JOHAN 19:11 - DAÜLANGPÜ LAIHING (BSI)

¹¹ Jisui jangei, “Shangphi leipai nüng kü neshuohlangmeyü nüng ngei shak kü wong nenyuhah shepeih; hanangkü üami ngei yepei nüng kü lanei shuohnya, jomi nyeipü mang thahteke” shei e.

JOHAN 19:11 Iomraidhean Croise

1 SHÜPPÜKENGPÜ 29:11

Oh Shembüpa, lupülongpü, ngan, müknyinshekhang, aokpü hatü dhemeilaüma vangsholei hatü kahdoknyülei nyupü kemei nüngei. Oh Shembüpa, ongchingao nüngei, hatü nüngü lemphü shak kü shangjing.

MENVIH KESHO 39:9

Ngei nenmü nyudaihen, ngei ju nekapih; mehenangkü hapa dükpeyü nüng hih.

MENVIH KESHO 62:11

Kahvangi chem ha eteke; ngei ha nyipa dantepih. “Nganhiwongü Kahvangei,

YOUNG LAI 3:37

Shembüpai nedükpheikü üpai mehe etü hapa vamhüaokhen?

DANIEL 4:17

Hapa baong hanpeyü phongshanthü, hatü hapa shahphenü Daülangpü Hüki shuohpeih. Shejüang hangku yem nyunyui Jaipüba Kahvangü hangku ongching peü kü Jeiyong; Büpai büpa jepüthü kü shuohnyeih, hatü peü mü maanpü hangkuthü kü shuohnyüpeih shei nyinghen.”

DANIEL 4:25

Nüngü hangku noknyü khong kübü changtükhen hatü phaüyemthü mü nyuhen; nüngü mohoh kei phenha hahhen hatü chingshongei nyien kü haaishi shihen. Nüngi Jaipüba Kahvangü kahdoknyü hangku ongching kü Jeiyongpa, hatü büpai jepüthü kü hapa ongching shuohnyeih shei nyingei mangpei thahshi vangbong nyet nüng hapakei nyuhen.

DANIEL 4:32

Nüngü hangku noknyü khong kübü changtükhen hatü phaüyemthü mü nyuhen; nüngü mohoh kei phenha hahhen. Nüngi Jaipüba Kahvangü kahdoknyü hangku ongching kü Jeiyongpa, hatü büpai jepüthü kü hapa shuohnyeih shei nüngi nyingei mangpei thahshi bong nyet nüng hapakei nyuhen.”

DANIEL 4:35

Büpai kahdoknyü hangku kemei kü kong kei veinyüke. Büpai vangsho phongshanthü mü hatü kahdoknyü hangkuthü mü büpai mongpü düknyüke. Üpaiyao büpalei lak shonglanghen neaok, nevaijü, “Nüng mehe düknya?” shei phehen neaok.

DANIEL 5:21

Büpa hangku noknyü khong kübü changtük, hatü büpa kü yemhimakei thentoimongdang shuoh; büpa phaü gaduthü mü nyu, hatü mohoh kei phenha hah, hatü büpalei büm vangsho nyien kü haaishi, Jaipüba Kahvangü hangku ongching kü Jeiyong hatü büpai jepüthü kü hapa ongching shuohnyeih shei nyingei mangpei thahshi hapakei nyuhampeih.

MATHI 26:65

Hapa shah kü ngongchongi büpalei ashak shaaktü, “Büpai eelanyüke! Jeni ha mü lenei mehe denpü nahen? Ammiyao shaang büpai eelapü danteke.

MATHI 27:2

Jomi büpa shatü müei deiyei Pilat governor kü shuoh.

MATHI 6:13

Nüngi ham shüveipülei temühü, shejao nemeipü leipü ham yangtuh. Mehenangkü ongching ngan, hatü müknyinshekhang düngei nüng lompü vaituh.” Amen.

MARK 14:44

Shaang luhahbüi jomphong kü, “Ngei üpa kü ju kü jüpkahen hapa shennyak yeptuh, hatü meishi yomei müei daituh” shei etü nyangeihepü huhen etüktü nyu.

LUK SHAHSHA APPÜ 22:53

Mechem ngei nyihjeih am mü phopshemei nyupa, ammi ngei kü lak neshih. Shejao hayü ammi dou dükhen hepak hatü shangmangei wong” shei eteke.

JOHAN 18:13

Shongei jomi hapa bong ngongchong vaipü Kaiaphaslei chenyühalei chepa Anna touei müei dei.

JOHAN 18:3

Hanangkü Judas-i büpa mü ngongpathü hatü Phariseethüi shompü Rom veshanthü hatü phopshem yompü veshanthü awdük, awnya, hatü lahhilaong notü müei pei.

JOHAN 19:10

Hanangkü Pilati büpa kü, “Nüngi ngei kü shah ne-ehen je? Nüng vehen nevaijü nüng shophang kü aphen wong ngei kü nyüpeih shei nüngi nenyingnyu je?” shei e.

JOHAN 3:27

Johani, “Vangsho leipü shuohpü nevaipheikü üpaiyao meheyao nedangaokpih” shei e.

JOHAN 7:30

Hahepak kü jomi büpa yepnüng khe, shejao üpaiyao büpa kü laki neshoungaok; mehenangkü büpalei hepak shao-üng mangngoi-i nyuteke.

JOHAN 9:41

Jisui jomphong kü, “Am mükphüngpü am vailangmeyü am mang nethahhen vaipeih. Shejao shaang ammi, ‘Hami eenyeih’ shei epü nangkü ammei mang nedoh-i nyüke” shei e.

PHONGSHANTHÜ DOU 2:23

Kahvangei küpjan hatü yeihshi nyingei nyupükei hapa shennyak ammei lak kü lanei shuoh, hatü ammi nemeipüthülei lak homei büpa shophang kü apei jütük.

PHONGSHANTHÜ DOU 3:13

Abraham Kahvang, Isak Kahvang, Jakob Kahvang hatü jenei bühipalei Kahvangi büpalei ha Jisu, üpa ammi büpa lanei shuoh, hatü Pilati vetükhen ejao ammi nemong, büpa müknyinshekhanghüpü khih.

PHONGSHANTHÜ DOU 4:28

Nüngei ngan hatü nüngi yeihshi mebü ha vamhühen shei mongei tempü küpjan khüei lemphü dükhen jom thainyüke.

ROM SHAHSHA APPÜ 11:36

Mehenangkü douthü peü büpa leipü hatü büpa homei hatü büpa kü nyüpeih. Büpa kü düngei müknyinshekhang vaituh. Amen.

ROM SHAHSHA APPÜ 13:1

Peüi vanglem lembüthü phangkü shütuh; mehenangkü Kahvang leipü nevaipheikü vanglem lembü neshiü, hatü shaang nyupü vanglem lembüthüyü Kahvangi lingpeih.

JAKOB 1:17

Meipü hatü den ngoipü thintho peü shangphi leipü nejeilepü, nevaijü jeileipai vangnyak nevamhüpü vangsho vangngaithülei Pa leipü peinyeih.

JAKOB 4:17

Hanangkü üpai jiüpü dükhen nyingtü ha nedükhen, mang thahnyüke.