JOHAN 16:13 - DAÜLANGPÜ LAIHING (BSI)

¹³ Mechem shahhing Laangha peikahen, büpai shahhing peü lemei am müphahen; mehenangkü büpai büpa nang ne-ehen, shejao büpai danpüthü ephahen, hatü ngoikahen douthü jung am kü ephahen.

JOHAN 16:13 Iomraidhean Croise

ISAIAH 11:2

Shembüpalei laangha büpa kü nyuhen, kihikon hatü danaokpü laangha, shahnying venpü hatü ngan laangha, nyingpühingpü hatü Shembüpalei laangha büpa kü nyuhen.

JOEL 2:28

Hapheikü ngei nanglak peü kü ngelei laangha khapshuohhen; Ammei nethe hatü nelathüi teteivanhen; ammei bajeithüi mangh manghhen; ammei nethethüi manghkhang eehen.

JOHAN 12:49

Mehenangkü ngei ngei mongpü ne-enyih, shejao ngei shompü Opa-i mehe ehen, mekei ehen ha ngei kü shahkung shuohpeih.

JOHAN 14:17

Hapayü shahhing Laangha. Kahdoknyüi büpa neyah-aok; mehenangkü kahdoknyüi büpa ne-eeaok nevaijü nenyingaok. Shejao ammi büpa nying; mehenangkü büpa am mü nyüke, hatü am kü nyukahen.

JOHAN 14:26

Shejao Sheühbü, Laangha Daülangpü, üpa ngelei men kü Opa-i shomhen, büpai am kü lemphü nyuhphahen, hatü ngei am kü epü peü deih-ei lehühen.

JOHAN 14:6

Jisui jangei, “Ngeiyü lemnyü, shahhing hatü yangnyu; ngei nehompheikü üpaiyao Opa touei nepeiaokpih.

JOHAN 15:26

Ngei am kü Opa leipü shompü Sheühbü mechem peikahen, Opa leipü peipü shahhing Laanghai ngei nangkü denpü shuohhen.

JOHAN 16:12

Shao-üng ngei am kü ehen longi nyüpeih, shejao ammi shaang hathü neko-aoknyu khih.

JOHAN 3:32

Büpai mehe ee, hatü dan, ha jung denpü shuohnyeih, shejao üpaiyao büpalei denpü neyahnyu.

JOHAN 8:38

Pa nyushingei ngei mehe ee, ngei ha enyüpeih; amphongiyü Pa leipü mehe dan ha düktuh” shei e.

PHONGSHANTHÜ DOU 11:28

Jomphong khongkü Agabus shei menpü hük yaongei kahdoknyü peü kü münghishaü mangshi nyuhen khih shei Laangha homei tetei e, hatü hapayü Klaudius-i vanglem lempü hepak kü vamteke.

PHONGSHANTHÜ DOU 20:23

chingnyü peülei ngei shingvaishiyü khoklat kü küphen hatü shüveidoidei mon ngei shing danei nyupü Laangha Daülangpai denpü shuohnyüke.

PHONGSHANTHÜ DOU 27:24

ngei kü, ‘Paul, nüng tenyem, nüng Rom ongpa touei peiyei yaonghen, hatü Kahvangi nüng mü chemi daipüthü peü kü yanghen shuohteke.’

2 THESALONIKA 2:12

shejüang shahhing kü hingnelempüthü shejao mang kü mongongpüthü nyonghühen.

2 THESALONIKA 2:3

Hapa keiha üpaiyao amphong telutelemhü; mehenangkü mahhen demtükpü hük, khüei yaongpü shongei mangpei thahshi hatü shahkung mangpü mangvam thahshi hapa nyih nepeiküpih.

HEBREW 1:1

Aivang den meyü Kahvangi jenei bühipathü kü lem longi hatü laolao kü thihivamthü homei ehamteke,

1 JOHAN 2:20

Shejao amphongü Laangha Daülangpai thiteiphuteke, hatü am peüi shahhing nyingei nyüke.

1 JOHAN 2:27

Am nang keyü ammi büpa leipü thiteiphupü dangpü ha am kü nyüke, hanangkü am kü nyuhhen üpayao nadang neshiü. Shejao büpai thiteiphupai dou peü am kü nyuhnyüke, hatü hayü shahhing, shahshem nevai, hatü am kü nyuhpükei shahhing nyüke; ammi büpa kü nyutuh.

1 JOHAN 4:6

Jenphongü Kahvang leipü. Üami Kahvang nying, jeni epü bangnyeih, hatü üam Kahvang leipü nevai jeni epü kü nebangnyih. Ha homei shahhing laangha hatü shahshem laangha jeni baong hanei nyingnyüke.

1 JOHAN 5:6

Hapayü yung hatü iy homei peipü Jisu Khrista, yungi mon nevai, shejao yung hatü iy homei. Hatü hapa kü denpü shuohpeyü Laangha; mehenangkü Laanghayü shahhing nyüke.

SHAKEI VAMPÜ 1:1

Jisu Khrista shakei vampü mepa Kahvangi büpa kü büpalei chongphobüthü kü mehe lomi vamhen, ha huhen shingvaishi shuohteke. Büpai hayü büpalei chongphobü Johan touei vangsho phongshan shomei shuoh,

SHAKEI VAMPÜ 1:19

Hanangkü shaang mehe nyu, hatü hapa pheikü mehe vamkahen nyu, ha nang nüngi shaang eepü nyangtuh.