JOHAN 15:18 - DAÜLANGPÜ LAIHING (BSI)

¹⁸ Kahdoknyüi am kü jiühitjema, am kü jiühit shekü ngei kü jiühitteke shei ammi nyingtuh.

JOHAN 15:18 Iomraidhean Croise

1 ONGPATHÜ 22:8

Israel ongpai Jehoshaphat kü jangei, “Jeni Shembüpa kü phehen meyü shao lebü shennyak hük, Imlahlei cheha Mikaiah nyüpeih, shejao ngei büpa kü jiühitnyeih; mehenangkü büpai chemao ngei kü meipü jung ne-ephünyih; düngei nemeipü mon ephünyeih” shei e. Jehoshaphati jangei, “Nüngi hapakei te-e” shei e.

KANDOK 29:27

Daülangpüthüi nedaünelangpüthü kü jiühitnyeih, hatü nedaünelangpüthüi daülangpüthü kü jiühitnyeih.

ISAIAH 49:7

Yemleipü Shembüpa, daülangpü Israel Kahvangi jatthüi jiühitei yaktükpü vanglem lembüthülei chongphobü kü hapakei enyüke: “Ongthüi nüng eeyei yaongkahen, longthüi nüng eeyei aümei khümhen; Mehenangkü monglemaokpü Shembüpa, daülangpü Israel Kahvangi nüng jepeih.”

ISAIAH 53:3

Büpayü hangkuthüi ne-ienelemi yaktük; mongong hatü shangpongpü shennyak hük. Üpaiyao büpa kü nevei-i peüi laophülei dhe jolangkem, peüi büpa yaktük, hatü jeni büpa kü lümeivaüei nedeih.

ISAIAH 66:5

Am üami Shembüpalei shah kü nyemnya, büpalei shah bangtuh: “Ammei jeihinaüthü üami am kü jiühitnya, hatü ngelei men kü amphong laktük hathüi eteke, ‘Hami am mongongpü eehen shingvaishi Shembüpa müknyinshekhanghütuh’ shejao jomphongü veühühen.”

ZEKHARIAH 11:8

Len hük mongkü ngei mi yombüthü jom jem changtük; mehenangkü jomi ngei kü jiühit, hatü ngeiyao mongshih.

MATHI 10:22

Ngelei men kü peüi am kü jiühitphahen. Shejao üpai dohpü ngoishi nenaokhenshang yanghen.

MATHI 24:9

Hahepak kü amphongü shüveihen shingvaishi lanei shuohtükhen, hatü am jütükhen, hatü ngelei men kü jat peüi am kü jiühitphahen.

MATHI 5:11

Ngei nangkü mechem hangkuthüi am kü yaüeilunghen, am kü shüveihen hatü am khüei shahshemi ten peü ehenshang am moihimanpü.

MARK 13:13

hatü ngelei men kü am kü peüi jiühithen. Shejao üpai dohpü thahshi nenhenshang yanghen.

LUK SHAHSHA APPÜ 6:22

Shennyak Ha nangkü mechem nanglakthüi am kü jiühithen, mechem am laktükhen, naamei ehen, hatü am kü ten ehenshang am moihiman.

JOHAN 16:1

Am huluh neshuohhen shingvaishi ngei ha douthü am kü etepih.

JOHAN 16:33

Ngei kü am chingmei nyuhen shingvaishi ngei hathü am kü etepih. Kahdoknyülei am shüveipü ponghen, shejao monglongtuh; mehenangkü ngei kahdoknyü aoktepih.”

JOHAN 3:20

Mehenangkü mang dou dükpü peüi vangngai kü jiühitnyeih, hatü jomei mang douthü shakei vamjahen khih shei nyemei vangngailei nepeinyih.

JOHAN 7:7

Kahdoknyüi amphong kü nejiühithen, shejao ngei kü jiühitnyüke; mehenangkü ngei ha khüei hapalei douthüyü mang shei denpü shuohnyeih.

PHONGSHANTHÜ DOU 14:22

Halei jiji-i vaipüthülei laangha wong kohhü, hatü “Shüveidoidei longi homei jen Kahvang ongchingei shüaokhen” shei vaipü kü nedoh-i nyuhen nangthongei e.

HEBREW 12:2

Jeni Jisu kü mük neshai-i veishah. Büpayü jen hinglempü kü shongpü hatü changpüshapüba. Büpa shekü temei nyupü mongong men kü shophang veüpong munenei Kahvangei ong uoshing kü lakdah philei uoteke.

JAKOB 4:4

Mükbongjuyungpüthü! Kahdoknyü mü mongjem pongpeyü Kahvang mü vepa shei ammi nenyingnyu je? Hanangkü üami kahdoknyülei küphü vaihünya Kahvangei vepa leidainyeih.

1 JOHAN 3:1

Jenphong kü Kahvang hathü shei nyükhen mü Opai mekeipü bampü jen kü shuohpa veituh, hatü jenphongü hakei-üng vaitei. Kahdoknyüi jen nenyingpeyü jomi büpa nenyingpü nangkü nyüke.

1 JOHAN 3:13

Jeihinaü hatü nyahinaüthü, kahdoknyüi am kü jiühitpü kü am tethama.

1 JOHAN 3:3

Hapa monglem nyupüthü peüi büpa daülangi nyupükei laophü nyingi daülangi nyutuh.