JOHAN 19:4 - DAÜLANGPÜ LAIHING (BSI)

⁴ Shao chem Pilat chingshelei vamei khong kü, “Veituh, büpa nyonghühen mü ngei meheyao nedangang shei am kü nyinghühen shingvaishi ngei büpa am touei ngaikünyeih” shei e.

JOHAN 19:4 Iomraidhean Croise

MATHI 27:19

Mechem büpa shahphenpü uoshingei uoshi nyupa, chenyüha-i büpa kü, “Hapa mang neshiüpü shennyak kü meheyao tedük; mehenangkü shinnyih ngei büpa nangkü mangh hük kü ngei longi shanghahpeih” shei shah shomei e.

MATHI 27:24

Hanangkü mechem Pilati meheyao nedükaokhen khih shei nyingpa, shejao mophicheü pangdainyu khih shei veiaokpa, büpai yung maani yah-ei khong touei lak hüh-ei, “Hapa shennyak dipü mang ngei nekohen; ammi mongpükei dükpü vaite” shei e.

MATHI 27:4

Büpai, “Ngei daülangpü shennyak jühen luhahpai mang thahteke” shei e. Shejao jomphongi, “Hami ha mehe vaihen? Hayü nüng mong khihma” shei e.

MATHI 27:54

Shaang mechem veshan kho hük shak kü mübü hatü büpa mü Jisu yomei nyupüthüi pedi vükpü hatü vampü douthü eepa, jom longi nyem hatü jomi, “Hingmei, büpayü Kahvang Ha vaipü khih” shei etei.

LUK SHAHSHA APPÜ 23:4

Hahepak kü Pilati ngongpathü hatü khongnyü kü, “Hapa shennyak khüei thaüvaühen mü ngei mehe pungpeyao neyep-ang” shei e.

LUK SHAHSHA APPÜ 23:41

Jiyü jiüpü kü ponghahnyeih, mehenangkü jilei doui shangpü dangpeih. Shejao hapa shennyaki meheyao nejiüpü nedük” shei eteke.

LUK SHAHSHA APPÜ 23:47

Mechem veshan kho hük shak kü mübüi mehe vam, ha eepa, büpai Kahvang kü menvih shuoh, hatü “Hingmei, hapa shennyakü daülangpü vaipü khih” shei e.

JOHAN 18:33

Hahepak kü Pilat ongshemei shao shüei Jisu kü nyükei büpa kü, “Nüngü Jehoda amei Ong je?” shei phe.

JOHAN 18:38

“Shahhingü meheang?” shei Pilati phe. Büpai ha epheikü büpai shao Jehoda am touei vamei jomphong kü, “Büpa nyonghühen mü ngei meheyao nedangang.

JOHAN 19:6

Mechem ngongpathü hatü veshanthüi büpa eepa, jomi, “Büpa shophang kü aptuh! Büpa shophang kü aptuh!” shei len. Pilati jom kü, “Am nyingi büpa müei daiyei shophang kü aptuh, ngei büpa nyonghühen mü meheyao nedangang” shei e.

2 KORINT 5:21

Mehenangkü büpa kü jen Kahvang daülangshemshepü leihen shingvaishi jenei men kü büpai mang nenyingpü hük mang leihüteke.

HEBREW 7:26

Mehenangkü jeni daülangpü, eela neshiüpü, nesheihpü, mangthü kübü yanei nyupü, hatü vangshothü shak kü longei aongpü hapa keipü ngongchong anghen jiüpeih.

1 PETER 1:19

shejao kawhikang hatü eela neshiüpü Mi Cheha, Khristalei iy homei angei leipeih.

1 PETER 2:22

“Büpai mang nethah, hatü büpalei ju kübü shahshem hükao nevam.”

1 PETER 3:18

Mehenangkü Khristayao mang nangkü den shing chem mon shangpong; am Kahvang touei müei leihen nangkü daülangpü hük nedaünelangpüthü shingvaishi diteke. Büpa phai kü dihü, shejao laangha kü yem leihü,

1 JOHAN 3:5

Büpayü mang yah-ei lüdainüng shakei vampeih shei ammi nying, hatü büpa kü mang neshiü.