JOHAN 16:21 - DAÜLANGPÜ LAIHING (BSI)

²¹ Mechem nyüha hük hapeü angnya longi tüngnyüpeih, mehenangkü pinnyülei hepak ngoiteke. Shejao mechem hapeü angtükhen, pinnyüi kahdoknyü kü hangku hük angtükpü nangkü pinnyüi tüngei ponghahpü deih-ei nedangnyih.

JOHAN 16:21 Iomraidhean Croise

KAHBHAO 3:16

Büpai nyühanyü kü: “Nüng hapeü koshingkü ngei nüng kü hanghi nyeinya nyeihühen; tüngpai nüngi hapeü bühhen. Shejao nüngei ampaha kü lümpü nedoh-i nyuhen, hatü büpai nüng shak kü vanglem lemhen” shei e.

JOB SHAHSHA APPÜ 11:16

Mehenangkü nüng shangpongpü bedaihen, hatü yungnyü büng peihdaipü keiha deihkahen.

MENVIH KESHO 113:9

Büpai nyülan kao hapeüthüi mongongpü nyü leiyei nyuhen bükhishem shuohnyeih. Shembüpa men longtuh.

ISAIAH 13:8

Nyempai jomphong yeplanghen, thenshang mongtüngpai jom shümlanghen; nyühai moi paishingkü kei jom mongshanghen. Jom hüki hük mü nyemei veiteihen, veüpai dheyao awlom kei hakdaihen.

ISAIAH 21:3

Mehe ngei manghkhang kü ee, hatü dan, hapai ngei nyempai hatü tüngpai mahü, nyühai hapeü anghen tüngpükei tüngteke.

ISAIAH 66:7

Pinnyüi aokvom tüngshekü hapeü angnyüke; pinnyü kü tüngpü peishekü yeshang bühnyüke.

MIKA 4:10

Oh Zion nela, nyü hüki moi paishingkü tüngpü kü kei lepeilükei theptuh; Mehenangkü shaang nüng chingnyü tuhtü koshoya kü tapshaü shaüei nyunüng daihen. Nüng Babylonei daihen, halei Shembüpai nüng yangei tuhhen. Halei Shembüpai vepalei lak kübü nüng anglanghen.

MIKA 4:9

Mehekei nüng shaang wong mü lenei thepnya? Nüngei ong neshiüpü je? Hanangkü nyüi moi paishingkü tüngpükei tüngangke je?

GALATIA 4:27

Mehenangkü ha nyangei nyüke: “Mongongtuh, Oh nüng nyülan, hapeü ne-angpü nüng; Mongongpai lenei wongtuh, hapeü anghen tüngpü ne-eepü nüng; mehenangkü yaktükpü nyühalei hapeüthüang baha nyupü nyühalei hapeüthü mao nyeinya nyüke.”

1 THESALONIKA 5:3

Mechem shennyakthüi, “Halei chingmei hatü nyiushemmei nyüke” shei ehen, nyüha hük hapeü anghen tüngpükei ngangahük kü jom touei mahpü peihen hatü üpayao neyangaokhen.