JOHAN 16:22 - DAÜLANGPÜ LAIHING (BSI)

²² Hanangkü shaang am tüngnyüke, shejao shao ngei am eehen, hatü am mongonghen, hatü am leipü ammei mongong üpaiyao neyahlanghen.

JOHAN 16:22 Iomraidhean Croise

JOB SHAHSHA APPÜ 34:29

Büpa nenmü nyudaijoong üpai büpa nyonghüaokhen? Büpalei dhe jodaijoong üpai büpa eeaokhen? Jat hük vaijao, lomja vaijao aihük mon.

MENVIH KESHO 146:2

Ngei nyu-aa thahshi ngei Shembüpa vihhen; ngelei yangnyu den kemei ngei ngelei Kahvang menvih kesho lokhen.

MENVIH KESHO 33:21

Büpa kü ham mongongnyeih, mehenangkü hami büpalei daülangpü men kü hinglemnyeih.

ISAIAH 25:9

Hapa nyih kü jomi, “Hingmei büpayü jenei Kahvang, jeni büpa kü hinglem, hanangkü büpai jen yangteke. Büpayü jeni hinglempü Shembüpa; jen mongongshah, hatü büpalei yemleipü kü jen mongmeishah” shei ehen.

JEREMIAH 31:12

Jom peiyei Zion Kahshang shaopülei mongongpai lenhen; Shembüpai hah, yiüja, mainga, mi hatü mohoh chehathü changshi shuohpü nangkü jom mongonghen. Jomphongü yung meishi üpü pemong kei nyuhen, hatü jom hajük kü mongnemanghen.

MATHI 28:8

Hanangkü jijinyi-i nyempü hatü mongong longpü mü shülangi mahngchong tuhtü lei, hatü büpalei nanglomthü kü ehen mokteke.

LUK SHAHSHA APPÜ 10:42

shejao dou hük mon nanyüke. Mary-i meipüba hean jehahteke, hatü ha pinnyü leipü neyahlanghen.”

LUK SHAHSHA APPÜ 16:25

Shejao Abrahami e, “Hapeü, nüng yemmü nyushingkü nüngi nüngei heanmei dangpü deihtuh, hatü Lazari nemeipü hean dangpeih. Shejao shaang büpa nyiushemmei kü nyüke, hatü nüngü hanghi kü nyüke,

LUK SHAHSHA APPÜ 19:26

Büpai jangei, “Ngei am kü enyeih, üam ang, jom kü nyeishi shuohhen, shejao üpalei meheyao ne-ang, büpalei mehe nyu, hayao yahlanghen.

LUK SHAHSHA APPÜ 24:41

Jomphong mongongpü hatü yashanpai hingnelemaoki nyu, hanangkü büpai jomphong kü, “Hatouei hahhen meheyao nyüla?” shei e.

JOHAN 14:1

Amphong mongteshang. Kahvang kü hinglemtuh, hatü ngei kao hinglemtuh.

JOHAN 14:19

Kansho hük pheikü kahdoknyüi ngei ne-eehen, shejao ammi ngei eehen; mehenangkü ngei yemmü nyupü nangkü amao yemmü nyuhen.

JOHAN 14:27

Ngei am mü chingmei tuhphünyeih; ngelei chingmei ngei am kü shuohnyeih. Kahdoknyüi shuohpükei ngei am kü neshuohnyih. Ammei mong teshanghü nevaijü tenyemhü.

JOHAN 16:16

“Kansho hük pheikü sheyü ammi ngei ne-eehen, hatü kansho hük pheikü ammi ngei eehen.”

JOHAN 16:20

Hingmei ngei am kü enyeih, amphong thepeiyounghen, shejao kahdoknyüi mongonghen; am tüngpüyapü eehen shejao ha mongongpü leidaihen.

JOHAN 16:6

Shejao ngei hathü epü nangkü amphong mongmangi madaiteke.

JOHAN 21:7

Jisui bampü nanglomi Peter kü, “Hapayü Shembüpa khih!” shei e. Mechem Simon Peteri, “Hapayü Shembüpa khih” shei epü danpa, büpai ashak hanei ngeihtü yungei laongdai; mehenangkü büpa bümkong nyuteke.

JOHAN 4:14

shejao üami ngei shuohpü yung yinghenshang mechemao yung nelehen. Ngei shuohpü yungü jom kü yunglok leiyei vanyangyem touei bhaoei vamhen” shei e.

PHONGSHANTHÜ DOU 13:52

Nanglakthü mongongpai hatü Laangha Daülangpai mateke.

PHONGSHANTHÜ DOU 16:25

Nyak jiam kü Paul hi Silas nyi Kahvang kü phopei hatü kesho lokei nyu, hatü khoklatei küppüthüi jiji kü bangei nyu.

PHONGSHANTHÜ DOU 2:46

Nyihjeih jomi phopshemei chemi hepak longi tük; jomi shem shem kü aan bhaokei mongongpai hatü mong dhaopai,

PHONGSHANTHÜ DOU 5:41

Jomphong shahtap leipü vamei daishingkü jom mongong; mehenangkü hapa men nangkü ne-ienelem ponghahhen shangpeih shei deih.

2 KORINT 6:10

mongmangnyu kei shejao düngei mongong kü, taopathü kei, shejao longi shemmei kei, meheyao ne-angnyu kei shejao lemphü angpükei nyunyeih.

2 THESALONIKA 2:16

Shaang jenei Shembüpa Jisu Khrista hatü jenei Pa Kahvang, üpai jen kü bam, hatü büpalei phahji homei jen kü nedohnetenpü nyiumei, hatü monglemhen meipü shuohpa,

HEBREW 10:34

Ammi khoklatei nyupüthü kü bampü hu, hatü ammei douhinang aetlangjao mongongshi nyupeih; mehenangkü meipüba hatü den den mop nyüpeih shei am nyingi nyingteke.

HEBREW 6:18

Mechemao nejeileaokpü doulem nyi nyüke. Mechem Kahvangi lemhük ehen, büpai shahshem ne-enyih, hatü mechem büpai lahhen shahshemi nelahnyih. Hanangkü jen üami büpa touei dhümloi dang, jen touei temei nyupü monglem kü wongshongi shonghen shingvaishi hapai jen kü wong hatü nyiushemmei shuohnyeih.

1 PETER 1:8

Ammi büpa ne-eejao büpa kü bamnyüke, hatü ammi shaang büpa ne-eejao, ammi büpa kü hinglemnyüke hatü eyei neaokpü hatü müknyinshekhang mongongi am mongongnyüke;