JOHAN 14:13 - DAÜLANGPÜ LAIHING (BSI)

¹³ Ha kü Pa müknyinshekhanghen shingvaishi ammi ngelei men kü mehe yühenshang ngei ha shuohhen.

JOHAN 14:13 Iomraidhean Croise

MATHI 21:22

Hinglempai phopei ammi mehe yühen, ha ammi danghen” shei e.

MATHI 7:7

Yütuh, hatü ha amphong kü yahphahen; yemtuh, hatü ha amphongi danghen; khungtuh, hatü ha amphong kü apphahen.

MARK 11:24

Hanangkü ngei am kü enyeih, mehe shingvaishi ammi phopei yühen, ha dangtepih shei hinglemtuh, hatü ha ammei vaihen.

LUK SHAHSHA APPÜ 11:9

Hanangkü ngei am kü enyeih: Yütuh, hatü ha am kü shuohhen; yemtuh, hatü ha ammi danghen; kaongtuh, hatü ha am kü apphahen.

JOHAN 10:30

Opa hatü ngeiyü hük.

JOHAN 12:44

Hahepak kü Jisui lenei, “Mechem shennyak hük ngei kü hinglemnya, büpai ngei kü mon hinglemnyu nevai, shejao üpai ngei shom büpa kao hinglemnyeih.

JOHAN 13:31

Mechem büpa vamdaipa, Jisui, “Shaang Shennyak Ha müknyinshekhangteke, hatü büpa kü Kahvang müknyinshekhangteke.

JOHAN 14:14

Ngelei men kü ammi mehe yühenshang ngei ha am kü shuohhen” shei e.

JOHAN 14:6

Jisui jangei, “Ngeiyü lemnyü, shahhing hatü yangnyu; ngei nehompheikü üpaiyao Opa touei nepeiaokpih.

JOHAN 15:16

Ammi ngei neje, shejao ngei amphong jepeih. Am daiyei betjük jükhen, hatü den kü nyuhen betjük jükhen shingvaishi ngei amphong jepeih; shejüang ngelei men kü ammi mehe mehe Opa kü yühenshang büpai ha am kü shuohhen.

JOHAN 15:7

Amphong ngei kü nyujema hatü ngelei shahthü am kü nyujema, ammi mehe na ha yütuh hatü ha am kü shuohhen.

JOHAN 16:23

Hapa nyih ammi ngei kü meheyao nephehen. Hingmei ngei am kü enyeih, ammi ngelei men kü Opa kü lemhük dangkao yüjema, büpai ha am kü shuohhen.

JOHAN 16:26

Ha nyih ammi ngelei men kü yühen. Ammei men kü ngei Opa kü yühen shei ngei ne-enyih;

JOHAN 16:7

Shejoongpa ngei am kü shahhing enyeih: am vangmeihen nangkü ngei lüdainyeih; mehenangkü ngei nedaijema Sheühbü am touei nepeikahen; ngei lüdaijema ngei am touei büpa shomphahen.

JOHAN 4:10

Jisui pinnyü kü, “Nüngi paoh Kahvangei thintho nyinglang meyü, ‘Ngei kü yinghen yung yahshih’ shei üpai nüng kü yünya, nüngi büpa kü vanyangyem yung yühah shepeih” shei e.

JOHAN 4:14

shejao üami ngei shuohpü yung yinghenshang mechemao yung nelehen. Ngei shuohpü yungü jom kü yunglok leiyei vanyangyem touei bhaoei vamhen” shei e.

JOHAN 5:19

Jisui jomphong kü, “Hingmei mü ngei am kü enyeih, Ha-i büpai mongpü meheyao nedükaoknyih, shejao Pa-i mehe dükei ee, ha mon düknyüpeih; mehenangkü mehe mehe Pa-i düknya, Ha-i hapakei düknyüpeih.

JOHAN 7:37

Mo dohpü hatü longpü nyih, Jisui yaongtü wong mü lenei, “Üam yung lenya, ngei touei peikei, hatü yingtuh,

1 KORINT 14:13

Hanangkü üpai shahlem laolao enya, hapa lephen ngan yüei phoptuh.

EPHESIA 2:18

Hanangkü jen khong nyiphen Laangha hük kü Pa touei peiaoknyeih.

EPHESIA 3:12

Büpa kü hinglempü homei jen mong longshi hatü monglemshi Kahvang touei peiaoknyeih.

EPHESIA 3:14

Ha tata kü ngei Pa touei aümei shanyeih;

PHILIPPI 4:13

Ngei wong kohhüpüba homei ngei dou peü dükaokhen.

KOLOSI 3:17

Ammi mehe dükhen, shah kü vaijao dou kü vaijao, lemphüli Shembüpa Jisulei men kü büpa homei Pa Kahvang kü menvih shuoh-ei düktuh.

HEBREW 13:15

Shejema, büpa homei jeni nedoh-i Kahvang kü menvih shuohpü moila, lappai, büpalei men kü lahpü jubenyeijang betjük shuohshah.

HEBREW 4:15

Jen wong nekohpü kü phahjiyei neaokhen mü jenei ngongchong neshiüpih, shejao jenphong kü keiha shejao mang neshiüi lemphü kü dokpü pongtükpü ngongchong hük nyüpeih.

HEBREW 7:25

Hanangkü büpa homei Kahvang touei peipüthü peü den kü yangei tuhhen aoknyüpeih; mehenangkü büpai den kü jom shing phopnyüke.

JAKOB 1:5

Am hanei kihikon kü taojema peü kü bhashahshi hatü nekaungi shuohpü Kahvang kü yütuh, hatü ha am kü yahphahen.

JAKOB 5:16

Hanangkü hüki hük shing phopteituh, shejüang am meihen. Daülangpüthüi phoppü kü ngan hatü wong kohshi nyüpeih.

1 PETER 2:5

amphongao yangnyuyem yaong keiha daülangpü ngongli vaihen hatü Jisu Khrista homei Kahvangi yah-aokbenüng laangha moila shuohhen nangkü am nyingi laangha shem vepü kü noteihütuh.

1 JOHAN 3:22

hatü jeni mehe yü, jeni büpa leipü dangnyeih; mehenangkü jeni büpalei shahkungthü bangnyeih hatü büpai monghahbenüng düknyeih.

1 JOHAN 5:14

Büpai mongpü aimü jeni lemhük dangkao yüjema büpai jeni epü dannyeih shei jeni büpa kü monglempü nyüpeih.