JOHAN 14:21 - DAÜLANGPÜ LAIHING (BSI)

²¹ Üam kü ngelei shahkungthü nyu hatü hathü düknya, hathüyü ngei kü bampüthü, hatü üami ngei kü bamnya, hathü kü Opai bamhen, hatü ngei jom kü bamhen hatü ngei jom kü shakei vamhen.

JOHAN 14:21 Iomraidhean Croise

2 ONGPATHÜ 18:6

Mehenangkü büpai Shembüpa kü wongshongi shong, hatü büpa phei müpü nedoh; Shembüpai Mosa kü shuohpü shahkungnyüthü peü dük.

MENVIH KESHO 35:27

Ngei dah shakpü kü mongmeipüthü peü mongongpai lenhütuh; Jomi düngei, “Laophülei chongphobü meihühen mongongpü Shembüpayü longpüba” shei ehütuh.

MÜLANGPÜ 33:18

Mosai, “Nüngei müknyinshekhang ngei kü hushih” shei khümei e.

KANDOK 8:17

Ngei-i ngei kü bampüthü kü bamnyüpeih, hatü üami ngei yemnya, dangnyüpeih.

JEREMIAH 31:31

Ngei Israel hatü Judah am phang mü vangpüshuwpü ja hük linghen nyih ngoikünyüke shei Shembüpai enyüke.

ZEPHANIAH 3:17

Shembüpa, ammei Kahvang amphong mü nyüke, büpa kü am yanghen wong nyüke. Büpai am kü mongongpü longpü nyuhen, Büpa bampü kü büpaiam kü yangnyu ja lingphahen, Büpai am shak kü mongong longpai mohitap kü kei kesho lokhen.

LUK SHAHSHA APPÜ 11:28

Shejao büpai, “Üami Kahvangei shah danei düknya, hathüang moihiman!” shei e.

JOHAN 14:15

Ammi ngei kü bamjema, ngelei shahkungthü banghen.

JOHAN 14:18

Ngei amphong hashihha kei netuhphongpih; ngei nyipabü yiükahen.

JOHAN 15:14

Ngei am kü epü dükjema amphongü ngelei küphüthü.

JOHAN 16:14

Büpai ngei müknyinshekhanghühen; mehenangkü büpai ngelei lompüthü yahhen hatü ha am kü nyinghühen.

JOHAN 16:27

mehenangkü Pa-i laophü nyingi am kü bamnyüke; mehenangkü ammi ngei kü bam, hatü ngeiyü Kahvang leipü pei shei ammi hinglemteke.

JOHAN 17:23

Ngei jom kü hatü nüng ngei kü nyüke; jomphong hük leiyei mongjemhen, shejüang nüngi ngei shompü khih, hatü nüngi ngei kü bampükei ngei jomphong kü bampü khih shei kahdoknyüi nyinghen.

PHONGSHANTHÜ DOU 22:18

hatü Jisui ngei kü, “Shülangi Jerusalem leipü laoei daituh; mehenangkü jomi ngei nang nüngi denpü neyahküpih” shei ephopeih.

2 KORINT 12:8

Jempa thahshi ngei kübü ha yahlangshih shei ngei Shembüpa kü khümei epeih.

2 KORINT 3:18

Jen peüi dhe kü ashaki nejümi Shembüpalei müknyinshekhang aina kü kei khangei leihünyeih, hatü Shembüpa, üpa Laangha nyu, büpa leipü peipü aihük müknyinshekhangi nyeinya shaopü müknyinshekhang kü büpa lepü kü jen yeiyahünyeih.

2 KORINT 4:6

Mehenangkü Kahvangi, “Vangnyak kü vangngai khanghütuh” shei e, hatü Jisu Khristalei dhe kü Kahvang müknyinshekhang nyingpü vangngai jen kü shuohhen shingvaishi büpai jenei mongdang kü vangngai khangpeih.

SHAHKÜP 11:13

Hanangkü shinnyih ngei am kü shuohpü shahkungnyü ven bangjema; Shembüpa, ammei Kahvang kü bamjema, hatü ammei mongdang kempai, ammei laangha kempai büpa chongphojema,

SHAHKÜP 7:13

Büpai am kü bamhen, moihimanhen hatü am nanglak dahühen. Büpai ammei naü uoshing, kahdok kü sheilivungla, betjükvungjük, mohoh khok kü mohoh, mi khok kü mi shei am kü shuohhen shei ammei bühipa kü lahpü kahdokei moihimanphahen.

2 THESALONIKA 2:16

Shaang jenei Shembüpa Jisu Khrista hatü jenei Pa Kahvang, üpai jen kü bam, hatü büpalei phahji homei jen kü nedohnetenpü nyiumei, hatü monglemhen meipü shuohpa,

2 TIMOTI 4:22

Shembüpa nüngei laangha mü nyute. Phahji amphong mü nyute.

1 JOHAN 2:5

shejao üami büpalei shah bangnya, hingmei hapa shennyak kü Kahvang bampü changpüshapü ngoiteke. Hapai jenü büpa kü nyüke shei leknyüke.

1 JOHAN 3:1

Jenphong kü Kahvang hathü shei nyükhen mü Opai mekeipü bampü jen kü shuohpa veituh, hatü jenphongü hakei-üng vaitei. Kahdoknyüi jen nenyingpeyü jomi büpa nenyingpü nangkü nyüke.

1 JOHAN 5:3

Büpalei shahkungthü bangpeyü Kahvang kü bampü hih, hatü büpalei shahkungthüyü hanggovih nevai;

2 JOHAN 1:6

Jeni büpalei shahkung aimü kamhen khih; hayü bampü nyüke, hapayü chongpangpülei nüngi danei heihpü shahkung nyüke– nüngi ha kü kamtuh.

SHAKEI VAMPÜ 2:17

Üpa kü banghen dhaong nyu, Laanghai attoithü kü mehe enya, ha bangtuh. Üami vehok neünya, ngei jom kü joshi nyupü manna shuohhen, hatü ngei yaong shola hük hapa kü yahbüi nyingpü mü lenei üpaiyao nenyinghen mü men ja hük nyangtü shuohhen.

SHAKEI VAMPÜ 22:14

Laophülei bhagthuh dhotüktü nyupüthü moihiman; mehenangkü jomphongü yangnyu pü kübü betjük hahhen jiüpü nyüpeih, hatü peshaden homei chingnyülei shüaokhen.

SHAKEI VAMPÜ 3:20

Bangtuh, ngei shem shadenei yaongtü khungnyüpeih; ammi ngelei ngeü danei sha aphüjema, ngei ammei mongei shühen hatü ngei am mü hahyinghen, hatü am ngei mü hahyinghen.