JOHAN 17:15 - DAÜLANGPÜ LAIHING (BSI)

¹⁵ Jom kahdoknyü leipü yahlanghen nangkü ngei nephopnyih, shejao nemeipü kübü jom yanglanghen shingvaishi phopnyeih.

JOHAN 17:15 Iomraidhean Croise

KAHBHAO 48:16

ngei vongshüh peü kübü yangpü vangsho phongshani hapa naü nyi kü moihimantuh; Ngelei men hatü ngelei bühipa Abraham, Isakei men ha naü nyi homei nyuhütuh, hatü kahdoknyü kü hühihathü longi dahütuh.”

1 SHÜPPÜKENGPÜ 4:10

Jabez-i Israel Kahvang kü, “Oh Kahvang, nüngi ngei kü moihimanshih hatü ngelei kahmük viong dahüshih! Nüngei laklu wong longpü ngei mü chongkei hatü ngei shanghah vongshüh peü kübü nüngi yangshih!” shei phop, hatü büpai mehe yiü, ha Kahvangi büpa kü shuoh.

MENVIH KESHO 121:7

Shembüpai ten peü kübü nüng yomei tuhhen; büpai nüngei yangnyu yanghen.

MENVIH KESHO 30:9

Ngei didaijü hatü ngei kahshalei shüdaijü mehe nanglei nyüpa? kübhih-i nüng vihhen je? Nüng meipü jung hapai ehen je?

CHONGVENBÜ 9:10

Nüngei laki dükaokhen mü mehe mehe heühenshang wong kohshi kemei düktuh; mehenangkü nüng vühen mahngchongei dou dükhen nevaijü deihhen, nevaijü nyingpühingpü nevaijü kihikon meheyao neshiü.

ISAIAH 57:1

Daülangpüthü mahjü üpaiyao mong kü nyah-ei nedeihnyu; hinglempüthü dijü üpaiyao ha nenyingnyu. Mehenangkü daülangpüthüyü shanghah vongshüh kübü yanglangnyüke,

MATHI 5:37

Nüngei shah-ü, “Hih, shejü hih” nevaijü, “Nevai, shejü nevai” shei etuh. Ha mü lendaipü peü mang kübü vamnyüke.

MATHI 6:13

Nüngi ham shüveipülei temühü, shejao nemeipü leipü ham yangtuh. Mehenangkü ongching ngan, hatü müknyinshekhang düngei nüng lompü vaituh.” Amen.

LUK SHAHSHA APPÜ 11:4

Ham khüei mang thahpüthü kü hami mang tükshuohpükei hamei mang tükshihma, hatü dokpülei ham temühü.”

LUK SHAHSHA APPÜ 22:32

shejao nüng vaipü kübü nevüdaihen shingvaishi ngei phoptepih, hatü mechem nüng ngei touei lepei leihenshang nüngi jeihinaüthü wong kohhütuh.”

GALATIA 1:4

Hapa nemeipü denhivan kübü jen bümei leihühen tata kü jenei Pa Kahvangi mongpükei jenei mang shingvaishi Khristai laophülei yangnyu shuohpeih.

2 THESALONIKA 3:3

Shejao Shembüpayü hingshangpü, hatü büpai am wong kohhühen, hatü ten kübü yangphahen.

2 TIMOTI 4:8

Shaang mü leitü ngei shingvaishi daülangshemshepü ong athen hük shahhing shahphenpü Shembüpai hapa nyih ngei kü shuohhen temei nyüke, hatü hayü ngei kü mon nevai, shejao büpa yiükahen ongyangei danpüthü peü kü shuohhen.

1 JOHAN 5:18

Kahvangi bühpüthü mang thah-ei nenyunyih shei jeni nyingnyüke, shejao Kahvangi bühpü shennyak yangei tuhnyeih hatü kahshih-i büpa kü lak nehingnyih.

1 JOHAN 5:19

Jenphongü Kahvangei hapeüthü shei jeni nying, shejao kahdoknyü kemei kahshihlei ngan phangkü nyüke.