JOHAN 15:4 - DAÜLANGPÜ LAIHING (BSI)

⁴ Ngei kü nyutuh, hatü ngei am kü nyuhen. Pü bümnyü kü nenyupheikü kao hük mekei etao betjük nejükaok; hapa keiha ngei kü nenyupheikü am nyingi betjük jüknüng neaok.

JOHAN 15:4 Iomraidhean Croise

SOLOMONEI KESHO 8:5

Bampünyü kü khaaitü yingmong leipü aongküpü üpaang? Apple pü phangei ngei nüng kü phokpeih, halei anyüi nüng ko, hatü bühpeih.

HOSEA 14:8

Oh Ephraim, lajeithü mü ngei mehe linghen? Am kü jangpü hatü jungpeyü ngei hih. Düngei phenlak thüngshingi nyupü awkaongpü leshi ngeiyü nyüpeih; Am hinglempü ngei kübü vamnyüpeih.

MATHI 12:33

Meipü betjükpü sheituh, shejema hapalei betjük meishi chongkahen; nemeipü betjük pü sheijema hapalei betjük nemei-i chongkahen; mehenangkü pü hükü hapalei betjük homei nyingnyüpeih.

LUK SHAHSHA APPÜ 8:15

Shejao kahmeichong kü vüpeyü hathü, mechem jomi shah danhen, hingshangpai hatü mongdang meipai ha kü wongshongi shongnyüke, hatü nenteiaokpai betjük jüknyüke.

JOHAN 14:20

Hapa nyih kü ngei Opa kü nyüke, amphong ngei kü nyüke hatü ngei am kü nyüke shei nyinghen.

JOHAN 17:23

Ngei jom kü hatü nüng ngei kü nyüke; jomphong hük leiyei mongjemhen, shejüang nüngi ngei shompü khih, hatü nüngi ngei kü bampükei ngei jomphong kü bampü khih shei kahdoknyüi nyinghen.

JOHAN 6:56

Üami ngelei phai hah hatü ngelei iy ying, ngei kü nyunyüke, hatü ngei jom kü nyunyeih.

JOHAN 8:31

Hahepak kü Jisui Jehoda am büpa kü hinglempüthü kü, “Ammi ngelei shah bangjema, am hingshangpü ngelei nanglomthü;

PHONGSHANTHÜ DOU 11:23

Mechem büpa peipa, Kahvang phahji eeyei büpa mongong, hatü büpai peü kü lanei shuoh-ei Shembüpa kü hinglemei nyuhen nangthongei e;

PHONGSHANTHÜ DOU 14:22

Halei jiji-i vaipüthülei laangha wong kohhü, hatü “Shüveidoidei longi homei jen Kahvang ongchingei shüaokhen” shei vaipü kü nedoh-i nyuhen nangthongei e.

2 KORINT 13:5

Am hinglempü kü nyüla shei laophü nyingi yemei veituh; laophü nyingi dokei veituh. Am chemjalak kü dokpü kü neaokpü nevaipheikü am kü Jisu Khrista nyüpeih shei nedeihnyu je?

GALATIA 2:20

hatü hajük kü shaang nyupeyü ngei nevai, shejao ngei kü nyupeyü Khrista, hatü shaang ngei phai kü nyupü yangnyu-ü ngei kü bampü ngei shingvaishi yangnyu shuohpü Kahvang Ha kü hinglempai nyunyeih.

EPHESIA 3:17

hatü bampü kü am tünglang yiüei chongwongei hinglempü homei Khrista ammei mongdangei nyuhen ngei phopnyeih.

PHILIPPI 1:11

hatü Kahvang müknyinshekhang hatü menvih shingvaishi Jisu Khrista homei peipü daülangshemshepü betjük maei nyuhen shingvaishi nyüke.

KOLOSI 1:23

Hanangkü ammi vangsho phang kübü hangkuli peü kü baongpü shahjangmei homei lahpü monglem mepa ammi dan, ha kübü nemoiloi-i hapa kü nedoh-i chongwongei vaipü kü wongshongi nyutuh. Paul, ngeiyü hapa shahjangmeilei chongphobü leipeih.

KOLOSI 1:27

Kahvangi büpalei hapa shahjo müknyinshekhang mop Kung am touei meshük longpa, ha nyinghühen shingvaishi jomphong jepeih; hapayü am kü nyupü Khrista, müknyinshekhangpü monglem.

KOLOSI 2:6

Hanangkü ammi Khrista Jisu Shembüpa yahpü keiha nedoh-i büpa kü yangnyu nyuei,

1 THESALONIKA 3:5

Ha vaipü nangkü ngei ha nenaokpü nangkü am vaipü jung nyinghen büpa am touei shompeih; dokpü ami am kü dokpai hami dükpü dou angsha vaidaihen khih shei yingei deihküpeih.

HEBREW 10:39

Shejao jenphongü ngaümpheilei shinei leiyei mahdaipüthü nevai, shejao hinglemei yangpüthü nyüke.

1 JOHAN 2:6

Üami, “Ngei büpa kü nyunyeih” shei enya, hathüyü büpai kampükei kamhen vongbong.

2 JOHAN 1:9

Üpai Khristai nyuhpüvenpü kü nekam, shejao ha peih-ei dainya, büpa kü Kahvang nenyu; üami nyuhpüvenpü kü kam, Pa hatü Ha nyiphen nyüke.