JOHAN 18:1 - DAÜLANGPÜ LAIHING (BSI)

¹ Jisui hathü shah eyei kempheikü büpai büpalei nanglomthü mü Kidron Kahji homei pe hük nyupü shing hükei dai, hatü halei büpa hatü büpalei nanglomthü nyuteke.

JOHAN 18:1 Iomraidhean Croise

KAHBHAO 2:15

Shembüpa Kahvangi hapa shennyak yah-ei halei dou dükhen hatü ha kü junghen Eden pemongei tuh,

KAHBHAO 3:23

Hanangkü Shembüpa Kahvangi büpa meleipü yah-ei ling, hapa kahdok kü ngüh-ei paangei dou dükei hahhen Eden pemong leipü changtük.

2 SAMUEL 15:23

Nanglakthü peü peih-ei daishingkü kahmük kempai wongmü thep; ongpayao Kidron kahji homei dai, hatü nanglakthü kemei yingnyü lemei dai.

1 ONGPATHÜ 15:13

Büpai chebi Maakah ongla hümlungnyü vaipü kübüao katitük; mehenangkü pinnyüi jiühitnalaipü Asherah kahvangei lajei ling; Asa-i lajei mangtük, hatü Kidron Kahjilei aw kü jaktük.

1 ONGPATHÜ 2:37

Nüng haleipü laoei daipü hatü Kidron kahji homei daipü nyih-üng nüng hingmei mahhen shei deihtuh; nüngei iy nüngi kohen” shei e.

2 ONGPATHÜ 23:12

Ahazlei dokpa dung-am adokei Judah ongthüi lingpü moidüthü, hatü Shembüpalei Phopshem chingshelei Manasseh ongpai lingpü moidüthü büpai benei yaktük. Büpai haleipü hathü benei deiyei khih mü nihtüktü Kidron Kahjilei nyüp kei yaktük.

2 ONGPATHÜ 23:4

Hapheikü ongpai Hilkiah ngongchong hatü sheühteipü ngongpathü, hatü Phopshem shaden yompüthü kü Phopshem mongeipü Baal kahvang, Asherah nyüha kahvangthü, hatü lithathü kü khümshingkü noteipü douhinangthü ngaikei shei ngeükhüam shuoh. Büpai hathü Jerusalem haolei Kidron Kahjilei deiyei aw kü jaktük, hatü hapalei depla Bethelei dei.

2 ONGPATHÜ 23:6

Büpai Shembüpalei Phopshem leipü Asherah nyüha kahvangei lajei chingnyü haolei Kidron Kahjilei deiyei aw kü jaktük, hatü hapa depla yah-ei khih mü ngümtü ching mahngchongei haitük.

2 SHÜPPÜKENGPÜ 15:16

Asa ongpai chenyü Maakah-ao Asherah kahvang lajei lingpü nangkü ongpalei nyü shei epü hean kübü nüngtük. Asa-i lajei bentü nihtük, hatü Kidron Kahjilei aw kü jaktük.

2 SHÜPPÜKENGPÜ 29:16

Ngongpathüi phopshem daühen shü. Jomi phopshem mongei dangpü nedaünelangpü dou lemphü yah-ei ngai. Levi ami ha yah-ei Kidron Kahjilei koei dai.

2 SHÜPPÜKENGPÜ 30:14

Jomi Jerusalem leipü moidü hatü ayingshü jakpü moidü peü yah-ei daiyei Kidron Kahjilei yaktük.

NEHEMIAH 2:15

Hanangkü ngei nyak kü kahji lemei aongei bham thümei veiteke. Hapheikü ngei nyokei leiyei Kahji Shaden lem kü shüei lei.

JEREMIAH 31:40

Mahng vüpü hatü nyüphinya yakpü kahji kemei, hatü heongphi Kidron Kahji thahshi kübü kahthü, ha kübü heihdaipü Koyei Peshaden shoukbaong thahshi Shembüpa kü daülangi leihen. Hapa chingnyü sheyü nebhitükhen nevaijü nemangtükhen.

LEVI 2:6

Hapa khih mü nihtuh, hatü ha kü mainga langtuh; hapayü hahying moila nyüke.

MATHI 26:30

Jomphongi kesho hük loktü Olive Kahshangei aong.

MATHI 26:36

Hapheikü Jisui Gethsemane shei epü shing hükei jomphong mü dai, hatü büpai nanglomthü kü, “Ngei antolei phopnüng heihdainyeih; amphong hatouei uoshi chongkei” shei e.

MARK 14:26

Jomphongi kesho hük loktü Olive Kahshangei aongdai.

MARK 14:32

Jomphong Gethsemane shei epü shingei dai, hatü büpai nanglomthü kü, “Ngei phopshingkü hammü uoshi chongkei” shei e.

MARK 14:42

Paotuh, jen daishah. Veituh, ngei luhahpüba hatouei peikünyüke!” shei e.

JOHAN 14:31

Ngei Opa kü bamnyüke shei kahdoknyüi nyinghen shingvaishi ngei Opa-i epü düknyüpeih. Yaongtuh, jen daishah.

JOHAN 18:26

Ngongchongei aa hük, Peteri dhaong lüktükpülei shem am hüki büpa kü, “Ngei nüngao büpa mü pemongei eephei nevaipü je?” shei e.

PHONGSHANTHÜ DOU 21:11

Ham touei peiyei büpai Paulei shüngshep yah-ei büpalei lakhila kü hapa shatü, “Hapa keiha Jerusalemei nyupü Jehoda ami hapa shüngshep shembü yepei shatü Kung amei lak kü shuohtükhen shei Laangha Daülangpai enyüke” shei büpai eteke.