JOHAN 15:11 - DAÜLANGPÜ LAIHING (BSI)

¹¹ Ngelei mongong am kü nyuhen hatü am mongongpü changhühen shingvaishi ngei hathü am kü epeih.

JOHAN 15:11 Iomraidhean Croise

ISAIAH 53:11

Büpa shangpong pheikü büpai yangnyu vangngai danghen, hatü büpa shangpongpeyü angsha nevai shei nyingei mongonghen. Ngelei hingshangpü chongphobü homei longi dah shakhühen, hatü büpai jomei mangthü kolanghen.

ISAIAH 62:4

Am kü hajük kü, “Yaktükpü am” nevaijü ammei kahdok kü, “Lavüngtoipü” shei nenyükhen; Shejao ngei amphong kü, “Hephzibah” hatü ammei kahdok kü, “Beulah” shei men ja menhen. Mehenangkü Shembüpai am kü mong hahhen, hatü ammei kahdok shem yemhen.

JEREMIAH 32:41

Ngei jom kü doumei dükpü kü mongonghen hatü ngelei mongdang hatü laangha kempai hapa kahdok kü jom hingmei sheiphonghen.”

JEREMIAH 33:9

Kahdoknyü jatthü peü touei hapa chingnyü homei ngei kü mongongpü men, vihpülüpü hatü müknyinshekhang koei peihen hatü ngei jom kü dükshuohpü doumei jomi danhen; hatü ngei hapa kü dapüshepü chingmeivangmei shuohpü nangkü jom nyemei kheühen.

ZEPHANIAH 3:17

Shembüpa, ammei Kahvang amphong mü nyüke, büpa kü am yanghen wong nyüke. Büpai am kü mongongpü longpü nyuhen, Büpa bampü kü büpaiam kü yangnyu ja lingphahen, Büpai am shak kü mongong longpai mohitap kü kei kesho lokhen.

LUK SHAHSHA APPÜ 15:23

hatü nitshüpü mohoh cheha deiyei jütuh, hatü jeni mo hah-ei mongongshah;

LUK SHAHSHA APPÜ 15:32

Shejao jeni mo hah-ei mongongshah; mehenangkü nüngei naüpeü didai-i nyuteke, hatü yem leiteke; büpa mahdai-i nyuteke, shejao dangteke” shei e.

LUK SHAHSHA APPÜ 15:5

Mechem büpai ha danghenshang büpai bhagchongei paitü mongongnyüke,

LUK SHAHSHA APPÜ 15:9

Mechem pinnyüi ha danghenshang, pinnyüi küphüthü hatü chingyowthü nyükei, ‘Ngei mü mongongtuh; mehenangkü ngei mahdaipü lop dangteke’ shei enyüke.

JOHAN 16:24

Shaang thahshi ammi ngelei men kü meheyao mangyü. Ammei mongong changhühen shingvaishi ammi yütuh hatü ha danghen.

JOHAN 16:33

Ngei kü am chingmei nyuhen shingvaishi ngei hathü am kü etepih. Kahdoknyülei am shüveipü ponghen, shejao monglongtuh; mehenangkü ngei kahdoknyü aoktepih.”

JOHAN 17:13

Shejao shaang ngei nüng touei peikünyeih, hatü jom kü ngelei mongong changhühen shingvaishi ngei kahdoknyülei hathü enyüpeih.

JOHAN 3:29

Yiükü yiükyahbülei nyüke. Yiükyahbülei küphüpai danei büpalei ngeü bangnyüke, hatü mechem büpai yiükyahbülei ngeü danhenshang mongongnyüke. Hayü ngelei mongong hatü ha changhüteke.

ROM SHAHSHA APPÜ 15:13

Ammi büpa kü hinglempai monglempü Kahvangi am kü mongong hatü chingmei-i am mahühen, shejüang Laangha Daülangpü ngani am kü monglempü aüh-ei yenhühen.

2 KORINT 1:24

Hapayü hami am hinglempü shak kü shembü vaihen nangkü nevai, shejao am vaipü kü wongshongi yaongpü nangkü am mongonghen shingvaishi hamü am mü chemi dou dükbüthü hih.

EPHESIA 5:18

Yiüi techok; mehenangkü delilao nyüpeih, shejao Laanghai maei nyutuh.

PHILIPPI 1:25

Ngei ha mongkü pongpeih, ngei yemmü nyuhen shei ngei nying, hatü vaipü kü am longhen hatü mongonghen shingvaishi ngei am peü mü nedoh-i nyuhen,

1 THESALONIKA 5:16

Düngei mongongtuh;

1 PETER 1:8

Ammi büpa ne-eejao büpa kü bamnyüke, hatü ammi shaang büpa ne-eejao, ammi büpa kü hinglemnyüke hatü eyei neaokpü hatü müknyinshekhang mongongi am mongongnyüke;

1 JOHAN 1:4

Hamei mongong changhühen shingvaishi hami ha douthü jung nyangnyeih.

2 JOHAN 1:12

Ngei am kü nyanghen longi nyujao ngei lai hatü shiai yah-ei nenyangnyih, shejao ngei am touei peiyei dhe dhe gongei eteijüang jenei mongong changhühen khih shei monglempü nyüpeih.