JOHAN 17:24 - DAÜLANGPÜ LAIHING (BSI)

²⁴ Opa, nüngi ngei kü shuohpüthü ngei melei nyu, halei jomao nyuhen, hatü nüngi ngei kü shuohpü ngelei müknyinshekhang jomi eehen ngei nanyüpeih; mehenangkü nüngi ngei kü kahdoknyü chongnyiam lingshekü ngei kü bampeih.

JOHAN 17:24 Iomraidhean Croise

KAHBHAO 45:13

Opa kü ngei mekei Ijiplei wong dangei hatü dhüm kohshi nyunya, hatü amphongi eepü peü opa kü eyeishuoh, hatü lomi opa müei hatouei yiükei” shei e.

MATHI 25:21

Büpalei shembüi büpa kü, “Meiteke, meipü hatü monglemaokpü chongphobü; nüngi maanpü dou kü monglemaokshi nyuteke, ngei nüngü dou longi kü shembü vaihühen; nüngei shembü mongongpü touei shütuh” shei e.

MATHI 25:23

Büpalei shembüi büpa kü, “Meiteke, meipü hatü monglemaokpü chongphobü; nüngi maanpü dou kü monglemaokshi nyuteke, ngei nüngü dou longi kü shembü vaihühen; nüngei shembü mongongpü touei shütuh” shei e.

MATHI 25:34

Hahepak kü ongpai büpalei lakdah philei nyupüthü kü, “Peikei, amphong Opai moihimanpüthü, kahdoknyü chongnyiam lingshingkü am shing tempü ongching mükjüp yahtuh;

MATHI 26:29

Ngei am kü enyeih, Opalei ongching kü amphong mü nyalingngupai yiü ja yinghen nyih mangngoi thahshi ngei amphong mü hapa nyalingngupai yiü nenyinghen.”

LUK SHAHSHA APPÜ 12:37

Shembü nyokei leishingkü mükpaonathaei nyupü chongphobüthü moihiman; hingmei ngei am kü enyeih, büpai laophülei shüngshep wonghen, hatü jomphong ühyinghen uohühen, hatü büpai jomphong kü nemnoshuohhen.

LUK SHAHSHA APPÜ 23:43

Jisui büpa kü, “Ngei nüng kü shahhing enyeih, shinnyih nüng ngei mü paradiselei nyuhen” shei e.

JOHAN 1:14

Hapa Shah phai lei hatü jen mü nyu, hatü jeni büpalei müknyinshekhang, Pa leipü Halomei müknyinshekhang keiha phahji hatü shahhingi maei eeteke.

JOHAN 12:26

Üami ngei chongphonya, ngei phei mütuh, hatü ngei melei nyu, halei ngelei chongphobüthü nyuhen. Üami ngei chongphonya, Opai-i dhüm huhen” shei e.

JOHAN 14:3

Ngei daiyei am shing shing hük tempheikü ngei nyipabü yiüei ngei mü nyuhen shingvaishi ngei am yahhen, hatü ngei melei nyu, halei amphongao nyuhen.

JOHAN 15:9

Opa-i ngei kü bampü keiha ngeiyao amphong kü bamnyeih; ngei kü nyutuh.

JOHAN 17:2

Nüngi büpa kü shuohpüthü peü kü yangnyuyem shuohhen shingvaishi nüngi hangkuthü peü shak kü büpa kü wong shuohteke.

JOHAN 17:22

Nüngi ngei kü shuohpü müknyinshekhang ngei jomphong kü shuohtepih, shejüang ji hük vaipükei jomphongao hük leihen.

JOHAN 17:5

Hanangkü shaang, Opa, kahdoknyü lingshekü nüng touei ngei kü nyupü müknyinshekhangi nüng touei ngei müknyinshekhanghütuh.”

JOHAN 6:37

Pa-i ngei kü shuohpüthü peü ngei touei peikahen, hatü üpa ngei touei peinya, ngei mechemao nechangtükhen;

JOHAN 6:39

Büpai ngei kü shuohpü peü meheyao nemahtükhen, hatü dohpü nyih kü yangei leihen hapayü üpai ngei shom, büpai mongpü ha hih.

JOHAN 8:58

Jisui jomphong kü, “Hingmei ngei am kü enyeih, Abraham shekü ngei nyuhampeih” shei e.

1 KORINT 13:12

Mehenangkü jeni shaangü aina kü kei neleki pumshi eenyüke, shejao hapheikü jeni dhe dhe gongei eehen. Shaang ngei hanei mon nyingnyeih, shejao Kahvangi ngei meishi nyingpükei ngei pheilei peü lomei nyinghen.

2 KORINT 3:18

Jen peüi dhe kü ashaki nejümi Shembüpalei müknyinshekhang aina kü kei khangei leihünyeih, hatü Shembüpa, üpa Laangha nyu, büpa leipü peipü aihük müknyinshekhangi nyeinya shaopü müknyinshekhang kü büpa lepü kü jen yeiyahünyeih.

2 KORINT 4:6

Mehenangkü Kahvangi, “Vangnyak kü vangngai khanghütuh” shei e, hatü Jisu Khristalei dhe kü Kahvang müknyinshekhang nyingpü vangngai jen kü shuohhen shingvaishi büpai jenei mongdang kü vangngai khangpeih.

2 KORINT 5:8

Hih, ham monglempü nyüpeih, hatü hapa büm kübü yanei daiyei Shembüpa mü shemei nyuhenang lümei deihnyüke.

PHILIPPI 1:23

Ngei ha nyi aa kü thamapü kü nyüpeih. Ngei diyei Khrista mü nyudaihen ha-üng nyeinya meipü khih;

1 THESALONIKA 4:17

Hapheikü, jen üam yemmü nyu jom mü chemi phum kü Shembüpa mü pongnüng phumshangei yah-ei anlanghen. Hapa keiha jen Shembüpa mü den kü nyuhen.

1 PETER 1:21

Üpai büpa dipü kübü yangei leishih, hatü büpa müknyinshekhanghü, büpa homei ammi Kahvang kü hinglempeih, hanangkü ammi hinglempü hatü monglempü Kahvang kü nyüpeih.

1 JOHAN 3:2

Bampü küphüthü, shaang jenphongü Kahvangei hapeüthü nyüke; hatü jen mehe vaihen shao-üng shakei mangvam. Jeni nyingpeyü ha khih: mechem büpa shakei vamhenshang, jenphongü büpa kei nyuhen; mehenangkü büpa mekei nyu, hapakei jeni büpa eehen.

SHAKEI VAMPÜ 21:22

Ngei hapa chingnyülei phopshem ne-ee; mehenangkü hapalei phopshemü Jeiyong Shembüpa Kahvang hatü Mi Cheha nyu,

SHAKEI VAMPÜ 3:21

Üpai vehok neünya, ngei vehok neütü Opa mü büpalei ong uoshing kü uopükei büpaao ngei mü ngelei ong uoshing kü uohen shing shuohhen.