JOHAN 17:11 - DAÜLANGPÜ LAIHING (BSI)

¹¹ Shaang ngei hajük kü kahdoknyülei nenyuhen, shejao jomphong payü kahdoknyülei nyüke, hatü ngei nüng touei peikünyeih. Daülangpü Opa, nüngi ngei kü shuohpüthü nüngei men kü yangei tuhtuh, shejüang ji hük vaipükei jomphongao hük leihen.

JOHAN 17:11 Iomraidhean Croise

MENVIH KESHO 79:9

Sheühshih, Oh ham yemleipü Kahvang, nüngei men müknyinshekhangpü men kü nüngi ham yangshih, hatü mang tükshih.

KANDOK 18:10

Shembüpalei menü wong kohpü shangdü; daülangpüthü halei mokei shünyeih hatü yangdainyeih.

ISAIAH 27:3

Ngei, Shembüpai hapa yomnyüpeih; ngei hapa kü nedoh-i yung ünyeih. Üpaiyao hapa nemangtükhen shingvaishi ngei nyihjeih yajeih hapa yomnyüpeih.

ISAIAH 64:2

Pü kü aw bah-ei yungdük laukpükei, nüngei men vepathü kü nyinghühen, hatü nüng touei jatthü kheühühen shingvaishi nüng yiükei!

JEREMIAH 14:21

Nüngei men kü ham tengümtük; Nüngei müknyinshekhang ong uoshing dhüm neshiüi teleitük; Ham mü nüngi vangteipü deih-ei dangtuh, hatü ha temangtük.

JEREMIAH 14:7

Hamei mangi ham kü denpü shuohlangmao, Oh Shembüpa, nüngei men kü lemhük dükshih. Mehenangkü hamei mang ahshi longshi, hami nüng khüei mang thahteke.

EZEKIEL 20:22

Shejao ngei ngelei lak shounglangpeih, hatü ngelei men kü, hatü jatthüi eeshi ngelei men netenhen, hatü jomi eeshi ngei jom müei leilangpü nangkü ngei ha nedükpeih.

EZEKIEL 20:44

Ngei ngelei men kü mechem am mü ammei mang shangshi nevai, nevaijü nemeipü douthü aimü nevai-i ngei ha dükhenshang, Oh Israel am phang, ammi ngeiyü Shembüpa Kahvang khih shei nyinghen shei Shembüpa Kahvangi enyüke.

EZEKIEL 20:9

Shejao ngei ngelei men kü, jom mü nyupü jatthüi eeshi ngelei men netenhühen, hatü jomi eeshi ngei jomphong Ijip leipü müei leihen shei nyinghütükpü nangkü ngei ha nedükpeih.

MATHI 10:16

Veituh, ngei amphongü shuw chi kü mi keiha shomnyeih; hanangkü biü keiha nahshi nyutuh, hatü athuba keiha lapja-i nyutuh.

MATHI 5:48

Vangsho leipü Pa keiha amphong changpüshapü leituh.

MATHI 6:9

Amphongi hapakei phoptuh: “Vangsholei nyupü hamei Opa, nüngei men daülangpü vaituh.

JOHAN 13:1

Shaang Hompü Mo shekü hapa kahdoknyü kübü yanei Pa touei daihen hepak ngoiteke shei Jisui nying. Kahdoknyülei nyupü büpalei nanglakthü kü bampü nangkü büpai jom kü meshük thahshi bamnya, ha huteke.

JOHAN 13:3

chepai büpalei lak kü lemphü shuohteke, hatü büpa Kahvang leipü pei, hatü Kahvang touei daihen shei Jisui nyingei,

JOHAN 14:20

Hapa nyih kü ngei Opa kü nyüke, amphong ngei kü nyüke hatü ngei am kü nyüke shei nyinghen.

JOHAN 16:28

Ngei Opa leipü pei, hatü kahdoknyülei yiü; shao ngei kahdoknyü tuhphongtü Opa touei lüdainyeih.

JOHAN 16:33

Ngei kü am chingmei nyuhen shingvaishi ngei hathü am kü etepih. Kahdoknyülei am shüveipü ponghen, shejao monglongtuh; mehenangkü ngei kahdoknyü aoktepih.”

JOHAN 17:23

Ngei jom kü hatü nüng ngei kü nyüke; jomphong hük leiyei mongjemhen, shejüang nüngi ngei shompü khih, hatü nüngi ngei kü bampükei ngei jomphong kü bampü khih shei kahdoknyüi nyinghen.

JOHAN 17:25

Daülangpü Opa, kahdoknyüi nüng nenyingnyu, shejao ngei nüng nyingnyüpeih, hatü nüngi ngei shompü khih shei hathüi nyingnyüke.

