü eeteke.

JOHAN 3:2

Büpai nyak kü Jisu touei peiyei büpa kü, “Nyuhbü, nüngü Kahvang leipü yiüpü nyuhbü shei nyingnyüke; mehenangkü Kahvang ne-ompheikü nüngi dükpü nyangeihepü douthü üpaiyao nedükaokpih” shei e.

JOHAN 4:3

büpa Judea leipü shao Galilei leidai.

JOHAN 4:46

Hapheikü büpai Galilei nyupü Kana, büpai yungi yiü leihüpü chingei pei. Shaang halei ongpalei lakchongbü hükei ha Kapernaumei tüngei nyu.

JOHAN 4:54

Shaang hapayü Jisui Judea leipü Galilei leipheikü dükpü nyipabü nyangeihepü nyuteke.

JOHAN 5:23

shejüang Pa kü dhüm hupükei Ha kao dhüm huhen. Üpai Ha kü dhüm nehu, büpai büpa shompü Pa kü dhüm nehunyu” shei e.

JOHAN 6:14

Mechem nanglakthüi büpai dükpü nyangeihepü eepa, jomi, “Hapayü kahdoknyülei yiükahen nyupü thibü khih” shei eteihen chongpang.

JOHAN 6:2

Büpai tüngpüthü kü dükpü nyangeihepüthü eeyei khongnyü longpü büpa phei müshi nyuteke.

JOHAN 6:26

Jisui jomphong kü, “Hingmei mü ngei am kü enyeih, ammi nyangeihepü eepü nangkü ngei yemnyu nevai, shejao moh-ei hahhen dangpü nangkü ngei yemnyu khih.

JOHAN 6:30

Hanangkü jomi büpa kü, “Shejema hami veitü nüng kü hinglemhen shingvaishi nüngi hamphong kü mehe nyangeihepü yahphahenang? Nüngi menüng dou düknya?

JOHAN 7:31

Shejao khong kü longshi shingi büpa kü hinglem hatü jomi, “Mechem Messiah peihenshang, hapa shennyaki dükpü mao nyeishi nyangeihepü dou dükkahen” shei etei.

JOHAN 9:16

Pharisee am hanei-i, “Hapa shennyakü Kahvang leipü nevai; mehenangkü büpai Sabbath jiüshi nethemnyu” shei e. Shejao lebüthüi, “Mang shennyak hüki mekei etü hapa keipü yashanyale dou dükaoknüng” shei e. Khongü nyi vaishi hantü nyu.

2 KORINT 3:18

Jen peüi dhe kü ashaki nejümi Shembüpalei müknyinshekhang aina kü kei khangei leihünyeih, hatü Shembüpa, üpa Laangha nyu, büpa leipü peipü aihük müknyinshekhangi nyeinya shaopü müknyinshekhang kü büpa lepü kü jen yeiyahünyeih.

2 KORINT 4:17

Mehenangkü hapa maanpü hatü kansho hük shangpongpü homei ham shing shetei neaokpü nedohnetenpü müknyinshekhang temnyanyüke;

2 KORINT 4:6

Mehenangkü Kahvangi, “Vangnyak kü vangngai khanghütuh” shei e, hatü Jisu Khristalei dhe kü Kahvang müknyinshekhang nyingpü vangngai jen kü shuohhen shingvaishi büpai jenei mongdang kü vangngai khangpeih.

SHAHKÜP 5:24

hatü eteke, “Shembüpa, jenei Kahvangi jen kü büpalei müknyinshekhang hatü nganhilong huphüteke hatü jeni aw kübü büpalei ngeü danteke. Kahvangi shennyak kü shah elangmao hapa shennyak yemmü nyuaokhen khih shei shinnyih jeni nyingteke.”

1 JOHAN 5:13

Am kü yangnyuyem nyüke shei nyinghühen nangkü Kahvang Ha kü hinglempüthü kü ngei hathü dou jung nyangnyeih.