JOHAN 15:10 - DAÜLANGPÜ LAIHING (BSI)

¹⁰ Ammi ngelei shahkungthü bangjema, ngei Opalei shahkungthü bangei büpa bampü kü nyupükei amphongao ngei bampü kü nyuhen.

JOHAN 15:10 Iomraidhean Croise

2 SAMUEL 22:22

Mehenangkü ngei Shembüpalei lem kü kam; Ngei Kahvang toueipü yanei daiyei douten nedük.

2 ONGPATHÜ 18:6

Mehenangkü büpai Shembüpa kü wongshongi shong, hatü büpa phei müpü nedoh; Shembüpai Mosa kü shuohpü shahkungnyüthü peü dük.

MÜLANGPÜ 7:6

Mosa hi Aaron nyi-i jiji kü Shembüpai kangshuohpükei dük.

ISAIAH 50:5

Jeiyong Shembüpai ngelei dhaong appeih, hatü ngei khüei neyaong, nevaijü ngei nyokei neleidai.

JOHAN 10:18

Üpaiyao ngelei yangnyu ngei kübü neyahlang, shejao ngei ha ngei nyingi mongei shuohnyeih. Lanei shuohhen hatü nyipabü yahlanghen ngei kü wong nyüpeih. Hapa shahkung ngei Opa leipü dangpeih.

JOHAN 12:49

Mehenangkü ngei ngei mongpü ne-enyih, shejao ngei shompü Opa-i mehe ehen, mekei ehen ha ngei kü shahkung shuohpeih.

JOHAN 14:15

Ammi ngei kü bamjema, ngelei shahkungthü banghen.

JOHAN 14:21

Üam kü ngelei shahkungthü nyu hatü hathü düknya, hathüyü ngei kü bampüthü, hatü üami ngei kü bamnya, hathü kü Opai bamhen, hatü ngei jom kü bamhen hatü ngei jom kü shakei vamhen.

JOHAN 14:23

Jisui büpa kü, “Üami ngei kü bamnya, hathüi ngelei shahthü banghen, hatü Opa-i hathü kü bamhen, hatü ham jom touei peiyei jom mü chemi shemong hük leiyei nyuhen.

JOHAN 14:31

Ngei Opa kü bamnyüke shei kahdoknyüi nyinghen shingvaishi ngei Opa-i epü düknyüpeih. Yaongtuh, jen daishah.

JOHAN 17:4

Kahdoknyü kü nüngi ngei kü dükhen shuohpü dou dükei tempai ngei nüng müknyinshekhangtepih.

JOHAN 4:34

Jisui jomphong kü, “Ngelei hahyingü ngei shompübai mongpü dükhen, hatü büpalei dou temhen ha hih.

JOHAN 8:29

Üpai ngei shom, büpa ngei mü nyüpeih; büpai ngei mon netuhphongnyih; mehenangkü ngei düngei büpai mehe kü mong hah, ha düknyüpeih” shei e.

JOHAN 8:55

Shejao ngei büpa nyingnyeih; ngei büpa nenyingnyih shei ejema ngeiyao am kei shahshem epü am leidaihen. Shejao ngei büpa nyingnyeih hatü büpalei shah bangnyeih.

1 KORINT 7:19

Japtükpao nejapao meheyao nevai, shejao Kahvangei shah bangpü mon lemphü hih.

1 THESALONIKA 4:1

Dohpülei jeihinaü hatü nyahinaüthü, mekei Kahvang mong hahhühen mü nyuhen, ha hami am kü nyuhphei, hakei-üng am nyunyüke. Shaang hami Shembüpa Jisu kü hapakei nyeinya nyeinya nyuhen hami am kü phenyeih hatü kangnyeih.

HEBREW 7:26

Mehenangkü jeni daülangpü, eela neshiüpü, nesheihpü, mangthü kübü yanei nyupü, hatü vangshothü shak kü longei aongpü hapa keipü ngongchong anghen jiüpeih.

2 PETER 2:21

Daülangshemshepü lem nyingtü jom kü shuohpü daülangpü shahkung kü ngaümphei lepphongtü dailei meyü hapa nenyingpü-üng jom shingvaishi meipüba.

1 JOHAN 2:3

Shaang jeni büpalei shahkungnyü bangjema, hapai jeni büpa nyingnyeih shei lekhen.

1 JOHAN 2:5

shejao üami büpalei shah bangnya, hingmei hapa shennyak kü Kahvang bampü changpüshapü ngoiteke. Hapai jenü büpa kü nyüke shei leknyüke.

1 JOHAN 2:6

Üami, “Ngei büpa kü nyunyeih” shei enya, hathüyü büpai kampükei kamhen vongbong.

1 JOHAN 5:3

Büpalei shahkungthü bangpeyü Kahvang kü bampü hih, hatü büpalei shahkungthüyü hanggovih nevai;

SHAKEI VAMPÜ 22:14

Laophülei bhagthuh dhotüktü nyupüthü moihiman; mehenangkü jomphongü yangnyu pü kübü betjük hahhen jiüpü nyüpeih, hatü peshaden homei chingnyülei shüaokhen.