JOHAN 14:2 - DAÜLANGPÜ LAIHING (BSI)

² Opalei shemei nyushing longi nyüke. Hei nevailangmeyü ngei amphong kü ephahen vaipeih. Ngei am shing nyushing hük temnüng dainyeih.

JOHAN 14:2 Iomraidhean Croise

LUK SHAHSHA APPÜ 14:22

Chongphobüi, “Longpüba, nüngi mehe e, ha düktepih, hatü shao-üng shing aoei nyüke” shei e.

JOHAN 13:33

Maanpü hashihthü, ngei am mü hepak kansho hük mon nyuhen. Ammi ngei yemhen hatü ngei Jehoda am kü epükei shaang ngei am kao enyeih, ‘Ngei melei nyu, halei am nepeiaokhen.’

JOHAN 13:36

Simon Peteri büpa kü, “Shembüpa, nüng melei dainya?” shei e. Jisui, “Ngei melei dainya halei nüng shaang nemüaokpih; shejao pheilei mühen” shei e.

JOHAN 14:28

Ngei am kü, “Ngei lüdainyeih, hatü ngei am touei peikahen” shei epü ammi danteke. Ammi ngei kü bamjema ngei Opa touei lüdaipü kü ammi bamhen; mehenangkü Opayü ngei mü longpüba.

JOHAN 16:4

Shejao hapa hepak am touei ngoishingkü ngei am kü hathü jung ephütepih shei deihhen shingvaishi ngei hathü am kü etepih. Pangpülei ngei hathü am kü ne-eangpih; mehenangkü ngei am mü nyuteke.

JOHAN 17:24

Opa, nüngi ngei kü shuohpüthü ngei melei nyu, halei jomao nyuhen, hatü nüngi ngei kü shuohpü ngelei müknyinshekhang jomi eehen ngei nanyüpeih; mehenangkü nüngi ngei kü kahdoknyü chongnyiam lingshekü ngei kü bampeih.

PHONGSHANTHÜ DOU 9:16

Ngelei men kü büpa meshük shangponghen ngei büpa kü hutepih” shei e.

2 KORINT 5:1

Jen nyupü kahdoknyü leipü ashakshem tendaijema, laki nevepü Kahvang leipü shem hük vangsholei den kü nyüpeih shei jeni nyingei nyüke.

1 THESALONIKA 5:9

Mehenangkü Kahvangi jenphong büpalei mongshih ponghahhen neje, shejao jenei Shembüpa Jisu Khrista homei yemleipü danghen jepeih.

TITUS 1:2

shahshem ne-epü Kahvangi denshemthü mangpangi lahpü nedohnetenpü yangnyuyem kü monglempü kü,

HEBREW 11:10

Mehenangkü büpai Kahvangi lingtükpü hatü vetükpü chongnyiam nyupü chingnyü kü ongyangei veiteke.

HEBREW 13:14

Mehenangkü hatouei den den kü nyuhen jenei chingnyü neshiü, shejao jenü peikahen nyupü chingnyü veinyüpeih.

HEBREW 6:20

Halei jenei men kü jen shekü yeihshi Jisu shüteke, hatü Melkizedek aimü büpa den shing ngongchong leiteke.

HEBREW 9:8

Hapa homei shongpü dung nyupü thahshi Longi Daülangpü Shingei shühen lem ne-ap shei Laangha Daülangpai hunyüke.

SHAKEI VAMPÜ 1:5

hatü Jisu Khrista, shahhing denbü, dipü kübü shongei bühpü, hatü kahdoknyü ongthü shak kü vanglem lembü leipü am touei phahji hatü büpa leipü chingmei nyute. Üpai jen kü bamnya hatü büpalei iy homei jenei mang kübü bümei leihü,

SHAKEI VAMPÜ 21:2

Hatü ngei Daülangpü Chingnyü ja Jerusalem vangsho leipü vamei yiükjingla hük laophülei baha mü ponghen ow tempükei temtüktü Kahvang leipü yiüküpü ee,

SHAKEI VAMPÜ 3:12

Ammi vehok neüjema, ngei amü ngelei Kahvangei phopshemei shemnyü hük leihühen; am haleipü vamei nedaihen. Ngei am kü ngelei Kahvangei men hatü ngelei Kahvangei chingnyü men nyanghen; hayü vangsho leipü vamei ngelei Kahvang leipü yiüpü ja Jerusalem hatü ngelei men ja nyuhen.

SHAKEI VAMPÜ 3:21

Üpai vehok neünya, ngei vehok neütü Opa mü büpalei ong uoshing kü uopükei büpaao ngei mü ngelei ong uoshing kü uohen shing shuohhen.