JOHAN 17:6

Kahdoknyü leipü nüngi ngei kü shuohpüthü kü ngei nüngei men nyinghütepih. Jomphongü nüngei, hatü ngei kü nüngi hathü shuoh, hatü jomi nüngei shah bangteke.

JOHAN 7:33

Jisui hahepak kü, “Ngei amphong mü hepak kanja mon nyutü üpai ngei shom, büpa touei ngei lüdaihen.

PHONGSHANTHÜ DOU 3:21

Kahvangi laophülei daülangpü thibüthü homei yeihshi mebü lahpükei Kahvangi lemphüli ja linghen hepak mangngoi thahshi büpa vangsholei nyuhen.

ROM SHAHSHA APPÜ 12:5

hapa keiha jen longi nyujao Khrista kü büm hük, hatü lomja ieyei jen peü hüki hük mü heanlem nyüke.

ROM SHAHSHA APPÜ 9:17

Mehenangkü Laihingi Pharaoh kü hei eteke: “Ngelei men kahdoknyü peülei baonghen nangkü nüng kü ngelei ngan huhühen mükhong kü ngei nüng longei anshihpeih.”

1 KORINT 1:10

Jeihinaü hatü nyahinaüthü, shaang am peü mongjemei am khongkü hanteipü neshiüi, shejao mong hük, mükhong hük kü mongjemei nyukütuh shei jenei Shembüpa Jisu Khristalei men kü ngei am kü khümnyeih.

GALATIA 3:28

Sheyü hajük kü Jehoda am nevaijü Greek am, aa nevaijü bümei, nyüha nevaijü baha baong hanpü meheyao neshiü; mehenangkü am peü Khrista kü hük khan.

EPHESIA 4:4

Am nyükpü monglem hük kü nyükpü keiha büm hük hatü Laangha hük,

PHILIPPI 2:9

Hanangkü Kahvangi büpa shaopülei longei anshih, hatü men peü shak kü büpa kü men shuoh.

HEBREW 1:3

Büpayü Kahvang müknyinshekhang khanghüpü hatü Kahvang mekei nyu, büpa meimei anpü, hatü douthü peü büpalei ngan shah-i shümei tuhnyeih. Büpai mangthü daühüpheikü büpa vangsholei Jeiyongpalei lakdah philei uoteke;

HEBREW 9:24

Mehenangkü Khristayü hingshangpü hük nyuh-ei hangkulei laki lingpü Longi Daülangpü Shingei neshü, shejao büpa vangsholei shüpeih; shaang jenei men kü Kahvang touei nyüke.

JAKOB 4:4

Mükbongjuyungpüthü! Kahdoknyü mü mongjem pongpeyü Kahvang mü vepa shei ammi nenyingnyu je? Hanangkü üami kahdoknyülei küphü vaihünya Kahvangei vepa leidainyeih.

1 PETER 1:5

hayü dohpü hepak kü hinglempü homei Kahvangei ngani yangpüthü touei shakei vamhen temtükpü yemleipü nyüke.

1 JOHAN 3:12

Jenphongü laophülei naüpeü jütükpü kahshih leipü Kain kei nevaihen khih. Mehekei büpai chenaü jüpa? Mehenangkü büpai dükpü dou nejiü, shejao chenaüi dükpü dou jiüshi nyuteke.

1 JOHAN 5:19

Jenphongü Kahvangei hapeüthü shei jeni nying, shejao kahdoknyü kemei kahshihlei ngan phangkü nyüke.

JUD SHAHSHA APPÜ 1:1

Jud, Jisu Khristalei chongphobü hatü Jakobei chenaü, Nyüklangpüthü, hatü Pa Kahvangi bampüthü hatü Jisu Khristai yangei tuhpüthü touei,

JUD SHAHSHA APPÜ 1:24

Shaang büpa, üpai nüng dohen kübü yangei tuh-aok, hatü büpalei müknyinshekhang mü mongongpü touei nüng kawhikang neshiüi yaonghüaok,

SHAKEI VAMPÜ 15:4

Shembüpa, üpai nenyemhen, hatü nüngei men kü müknyinshekhang neshuohhen? Mehenangkü nüng monha daülangpü. Jatthü peü peiyei nüng kü khümhen, mehenangkü nüngei shahphenpü shakei vamteke.”

SHAKEI VAMPÜ 19:12

Büpalei mükü awlom keiha hatü büpalei shangjing kü ong athen longi nyüke. Büpa mü lenei üpaiyao nenyingi büpalei men hük nyangtüktü nyüke.

SHAKEI VAMPÜ 4:8

Yemmü nyupü yemhathü ieyei kü yang vok baong kohtü mük mon shinei hatü mongeiyao kohshi nyuteke. Nyakhingai thüngei hathüi nedoh-i hapakei lokteke: “Daülangpü, daülangpü, daüpangpü, Jeiyong Shembüpa Kahvang, Üpa nyu, üpa nyüpa hatü üpa peikahen nyu.”