JOHAN 13:5 - DAÜLANGPÜ LAIHING (BSI)

⁵ Hapheikü büpai chilimji hük kü yung shihtü büpalei nanglomthülei la paü, hatü ashak yah-ei thittük.

JOHAN 13:5 Iomraidhean Croise

KAHBHAO 18:4

Ngei yung maani ankününg; lakhüh shephutü hapa püdhümei nyiumeituh.

KAHBHAO 19:2

“Ngelei shembü nyi, chingmeilemlingei shemei shükütuh. Lakhüh shephutü sheyayü shemei paümtü nepnüng lomi layaongei daituh” shei e. Jijinyi-i, “Anyoh, henjiyü chingshongei kamteiyei paümhen” shei e.

KAHBHAO 43:24

Mechem chongphobüi jomphong Josephei shemei müei shüei yung yahshuohpa, jomphongi lakhila phu, hatü gaduthü kü het üh,

2 ONGPATHÜ 3:11

Shejao Jehoshaphat ongpai, “Jeni Shembüpa kü phehen shingvaishi Shembüpalei thibü hükao nenyupü je?” shei phe. Hahepak kü Israel ongpalei lakchongbü hüki, “Elijahlei lak kü yung cheihampü Shaphatei cheha Elisha halei nyüke” shei e.

MENVIH KESHO 51:2

Ngei pungpü kübü meishi daütükshih, hatü ngelei mang kübü ngei paütükshih.

MÜLANGPÜ 29:4

Aaron hatü chehathü ashakshem shadenei deituh hatü hangha lakhütuh,

ISAIAH 1:16

Am nyingi paütüktuh, hatü daülangi leituh. Am toueipü ammi dükpü doulemthü yaktükkemtuh, ten dükpü dohdaituh.

EZEKIEL 36:25

Ngei am kü daülangpü yungi haihen, hatü nedaünelangpü lemphü kübü, hatü ammei lajeithü peü kübü ngei am daütükhen.

LEVI 14:8

Hapa shennyaki büpalei ashak dhotükhen, sho kuptükhen, hatü hangha lakhen; büpa sheyü daülangpü vaihen. Büpa baümtap mongei shühen, shejao büpalei ashakshem haolei nyih nyet nyuhen.

ZEKHARIAH 13:1

Hapa nyih kü, David am phang hatü Jerusalem kü nyupüthü jomei mang hatü nedaünelangpü kübü daühühen shingvaishi yunglok hük bhaohühen.

LUK SHAHSHA APPÜ 7:38

Pinnyüi büpalei dokphei kü la tüngei thepei yaong, hatü pinnyülei mükphi-i büpalei la shiehü, hatü pinnyülei sho-i ha thitei ühü. Hapheikü pinnyüi büpalei la kü jüptü meli phuteke.

LUK SHAHSHA APPÜ 7:44

Hapheikü büpai hapa nyüha philei yaakei leitü Simon kü e, “Nüngi hapa nyüha eenyüla? Nüngi ngelei la phuhen yung meheyao neshuoh, shejao pinnyüi laophülei mükphi-i ngelei la shiehütü pinnyülei sho-i thitnyüke.

JOHAN 13:10

Jisui büpa kü, “Hangha laktükpü hüki la paühen mü lenei peü paühen nadang neshiü, shejao peü daüshi nyüke. Peü nevaijao amphong daüshi nyüke” shei e.

JOHAN 13:6

Büpa Simon Peter touei heihjajü büpai “Shembüpa, nüngi ngelei la-ao paühen je?” shei e.

JOHAN 13:8

Peteri büpa kü, “Nüngi ngelei la demü tephukei” shei e. Jisui, “Ngei nüng mangpaü thahshi nüng ngei mü phaihan neshiü” shei e.

JOHAN 19:34

Ha nangjei veshanthü khongkü hüki büpalei haampat kü phungi hüm, hatü iy hatü yung chemi vam.

PHONGSHANTHÜ DOU 22:16

Mehekei nüng pheinya? Layaongtuh, baptüktuh, hatü nüngei mang paütüktü büpalei men kü nyüktuh” shei ephopeih.

1 KORINT 6:11

Am haneiyü hapakei nyuteke. Shejao amphongü paütük, daütük hatü amphongü Shembüpa Jisu Khrista hatü jenei Kahvang Laangha men kü dahshakhüteke.

EPHESIA 5:26

shejüang shah homei yungi paüei daüpai pinnyü daülangi leihen;

1 TIMOTI 5:10

Pinnyülei doumei kü peüi denpü shuoh-aokshampü, hapeüthü meishi longaokpü, yen kü bampü hupü, daülangpüthülei la phuopü, shanghahpüthü kü sheühpü, hatü lem peü kü doumei dükpü kü lanei shuohpü vaihen khih.

HEBREW 10:22

kenhingpü mongdang hatü hinglempü lekpü kü nemeipü chudeih kübü daüdaipü mongdang mü daülangpü yungi jenei büm paütüktü jeni Kahvang yopailei peishah.

1 JOHAN 1:7

shejao büpa vangngai kü nyupükei jeni vangngai kü kamjema, jen hüki hük mü mongjempü nyüpeih, hatü Cheha Jisulei iy homei mang peü kübü jen daütüknyüke.

1 JOHAN 5:6

Hapayü yung hatü iy homei peipü Jisu Khrista, yungi mon nevai, shejao yung hatü iy homei. Hatü hapa kü denpü shuohpeyü Laangha; mehenangkü Laanghayü shahhing nyüke.

SHAKEI VAMPÜ 1:5

hatü Jisu Khrista, shahhing denbü, dipü kübü shongei bühpü, hatü kahdoknyü ongthü shak kü vanglem lembü leipü am touei phahji hatü büpa leipü chingmei nyute. Üpai jen kü bamnya hatü büpalei iy homei jenei mang kübü bümei leihü,

SHAKEI VAMPÜ 7:14

Ngei büpa kü, “Longpüba, nüngiang nyingei nyüpeih” shei ngei jangei e. Hahepak kü büpai ngei kü, “Hathüyü shüveidoidei longpü kübü yangei peiküpüthü khih; jomi jomei bhagthuh Mi Chehalei iy kü dhotüktü shotoh-i leihüpü khih.

SHAHPHENBÜTHÜ 19:21

Hanangkü büpai jomphong müei shüei gaduthü kü het üh, hapheikü yenthüi lakhüh shephutü bhaong hahteke.

1 SAMUEL 25:41

Abigail kahdokei aümei shatü “Nüngei chongphobü ngei hamü nyüpeih nüng chongphobü hatü nüngei chongphobüthülei la phuhen mongei nyüpeih” shei e.