JOHAN 15:2 - DAÜLANGPÜ LAIHING (BSI)

² Ngei kü nyupü betjük nejükpü kaothü büpai langtüknyeih, hatü betjük jükpü kao shao nyeishi jükhen shingvaishi büpai hapa kao daütüknyeih.

JOHAN 15:2 Iomraidhean Croise

JOB SHAHSHA APPÜ 17:9

Shejao daülangpü jomei lem kü jiüshangi nyuhen, hatü lak daülangi nyupüthü wong koh-ei leihen.

MENVIH KESHO 92:14

Viüdaijao jom nedoh-i betjük jüknyüke; jom düngei thüngshingi hatü meishi nyuhen.

KANDOK 4:18

Shejao daülangpülei lemü nepnüng dhom vanghela helushoei nyapüba khangpükei nyüke.

ISAIAH 27:9

Hanangkü Jakobei mang tüktükhen, hatü hapayü jomei mang kemei tüktükpü betjük vaihen. Mechem yaongdhon khih mü ngümpü keiha büpai moidü yaongthü peü linghenshang, nyüha kahvang Asherahlei lajeithü, nevaijü hapalei moidüthü hükao yaongshi nechongkahen.

ISAIAH 29:19

Nentei-aokpüthüi Shembüpa kü mongonghen; nehahneyingpüthüi Israel amei Daülangpü Kahvangkü mongmeihen.

DANIEL 11:35

Jomphong daühühen hatü kawhikang neshiüi henghen shingvaishi kon kohpüthü hanei huluh shuohhen. Dohpü hepak, Kahvangi itpü hepak mangngoi thahshi ha nedoh-i nyukahen.

HOSEA 6:3

Jeni Shembüpa nyingshah; jeni büpa nyinghen kenshah. Büpa jen touei vanghe aongpü keiha; Ünyü vangi kahdok vaümhüpü keiha peikahen.”

MALAKI 3:3

Büpayü nyiam jakei hienpü shennyak keiha nyukahen; büpai Levi am daühühen hatü daülangshemshepü kü Shembüpa kü moila shuohhen shingvaishi büpai jom hon hatü ngin kei daühühen.

MATHI 13:12

Üami ang, hathü kü nyeishi shuohhen, hatü jom nyeishi anghen; shejao meheyao ne-angpü am leipü maani nyupeyao yahlanghen.

MATHI 13:33

Büpai jomphong kü shao lebü shahlap hük e: Vangsho ongchingü nyüha hüki daw yah-ei aanthüng dok jem kü ha mangpaai thahshi vukpükei nyüke.

MATHI 15:13

Büpai jomphong kü, “Vangsho Opa-i nesheipü püthü peü bhitükhen.

MATHI 21:19

Büpai lemhaoei adhapü hük eeyei büpa hatouei heih, shejao phenlak mü lenei meheyao nedang. Hahepak kü büpai ha pü kü, “Nüng kü mechemao betjük tejük” shei e, hatü hapa adhapü chemjalak kü kaudai.

MATHI 25:29

Mehenangkü üami ang, hathü kü nyeishi shuohhen hatü changshi anghen, shejao üam ne-ang, jomi maani angpao yahlanghen.

MATHI 3:10

Shaangao pü chongei ay haüshi nyüke; betjük meipü nejükpü pü agtükhen hatü awbhaong kü shüktükhen” shei e.

MATHI 3:12

Büpalei lakei om noshi nyüke, hatü büpai laophülei hah yüptükhen, hatü büpai laophülei hah puongmongei thailanghen, shejao hahbhang peü mechemao nemetpü aw kü jaktükhen.

MATHI 7:19

Betjük meipü nejükpü pü peü agei aw kü jaktüknyeih.

MARK 4:20

Lebüthüyü kahmeichong kü vüpü keiha shahjangmei danei ha yahnyüke, hatü hapüan, pejem hatü kho lomei betjük jüknyüke.”

LUK SHAHSHA APPÜ 8:13

Yaong shangkü vüpüthüyü mechem jomi shah danhen, mongongpai ha yahnyüke. Shejao hathü kü tünglang neyiüpü nangkü jomi kansho hük shing mon hinglemtü dokpü ngoijü vüdainyeih.

JOHAN 15:1

Ngeiyü hingshangpü nyalingngupai, hatü Opayü pe dükbü.

JOHAN 15:16

Ammi ngei neje, shejao ngei amphong jepeih. Am daiyei betjük jükhen, hatü den kü nyuhen betjük jükhen shingvaishi ngei amphong jepeih; shejüang ngelei men kü ammi mehe mehe Opa kü yühenshang büpai ha am kü shuohhen.

JOHAN 15:3

Ngei am kü epü shah-i am daüdaiteke.

JOHAN 15:6

Üam ngei kü nenyu, hathüyü kao hük kei yaktüknyeih hatü vandainyeih; hapa keipü kaothüyü thaiyei aw kü shükei jaktüknyeih.

JOHAN 15:8

Ammi betjük longi jükpai ngelei nanglomthü khih shei huhen; hapai Opa müknyinshekhanghühen.

JOHAN 17:12

Mechem ngei jom mü nyupa, nüngi ngei kü shuohpüthü nüngei men kü yangei tuhtepih. Ngei jomphong yomtepih, hatü laihingei epü jiühühen shingvaishi mahhen hük daümtükpü mü lenei hükao nemahtük.

ROM SHAHSHA APPÜ 11:17

Shejao olive pükao hanei bhagei yaktüktü nüng, olive nganyü kao dakei hapa olive pü tünglang kübü aongpü hahying hahhen hapteke.

ROM SHAHSHA APPÜ 11:22

Shejema Kahvang bampü hatü mongshihpü nyingtuh: dopüthü touei mongshihpü, shejao ammi büpa bampü kü nedoh-i nyujema Kahvang bampü am touei nyüke; hei nevaijema amao bhagtükhen.

ROM SHAHSHA APPÜ 8:28

Mehenangkü üami Kahvang kü bam, hatü büpalei mükhong aimü nyük, hathü shingvaishi dou peü mei shingvaishi chemi düknyeih shei jeni nyingnyüke.

1 KORINT 13:1

Ngei hangku hatü vangsho phongshanthülei shah mü ejao, ngei kü bampü nenyujema, ngeiyü ngeü mohpü dam hatü melangnyiam kü kaongpü leidainyüke.

TITUS 2:14

Büpai jen mang peü kübü angei leihen, hatü büpai laophü shing lompü vaihen nangkü doumei dükhüpü nanglakthü daühühen shingvaishi büpai jen shing laophülei yangnyu shuoh.

HEBREW 12:15

Üpaiyao Kahvang phahji nedangi nenyuhen, hatü shanghah vamhen mü hatü longi nesheihhen mü shahyakpü tünglang nevamhühen yomtuh.

1 JOHAN 2:19

Jomü jen kübü lüdaipeih, shejao jomphongü jen khong nevai; jomphong paoh jen khong vailangmeyü jomphong jen mü nyuhah shepeih. Shejao jen toueipü lüdaipü homei jomphongü jen khong nevai shei lekei hunyüke.

SHAKEI VAMPÜ 3:19

Üam kü ngei bam, hathü kü loknyeih hatü hanghi shuohnyeih. Hanangkü am maanpü leituh hatü mong leptuh.