JOHAN 17:8 - DAÜLANGPÜ LAIHING (BSI)

⁸ mehenangkü nüngi ngei kü shuohpü shahthü ngei jomphong kü shuohtepih, hatü jomi ha shah yahteke, hatü hingshangi ngeiyü nüng leipü peipü khih shei jomi nyingteke, hatü nüngi ngei shompü khih shei jomi hinglemteke.

JOHAN 17:8 Iomraidhean Croise

KANDOK 1:23

Ngei lohpü kü lihahtuh; Ngelei mongdang leipü shahnying meipü, hatü ngei deihpü kemei ngaiyei am kü ephüshah.

KANDOK 1:3

Kenhingmonghapü yangnyu, jiüpü, shahhing hatü meipü danghen shingvaishi;

KANDOK 2:1

Ngelei hapeü, nüngi ngelei shahthü yahjema, hatü ngelei shahkungthü nüngei mongei jaojema;

KANDOK 4:10

Bangtuh, ngelei hapeü, nüngei yangnyu vangbong longi nyuhen shingvaishi, ngei epü shahthü yahtuh.

KANDOK 8:10

Ngin leimao ngei nyuhpü yahhahtuh; meipü hon leimao ngelei nyingpühingpü yahhahtuh;

MATHI 13:11

Büpai jangei e, “Amphong kü payü vangsho ongching doujo nyinghen shuohteke, shejao jomphong kü payü mangshuohpih.

JOHAN 12:49

Mehenangkü ngei ngei mongpü ne-enyih, shejao ngei shompü Opa-i mehe ehen, mekei ehen ha ngei kü shahkung shuohpeih.

JOHAN 14:10

Ngei Opa kü hatü Opa ngei kü nyüpeih shei nüngi nenyingang je? Ngei nüng kü epü shahthüyü ngelei lompü shah nevai. Shejao hapayü Opa, üpa ngei kü nyu, büpai ha dou düknyüke.

JOHAN 15:15

Ngei hajük kü amphong kü aathü shei nenyüknyih; mehenangkü shembüi mehe düknya, ha aa hüki nenyingnyih; shejao ngei am kü küphüthü shei nyüknyeih; mehenangkü ngei Opa leipü danpü peü ngei am kü nyinghütepih.

JOHAN 16:27

mehenangkü Pa-i laophü nyingi am kü bamnyüke; mehenangkü ammi ngei kü bam, hatü ngeiyü Kahvang leipü pei shei ammi hinglemteke.

JOHAN 16:30

Shaang nüngi peü nyingnyüke shei hami nyingnyüke, hatü üpaiyao meheyao nephehahhünyu; hapai nüngü Kahvang leipü peipü khih shei hami hinglemnyeih” shei e.

JOHAN 17:14

Ngei jomphong kü nüngei shah shuohtepih, hatü kahdoknyüi jom kü jiühitteke; mehenangkü ngei kahdoknyülei nevaipükei jomphongao kahdoknyülei nevai.

JOHAN 17:18

Nüngi ngei kahdoknyülei shompükei ngei jomphong kahdoknyülei shomnyüpeih.

JOHAN 17:21

shejüang jom peü hük vaihen. Opa, nüng ngei kü hatü ngei nüng kü nyupükei jomphongao ji kü nyuhen, shejüang nüngi ngei shompü khih shei kahdoknyüi hinglemhen.

JOHAN 17:23

Ngei jom kü hatü nüng ngei kü nyüke; jomphong hük leiyei mongjemhen, shejüang nüngi ngei shompü khih, hatü nüngi ngei kü bampükei ngei jomphong kü bampü khih shei kahdoknyüi nyinghen.

JOHAN 17:3

Jomi nüng, hingshangpü Kahvang hatü nüngi shompü Jisu Khrista nyinghen hayü yangnyuyem hih.

JOHAN 3:17

Mehenangkü Kahvangi kahdoknyülei laophülei Ha kahdoknyü nyonghühen shingvaishi nevai, shejao büpa homei kahdoknyü yanghen shingvaishi shompeih.

JOHAN 3:33

Üami büpalei shah yah, Kahvangü shahhing shei denpü shuohnyüke.

JOHAN 6:68

Simon Peteri, “Shembüpa, ham üpa touei daijanüng? Nüng kü vanyangyem shahthü nyüke.

JOHAN 8:42

Jisui jomphong kü, “Kahvangü ammei Pa vailangmeyü ammi ngei kü bamhah shepeih; mehenangkü ngei Kahvang leipü peipeih, hatü shaang ngei hatouei nyüpeih. Ngei mongpü kü ngei nepei, shejao büpai ngei shompeih.

1 KORINT 11:23

Mehenangkü mehe ngei SHEMBÜPAleipü dang, ha ngei am kü shuohnyeih: Shembüpa Jisu yuhahpü ya büpai aan hük yah,

1 KORINT 15:1

Jeihinaü hatü nyahinaüthü, ngei am kü baongpü shahjangmei mepa ammi yah, hatü ha kü am yaongshi nyüpa, hapa ngei shao am kü shaang ehünyüke.

SHAHKÜP 18:18

Ngei am shingvaishi jom nanglakthü khong kübü nüng keipü thibü hük shomhen; ngei büpalei ju kü ngelei shah shihshuohhen, hatü ngei epü kemei büpai jom kü eshuohhen.

1 THESALONIKA 2:13

Mechem hami venpü danei ammi Kahvangei shah yahpa, ammi hayü shennyakei shah kei nevai, shejao mepa am vaipüthü kü dou düknya, hingshangpü Kahvangei shah shei ammi ha yahpeih.

1 THESALONIKA 4:1

Dohpülei jeihinaü hatü nyahinaüthü, mekei Kahvang mong hahhühen mü nyuhen, ha hami am kü nyuhphei, hakei-üng am nyunyüke. Shaang hami Shembüpa Jisu kü hapakei nyeinya nyeinya nyuhen hami am kü phenyeih hatü kangnyeih.

1 JOHAN 4:14

Pa-i laophülei Ha kahdoknyü Yemleipüba vaihen shom shei jeni eeteke hatü hapa denpü shuohnyeih.

SHAKEI VAMPÜ 1:1

Jisu Khrista shakei vampü mepa Kahvangi büpa kü büpalei chongphobüthü kü mehe lomi vamhen, ha huhen shingvaishi shuohteke. Büpai hayü büpalei chongphobü Johan touei vangsho phongshan shomei shuoh,