JOHAN 16:27 - DAÜLANGPÜ LAIHING (BSI)

²⁷ mehenangkü Pa-i laophü nyingi am kü bamnyüke; mehenangkü ammi ngei kü bam, hatü ngeiyü Kahvang leipü pei shei ammi hinglemteke.

JOHAN 16:27 Iomraidhean Croise

ZEPHANIAH 3:17

Shembüpa, ammei Kahvang amphong mü nyüke, büpa kü am yanghen wong nyüke. Büpai am kü mongongpü longpü nyuhen, Büpa bampü kü büpaiam kü yangnyu ja lingphahen, Büpai am shak kü mongong longpai mohitap kü kei kesho lokhen.

MATHI 10:37

Üami ngei mü nyeishi laophülei nyühipa kü bamhenshang, büpa ngelei nanglak vaihen nechang; hatü üami ngei mü nyeishi laophülei hapeüthü kü bamhenshang, büpa ngelei nanglak vaihen nechang,

JOHAN 14:21

Üam kü ngelei shahkungthü nyu hatü hathü düknya, hathüyü ngei kü bampüthü, hatü üami ngei kü bamnya, hathü kü Opai bamhen, hatü ngei jom kü bamhen hatü ngei jom kü shakei vamhen.

JOHAN 14:23

Jisui büpa kü, “Üami ngei kü bamnya, hathüi ngelei shahthü banghen, hatü Opa-i hathü kü bamhen, hatü ham jom touei peiyei jom mü chemi shemong hük leiyei nyuhen.

JOHAN 16:30

Shaang nüngi peü nyingnyüke shei hami nyingnyüke, hatü üpaiyao meheyao nephehahhünyu; hapai nüngü Kahvang leipü peipü khih shei hami hinglemnyeih” shei e.

JOHAN 17:23

Ngei jom kü hatü nüng ngei kü nyüke; jomphong hük leiyei mongjemhen, shejüang nüngi ngei shompü khih, hatü nüngi ngei kü bampükei ngei jomphong kü bampü khih shei kahdoknyüi nyinghen.

JOHAN 2:11

Jisui hayü Galil kahdok Kana chingei shongpü yashanpü dou dükei pangpü nyuteke. Hapakei büpalei müknyinshekhang shakei vam, hatü büpalei nanglomthüi büpa kü hinglem.

JOHAN 3:13

Vangsho leipü yiüpü Shennyak Ha mü lenei üpaiyao vangsholei ne-aong.

JOHAN 7:29

Ngei büpa nying; mehenangkü ngeiyü büpa leipü, hatü büpai ngei shompeih” shei e.

JOHAN 8:42

Jisui jomphong kü, “Kahvangü ammei Pa vailangmeyü ammi ngei kü bamhah shepeih; mehenangkü ngei Kahvang leipü peipeih, hatü shaang ngei hatouei nyüpeih. Ngei mongpü kü ngei nepei, shejao büpai ngei shompeih.

ROM SHAHSHA APPÜ 8:3

Mehenangkü phai-i wong nekohhüpü nangkü mepa shahkungnyüi nedükaok, ha Kahvangi laophülei Ha mang phai keiha leihütü mang mahtükhen shompai phai kü büpai mang nyonghüteke.

1 KORINT 15:47

Shongpü shennyakü kahdok leipü, kahdok shennyak hük; nyipabü shennyakü vangsho leipü.

1 KORINT 16:22

Shembüpa kü nebampü shennyakü thaüvaütüktuh. Maranatha– Oh hamei Shembüpa, yiükei!

2 KORINT 5:14

Khrista bampai jen kü vanglem lemnyüke; mehenangkü peü shing shennyak hük di shei hami nyingteke; hanangkü peü diteke.

GALATIA 4:4

Shejao mechem jiüpü hepak lomei peipa, Kahvangi shahkungnyü phangkü nyüha hüki bühhüei laophülei Ha shom.

EPHESIA 6:24

Jenei Shembüpa Jisu Khrista shingvaishi mechemao nemahnemenpü bampü nyupüthü peü kü phahji nyute.

1 TIMOTI 1:15

Hapayü dhao mü yah-aokbenüng hingshangpü shah: Khrista Jisu-ü mangthü yangnüng kahdoknyülei yiü, ha khongkü ngei peü mü nemeipüba.

HEBREW 12:6

mehenangkü Shembüpai büpai bampüthü kü yeanpü shuohnyeih, hatü hapeü shei büpai yahpüthü kü hanghi shuohnyeih.”

1 PETER 1:8

Ammi büpa ne-eejao büpa kü bamnyüke, hatü ammi shaang büpa ne-eejao, ammi büpa kü hinglemnyüke hatü eyei neaokpü hatü müknyinshekhang mongongi am mongongnyüke;

1 JOHAN 4:19

Büpai shongei jen kü bampü nangkü jeni büpa kü bamnyeih.

SHAKEI VAMPÜ 3:19

Üam kü ngei bam, hathü kü loknyeih hatü hanghi shuohnyeih. Hanangkü am maanpü leituh hatü mong leptuh.

SHAKEI VAMPÜ 3:9

Ngei, Satanei Sinagog, üami Jehoda am hih shei enya, shejao nevai, hatü shahshem epüthü nyüpa, ngei jomphong deiyei ammei la tüngei aümei khümhühen, shejüang ngei am kü bamnyu khih shei jomi nyinghen.