JOHAN 13:34 - DAÜLANGPÜ LAIHING (BSI)

³⁴ Ngei am kü shahkung ja hük shuohnyeih, am hüki hük mü bamteituh.

JOHAN 13:34 Iomraidhean Croise

MENVIH KESHO 119:63

Ngeiyü nüng kü nyempüthü, hatü nüngei shahkung bangpüthülei küphü.

MENVIH KESHO 16:3

Shembüpa kü hinglempü nanglakthü meshük meipüang! Ngei mongongpü peü jom kü nyüpeih.

LEVI 19:18

Ammi bhüh teyem, nevaijü laophülei nanglak hük eela-ei te-e, shejao nüngi laophü kü kei laophülei chingyowpa kü bamtuh. Ngeiyü Shembüpa.

LEVI 19:34

Jempü Israel jeihinaü kü kei notuh. Ammi laophü kü kei jom kü bamtuh; mehenangkü amphongü Ijip kahdokei benha vaihampeih. Ngeiyü Shembüpa, ammei Kahvang.

MATHI 5:44

Shejao ngei am kü enyeih, ammei vepa kü bamtuh hatü am kü shüveipüthü shing phopeishuoh;

JOHAN 15:17

Am hüki hük mü bamteihen shingvaishi ngei hathü shahkung shuohnyeih.

JOHAN 17:21

shejüang jom peü hük vaihen. Opa, nüng ngei kü hatü ngei nüng kü nyupükei jomphongao ji kü nyuhen, shejüang nüngi ngei shompü khih shei kahdoknyüi hinglemhen.

ROM SHAHSHA APPÜ 12:10

Aihük bamteipai hüki hük mü bamteituh; dhüm huteipü kü hüki hük mü nyeipüba nyutuh.

ROM SHAHSHA APPÜ 13:10

Bampai chingyowpa hük kü nemei-i nedüknyih; hanangkü bampeyü shahkungnyü jiühüpü nyüke.

ROM SHAHSHA APPÜ 13:8

Hüki hük mü bamteihen mü lenei üpa kao meheyao hang sheshi tenyu; mehenangkü üpai mih kü bam shahkungnyü jiühüteke.

GALATIA 5:22

Shejao Laangha betjükü bampü, mongongpü, chingmei, munenpü, phahjipü, nekaungi shuohpü, hingshangpü,

GALATIA 5:6

Mehenangkü Khrista Jisu kü japtükpü hatü nejaptükpü kü meheyao nanglei neshiü; iehen dou hükü bampü homei hinglempai dou dükpü ha mon nyüke.

GALATIA 6:10

Hanangkü hepak mei dangpü nangkü jeni peü kü doumei dükshah; anyei vaishi vaipü shemongshathü kü.

GALATIA 6:2

Hüki hükei hanggovih koteituh, hatü hapakei dükpai Khristalei shahkungnyü jiühünyüke.

EPHESIA 5:2

hatü Khristai jen kü bampü keiha, hatü Kahvang kü vong meipü jakpü büpa laophü nyingi jen shing shuohpü keiha ammi bampü yangnyu nyutuh.

KOLOSI 1:4

Mehenangkü Khrista Jisu kü ammi hinglempü hatü daülangpüthü peü kü ammi bampü jung hami dantepih;

1 THESALONIKA 3:12

Hami am kü bampükei Shembüpai am bamteipü hüki hük mü, hatü peü mü aüh-ei yenshi nyemlonghü.

2 THESALONIKA 1:3

Jeihinaü hatü nyahinaüthü, am shingvaishi hami düngei Kahvang kü menvih shuohhen vongbong nyüke, hatü ha jiüphei; mehenangkü am hinglempü nyeinya nyeinya longnyüke, hatü am hüki hük kü bamteipü nyeinya danyüke.

HEBREW 13:1

Nedoh-i hüki hük mü bamteipü nyutuh.

JAKOB 2:8

Ammi Laihingei nyupü ongpa shahkung, “Amphongi laophülei chingyow kü laophü kü kei bamtuh” shei epü hingshangi jiüshi dükjema ammi jiüpü düknyüke.

1 PETER 1:22

Shaang ammi shahhing shah kü ven danpai ammei laangha daüdaiteke, hatü ammei jeihinaü nyahinaüthü kü hingshangpai bamhen mü vamteke; mongdang kübü vamei chüloh-i hüki hük mü bamteituh.

2 PETER 1:7

Kahvang nyingpü mü jeihinaü bamteipü, hatü jeihinaü bamteipü mü bampü nyutuh.

1 JOHAN 3:11

Mehenangkü jen hüki hük mü bamteihen vongbong shei chongpangpülei ammi hapa shahjang danteke.

1 JOHAN 3:23

Hapayü büpalei shahkungnyü: büpai jen kü shahkung shuohpükei jeni Cheha Jisu Khristalei men kü hinglemhen hatü hüki hük mü bamteihen vongbong.

1 JOHAN 4:21

Jeni büpa leipü dangpü shahkungü ha khih: Üami Kahvang kü bam, hathüi nyahinaü hatü jeihinaüthü kao bamhen vongbong.

2 JOHAN 1:5

Shejao shaang, bampü nyühima, ngei nüng kü shahkung ja hük nyangnyu kei ngei nüng kü nephenyih, shejao pangpü mebü jeni mepa shahkung dang, hapa keiha jen hüki hük mü bamteishah.