JOHAN 13:8 - DAÜLANGPÜ LAIHING (BSI)

⁸ Peteri büpa kü, “Nüngi ngelei la demü tephukei” shei e. Jisui, “Ngei nüng mangpaü thahshi nüng ngei mü phaihan neshiü” shei e.

JOHAN 13:8 Iomraidhean Croise

KAHBHAO 42:38

Shejao büpai, “Ngelei hapeü nüng mü nedeishihpih, chejei didai, shaangü büpa mon aopeih. Lemei lemhük kei büpa kü vamjema, viüdaipü ngelei yangnyu-ü nüngi koei peipü mongshangi ngei dihen khih” shei e.

2 SAMUEL 20:1

Shaang Benjamin am Bikrilei cheha Sheba longi nebahnevaipü shennyak halei nyu. Büpai amit vüngtü lenei, “Ham David mü phaihan neshiüpih, Jesselei cheha mü hean neshiüpih! Ashakshem mongei nyupüthü peü, Oh Israel!” shei e.

1 ONGPATHÜ 12:16

Mechem Israel ami jomi epü kü ongpai nebangpü eepa, nanglakthüi ongpa kü lenei hapakei e, “Hami David mü mehe phaihan, hatü Jesselei cheha mü mehe mükjüp nyüpa? Oh Israel am, laophülei shemei leidaikemshah! Oh David, ammei shahishem kü mon shaangü veihahtuh!” Hanangkü Israel am shemei leidaikem.

MENVIH KESHO 51:2

Ngei pungpü kübü meishi daütükshih, hatü ngelei mang kübü ngei paütükshih.

MENVIH KESHO 51:7

Hyssop yah-ei ngei daütükshih, hatü ngei daüdaihen; ngei paütükshih, hatü ngei shüdao mao shoshi leidaihen.

ISAIAH 4:4

Shembüpai Zion nelathülei nühinam kemei paütükhen, hatü Jerusalemei iy haipü kemei shahphenpü laanghai hatü bahpü laangha aw homei daütükhen.

EZEKIEL 36:25

Ngei am kü daülangpü yungi haihen, hatü nedaünelangpü lemphü kübü, hatü ammei lajeithü peü kübü ngei am daütükhen.

ZEKHARIAH 13:1

Hapa nyih kü, David am phang hatü Jerusalem kü nyupüthü jomei mang hatü nedaünelangpü kübü daühühen shingvaishi yunglok hük bhaohühen.

MATHI 16:22

Peteri büpa khaatei müei deitü büpa kü lohhen pangei, “Kahvangi ha nyemtedük, Shembüpa! Nüng kü ha mechemao nejiühühen” shei e.

MATHI 21:29

Büpai, “Ngei neshapih” shei e, shejao pheishi büpa mong yeiya hatü kahlei sha.

MATHI 26:33

Peteri büpa kü, “Peüi nüng yakphongjao ngei nüng neyakphongpih” shei e.

MATHI 26:35

Peteri büpa kü, “Ngei nüng mü dihen mü vamjao ngei nüng neyakphongpih” shei e, hatü nanglomthü peüi hapakei khan e.

JOHAN 13:6

Büpa Simon Peter touei heihjajü büpai “Shembüpa, nüngi ngelei la-ao paühen je?” shei e.

JOHAN 13:9

Simon Peteri büpa kü jangei, “Shembüpa, shejema ngelei la mon nevai, ngelei lak hatü shangjing thahshi paütükshih” shei e.

JOHAN 3:5

Hingmei mü ngei nüng kü enyeih, shennyak hük yung hatü Laanghai nebühpheikü mekei etao vangsho ongchingei shününg neaok.

PHONGSHANTHÜ DOU 22:16

Mehekei nüng pheinya? Layaongtuh, baptüktuh, hatü nüngei mang paütüktü büpalei men kü nyüktuh” shei ephopeih.

1 KORINT 6:11

Am haneiyü hapakei nyuteke. Shejao amphongü paütük, daütük hatü amphongü Shembüpa Jisu Khrista hatü jenei Kahvang Laangha men kü dahshakhüteke.

EPHESIA 5:26

shejüang shah homei yungi paüei daüpai pinnyü daülangi leihen;

SHAHKÜP 12:12

Halei amphongi Shembüpa, ammei Kahvang touei ammei hapeüthü, ammei aathü hatü ammei jilalei nyupü Levi am mü mongongtuh; Levi amü jomei kahdok hayaoha neshiü shei deihtuh.

KOLOSI 2:18

Am üpaiyao shahshemi maanpü leinyeih shei epüthü hatü vangsho phongshan kü khümpüthüi hayaoha manghkhang eenyeih shei am tenyonghü. Meheyao nevaivai-i hapa keipü shennyakthüi hangkulei phai chudeih enyüke,

KOLOSI 2:23

Hapa keipü shahkungthü keyü kangeishungei vangsho phongshanthü kü khümpü, shahshemi maanpü leipü, büm kü shüveiyei dükhahpü kihikon nyüpeih, shejao hathü kü laophülei büm ungei leipü kü hingshangpü nanglei neshiü.

TITUS 3:5

büpai jen yangpeih. Hapayü jeni daülangpü dou dükpü nangkü nevai, shejao hapayü büpalei phahji shangshi Laangha Daülangpai jen ja bühpü kü daütüktü jen ja leihüei yangpeih.

HEBREW 10:22

kenhingpü mongdang hatü hinglempü lekpü kü nemeipü chudeih kübü daüdaipü mongdang mü daülangpü yungi jenei büm paütüktü jeni Kahvang yopailei peishah.

SHAKEI VAMPÜ 1:5

hatü Jisu Khrista, shahhing denbü, dipü kübü shongei bühpü, hatü kahdoknyü ongthü shak kü vanglem lembü leipü am touei phahji hatü büpa leipü chingmei nyute. Üpai jen kü bamnya hatü büpalei iy homei jenei mang kübü bümei leihü,

SHAKEI VAMPÜ 7:14

Ngei büpa kü, “Longpüba, nüngiang nyingei nyüpeih” shei ngei jangei e. Hahepak kü büpai ngei kü, “Hathüyü shüveidoidei longpü kübü yangei peiküpüthü khih; jomi jomei bhagthuh Mi Chehalei iy kü dhotüktü shotoh-i leihüpü khih.