JOHAN 14:12 - DAÜLANGPÜ LAIHING (BSI)

¹² Hingmei ngei am kü enyeih, üpai ngei kü hinglemhen, büpai ngei dükpü douthü dükaokhen; hingmei, ngei dükpü kao nyeishi dükaokhen; mehenangkü ngei sheyü Opa touei lüdainyeih.

JOHAN 14:12 Iomraidhean Croise

MATHI 21:21

Jisui jomphong kü, “Hingmei ngei am kü enyeih, amphong kü jü-üpü neshiüi hinglempü nyujema, hapa adhapü kü mehe dük, henüng mon nevai, shejao amphongi hapa kahshang kü, ‘Nüng daiyei yungchingei hüngdaituh’ shei eshuohjü ha hapakei dükkahen.

MARK 11:13

Tailuei büpai adhapü hük phenlak ngetshi eeyei hahhen meheyao nyüla shei heih. Mechem büpai ha ngoiyei heihpa, büpai phenlak mü lenei meheyao nedang; mehenangkü hapayü betjük jükhen dühü nevai-i nyuteke.

MARK 16:17

Hinglempüthü kü hapa nyangeihepü nyuhen: ngelei men noshi jomi kahshihthü changtükaokhen; jomi shahlem hayaohai ehen;

JOHAN 14:28

Ngei am kü, “Ngei lüdainyeih, hatü ngei am touei peikahen” shei epü ammi danteke. Ammi ngei kü bamjema ngei Opa touei lüdaipü kü ammi bamhen; mehenangkü Opayü ngei mü longpüba.

JOHAN 16:7

Shejoongpa ngei am kü shahhing enyeih: am vangmeihen nangkü ngei lüdainyeih; mehenangkü ngei nedaijema Sheühbü am touei nepeikahen; ngei lüdaijema ngei am touei büpa shomphahen.

JOHAN 4:37

‘Hüki hainyeih, hüki vetnyeih’ shei epü jiünyüke.

JOHAN 5:20

Pa-i Ha kü bamnyüpeih, hatü büpai ha mao longpü douthü huphahen, shejüang am thamahen.

JOHAN 7:33

Jisui hahepak kü, “Ngei amphong mü hepak kanja mon nyutü üpai ngei shom, büpa touei ngei lüdaihen.

JOHAN 7:39

Shaang büpai hayü büpa kü hinglempüthüi yahhen Laangha jung eteke; mehenangkü Jisu müknyinshekhang kü mangaongdai-i nyupü nangkü Laangha shao-üng mangshuoh-i nyuteke.

PHONGSHANTHÜ DOU 10:46

mehenangkü hathüi shahlem laolao eyei Kahvang men longpü jomphongi danteke. Hahepak kü Peteri,

PHONGSHANTHÜ DOU 16:18

Pinnyüi hapakei eyei nyih longi nyu. Shejao ahshi baokjapü nangkü Pauli yaakei leiyei mang laangha kü, “Jisu Khristalei men kü ngei nüng kü ngeükhüam shuohnyeih, pinnyü leipü vamdaituh” shei e, hatü ha hepak kü-üng pinnyü leipü vamdai.

PHONGSHANTHÜ DOU 19:12

Büpalei romal hatü dokshak dangkao tüngpüthü touei deiyei notei, hatü jomei din meidai, hatü mang laanghathüao jom leipü lüdaikem.

PHONGSHANTHÜ DOU 2:33

Kahvangei lakdah philei longei anshihtü Pa leipü Laangha Daülangpü lahpü dangteke, hatü ha büpai am kü khüpphopü shaang ammi eenyüke, hatü dannyüke.

PHONGSHANTHÜ DOU 2:41

Hanangkü üami büpalei shahjangmei yah, yung kü hüngteke, hatü ha nyih jomphong mü nanglak haja jem hükshing üteke.

PHONGSHANTHÜ DOU 4:16

Jomphongi, “Jeni henyi kü mehe dükhenshang? Jiji homei nyangeihepü dou dükpü Jerusalemei nyupüthü peüi nyingdaiteke; jeni nevai shei enüng neaoknyu.

PHONGSHANTHÜ DOU 4:33

Ngan longpai phongshanthüi Shembüpa Jisu yangei leipü denpü shuoh, hatü jom peü mü phahji longpü nyu.

PHONGSHANTHÜ DOU 4:4

Shejao hapa shahjang danpüthü longi hinglem, hatü jomphongü haja nga hükshing nyuteke.

PHONGSHANTHÜ DOU 5:15

Phongshanthüi dou dükpü eeyei shennyakthüi Peter peihshingkü büpalei vangdhüm laangi tüngpüthü kü dhümhühen shingvaishi lüng hatü aüm kü tüngpüthü lemhütü deiyei chingshongei haüteke.

PHONGSHANTHÜ DOU 6:7

Kahvangei shah da khan da; Jerusalemei nanglak bhei-ie longi da, hatü ngongpathü longi ha vaipü kü ven bangei leiteke.

PHONGSHANTHÜ DOU 8:7

Mang laangha nyupü shennyakthü ngeüwong anei vaüei vamteke, hatü bümphi dipü hatü lakhopüthü lebü longi meihü.

PHONGSHANTHÜ DOU 9:34

Peteri büpa kü, “Aeneas, Jisu Khristai nüng meitüknyeih; yaongtuh hatü nüngei shinshing temlangtuh!” shei e. Ngangahük kü büpa paoei yaong.

PHONGSHANTHÜ DOU 9:40

Peteri jom peü chingshelei antüktü büpa aümei shaei phop. Büpai büm lepei leitü, “Tabitha, paotuh” shei e. Hahepak kü pinnyü mük vam, hatü Peter eeyei pinnyü paoei uo.

ROM SHAHSHA APPÜ 15:19

Nyangeihepü hatü yashanpü nganthü homei; Kahvang Laangha nganthü homei Jerusalem kübü daiyei Illirikum shinpü thahshi kü ngei Khrista shahjangmei changshi baongtepih.