JOHAN 17:9 - DAÜLANGPÜ LAIHING (BSI)

⁹ Ngei jomei men kü phopnyeih; ngei kahdoknyülei men kü nephopnyih, shejao nüngi ngei kü shuohpüthülei men kü phopnyeih; mehenangkü jomphongü nüngei.

JOHAN 17:9 Iomraidhean Croise

LUK SHAHSHA APPÜ 22:32

shejao nüng vaipü kübü nevüdaihen shingvaishi ngei phoptepih, hatü mechem nüng ngei touei lepei leihenshang nüngi jeihinaüthü wong kohhütuh.”

LUK SHAHSHA APPÜ 23:34

Hahepak kü Jisui, “Opa, jom kü mang tükeishuoh; mehenangkü jomi mehe düknya, jomi nenying” shei e. Jomi büpalei ashakviha hanteihen phongyom.

LUK SHAHSHA APPÜ 8:34

Mehe vam, ha mechem ook yompüthüi eepa, jom mokei leiyei ching, hatü kahmük peülei baongteke.

JOHAN 14:16

Ngei Opa kü yühen, hatü büpai am kü lebü Sheühbü hük den kü am mü nyuhen yahphahen.

JOHAN 17:2

Nüngi büpa kü shuohpüthü peü kü yangnyuyem shuohhen shingvaishi nüngi hangkuthü peü shak kü büpa kü wong shuohteke.

JOHAN 17:20

Ngei jomei men kü mon nephopnyih, shejao jomei shah homei ngei kü hinglemhenthü shingvaishiyao phopnyüpeih,

JOHAN 17:6

Kahdoknyü leipü nüngi ngei kü shuohpüthü kü ngei nüngei men nyinghütepih. Jomphongü nüngei, hatü ngei kü nüngi hathü shuoh, hatü jomi nüngei shah bangteke.

JOHAN 6:37

Pa-i ngei kü shuohpüthü peü ngei touei peikahen, hatü üpa ngei touei peinya, ngei mechemao nechangtükhen;

JOHAN 6:39

Büpai ngei kü shuohpü peü meheyao nemahtükhen, hatü dohpü nyih kü yangei leihen hapayü üpai ngei shom, büpai mongpü ha hih.

HEBREW 7:25

Hanangkü büpa homei Kahvang touei peipüthü peü den kü yangei tuhhen aoknyüpeih; mehenangkü büpai den kü jom shing phopnyüke.

HEBREW 9:24

Mehenangkü Khristayü hingshangpü hük nyuh-ei hangkulei laki lingpü Longi Daülangpü Shingei neshü, shejao büpa vangsholei shüpeih; shaang jenei men kü Kahvang touei nyüke.

1 JOHAN 5:19

Jenphongü Kahvangei hapeüthü shei jeni nying, shejao kahdoknyü kemei kahshihlei ngan phangkü nyüke.

SHAKEI VAMPÜ 12:9

Hapa longpü Dragon, aivang mebü biü, üpa kü Shepe nevaijü Satan shei nyük, kahdoknyü kemei luhahpüba– büpa hatü büpalei phongshanthü kemei kahdoknyülei shükei shanshih.

SHAKEI VAMPÜ 13:8

Kahdoknyü kü nyupü peü, üamei men jütükpü Mi Chehalei yangnyu laitap kü kahdoknyü chongpanghinüng men nyangei nenyu, hathüi hapa kü khümhen.

SHAKEI VAMPÜ 20:15

Hapa yangnyu laitap kü men nyangei nenyupüthü hapa aw shemyungei shüktükteke.