JOHAN 14:16 - DAÜLANGPÜ LAIHING (BSI)

¹⁶ Ngei Opa kü yühen, hatü büpai am kü lebü Sheühbü hük den kü am mü nyuhen yahphahen.

JOHAN 14:16 Iomraidhean Croise

MATHI 28:20

hatü ngei am kü epü lemphü dükhen jom kü nyuh-eishuoh, hatü kahdoknyü dohpü ngoishi ngei amphong mü düngei nyukahen.”

JOHAN 14:14

Ngelei men kü ammi mehe yühenshang ngei ha am kü shuohhen” shei e.

JOHAN 14:18

Ngei amphong hashihha kei netuhphongpih; ngei nyipabü yiükahen.

JOHAN 14:26

Shejao Sheühbü, Laangha Daülangpü, üpa ngelei men kü Opa-i shomhen, büpai am kü lemphü nyuhphahen, hatü ngei am kü epü peü deih-ei lehühen.

JOHAN 15:26

Ngei am kü Opa leipü shompü Sheühbü mechem peikahen, Opa leipü peipü shahhing Laanghai ngei nangkü denpü shuohhen.

JOHAN 16:22

Hanangkü shaang am tüngnyüke, shejao shao ngei am eehen, hatü am mongonghen, hatü am leipü ammei mongong üpaiyao neyahlanghen.

JOHAN 17:15

Jom kahdoknyü leipü yahlanghen nangkü ngei nephopnyih, shejao nemeipü kübü jom yanglanghen shingvaishi phopnyeih.

JOHAN 17:20

Ngei jomei men kü mon nephopnyih, shejao jomei shah homei ngei kü hinglemhenthü shingvaishiyao phopnyüpeih,

JOHAN 4:14

shejao üami ngei shuohpü yung yinghenshang mechemao yung nelehen. Ngei shuohpü yungü jom kü yunglok leiyei vanyangyem touei bhaoei vamhen” shei e.

JOHAN 7:39

Shaang büpai hayü büpa kü hinglempüthüi yahhen Laangha jung eteke; mehenangkü Jisu müknyinshekhang kü mangaongdai-i nyupü nangkü Laangha shao-üng mangshuoh-i nyuteke.

PHONGSHANTHÜ DOU 1:4

Mechem jomphong mü hahyingei nyupa, büpai jomphong kü Jerusalem tuhtü nedaihen, shejao Pa-i lahpü thintho danei nyuhen ngeükhüam shuoh. Mepa jung ngei epü ammi danpa, hayü hapa khih.

PHONGSHANTHÜ DOU 13:52

Nanglakthü mongongpai hatü Laangha Daülangpai mateke.

PHONGSHANTHÜ DOU 9:31

Ha vangpan mü Judea, Galil hatü Samarialei nyupü attoithü chingmei kü nyu hatü wong koh. Shembüpa nyempü kü nyuei hatü Laangha Daülangpülei nyiushemmei kü nanglak bhei-ie dateke.

ROM SHAHSHA APPÜ 14:17

Mehenangkü vangsho ongchingü hahbenüng hatü yingbenüng nevai, shejao daülangshemshepü, chingmei hatü Laangha Daülangpü kü mongongpü nyüke;

ROM SHAHSHA APPÜ 15:13

Ammi büpa kü hinglempai monglempü Kahvangi am kü mongong hatü chingmei-i am mahühen, shejüang Laangha Daülangpü ngani am kü monglempü aüh-ei yenhühen.

ROM SHAHSHA APPÜ 5:5

hatü monglempai jen mongnemanghünyih; mehenangkü jen kü shuohpü Laangha Daülangpü homei Kahvang bampü jenei mongdang kü shihteke.

ROM SHAHSHA APPÜ 8:34

Üpa nyonghühen? Üpa di, hih, yangei lei, üpa Kahvangei lakdah philei uotü jen shing phopnya, hapayü Khrista Jisu khih.

GALATIA 5:22

Shejao Laangha betjükü bampü, mongongpü, chingmei, munenpü, phahjipü, nekaungi shuohpü, hingshangpü,

PHILIPPI 2:1

Hanangkü Khrista kü lemhük nangthongpü nyujema, bampü kübü lemhük nyiushemmei nyujema, Laangha kü mongjempü lemhük nyujema, yahyang shinshangpü lemhük nyujema,

2 THESALONIKA 2:16

Shaang jenei Shembüpa Jisu Khrista hatü jenei Pa Kahvang, üpai jen kü bam, hatü büpalei phahji homei jen kü nedohnetenpü nyiumei, hatü monglemhen meipü shuohpa,

HEBREW 7:25

Hanangkü büpa homei Kahvang touei peipüthü peü den kü yangei tuhhen aoknyüpeih; mehenangkü büpai den kü jom shing phopnyüke.

1 JOHAN 2:1

Ngelei maanpü hashihthü, ammi mang nethahhen shingvaishi ngei hathü dou jung am kü nyangnyeih. Shejao hanei ami mang thahjema Pa mü daülangpü Jisu Khrista jenei sheühbü nyüpeih;

1 JOHAN 2:27

Am nang keyü ammi büpa leipü thiteiphupü dangpü ha am kü nyüke, hanangkü am kü nyuhhen üpayao nadang neshiü. Shejao büpai thiteiphupai dou peü am kü nyuhnyüke, hatü hayü shahhing, shahshem nevai, hatü am kü nyuhpükei shahhing nyüke; ammi büpa kü nyutuh.

2 JOHAN 1:2

mehenangkü hapa shahhing ham kü nyüke, hatü düngei ham kü nyuhen.