JOHAN 12:48 - DAÜLANGPÜ LAIHING (BSI)

⁴⁸ Ngei yaktükpü hatü ngelei shah tüktükpü shingvaishi shahphenbü hük nyüke; dohpü nyih ngei epü shah-i büpa nyonghühen.

JOHAN 12:48 Iomraidhean Croise

ISAIAH 53:3

Büpayü hangkuthüi ne-ienelemi yaktük; mongong hatü shangpongpü shennyak hük. Üpaiyao büpa kü nevei-i peüi laophülei dhe jolangkem, peüi büpa yaktük, hatü jeni büpa kü lümeivaüei nedeih.

MATHI 10:15

Hingmei ngei am kü enyeih, shahphenpü nyih kü hapa ching nevaijü jila leimeyü Sodom hatü Gomorrah am kü-üng nyeinya phahji huhen.

MATHI 21:42

Jisui jomphong kü, “Ammi Laihingei hapakei ne-ieangpü je?” “Shem vebüthüi mepa yaong nemei shei yaktük, hapa yaong shemshouk kü shongnyü yaong leipeih; hapayü Shembüpai dükpü khih, hatü hayü thamabenüng” shei e.

MATHI 25:31

Mechem Shennyak Ha müknyinshekhang kü vangsho phongshanthü peü büpa mü yiühen, hahepak kü büpa müknyinshekhang ong uoshing kü uohen.

MARK 12:10

Ammi ha lai kü ne-ieangpü je? “Shem vepüthüi mepa yaong nemei shei yaktük, hapa yaong shemshouk kü shongnyü yaong leipeih;

MARK 16:16

Üami hinglem, hatü baptük, jom yanghen, shejao üpai hingnelem nyonghühen.

MARK 8:31

Hapheikü büpai jomphong kü nyuhhen pangei, Shennyak Ha longi shangponghen hatü behethü, ngongpathü hatü shahkung nyuhbüthüi büpa yaktükhen, hatü jühen, hatü nyih jem pheikü yangei leihen.

LUK SHAHSHA APPÜ 10:16

Üami ammi epü bangnya, ngei epü bangnyüke, üami am yaktüknya, ngei hatü ngei shompüba yaktüknyüke.

LUK SHAHSHA APPÜ 17:25

Shejao ha shekü büpai shangpong longi homei daihen, hatü hapa denhivani büpa yaktükhen.

LUK SHAHSHA APPÜ 20:17

Shejao büpai jomphong kü veitü, “Lai kü nyangei nyupü hapayü mehe lappüang?” “Shem vepüthüi yaktükpü yaong shemshouk kü shongnyü yaong leipeih.”

LUK SHAHSHA APPÜ 7:30

Shejao Pharisee hatü shahkung nyuhbüthüi laophü nangkü Kahvangei mükhong yaktük; mehenangkü jomphongü Johani bapnetük).

LUK SHAHSHA APPÜ 9:22

Büpai, “Shennyak Ha shangpong longpü homei daihen, hatü behethü, ngongpathü hatü shahkung nyuhbüthüi büpa yaktükhen, hatü jühen, hatü nyih jempabü kü yangei leihen” shei e.

LUK SHAHSHA APPÜ 9:26

Shennyak hanei-i ngei hatü ngelei shah nangkü vin nedejema, mechem Shennyak Ha laophülei müknyinshekhang hatü Palei müknyinshekhang kü daülangpü vangsho phongshanthü mü yiühenshang, büpa shingvaishi vin nedehen.

JOHAN 11:24

Martha-i büpa kü, “Dohpü nyih yangei leipü hepak kü büpaao yangei leikahen” shei e.

JOHAN 5:45

Pa touei ngei am nyonghühen shei tedeih; am nyonghühenü ammi monglempü Mosa nyüke.

JOHAN 6:39

Büpai ngei kü shuohpü peü meheyao nemahtükhen, hatü dohpü nyih kü yangei leihen hapayü üpai ngei shom, büpai mongpü ha hih.

JOHAN 8:47

Üam Kahvang leipü nyüpa, Kahvangei shahthü bangnyeih. Amphongi hathü nebangpü lappeyü amphongü Kahvang leipü nevai” shei e.

PHONGSHANTHÜ DOU 17:31

Mehenangkü büpai jepü shennyak hüki shahhingi kahdoknyü shahphenhen büpai nyih itei nyüke. Büpai hapayü büpa yangei leishihpü homei hangku peü kü denpü shuohnyüke.

PHONGSHANTHÜ DOU 3:23

hatü üpai hapa thibü kü nebanghenshang nanglakthü khong kübü bhiyei yaktükhen.

ROM SHAHSHA APPÜ 2:16

Hapayü ngei venpü shahjangmei aimü Jisu Khrista homei Kahvangi joshi deihpü peü shahphenpü nyih nyukahen.

2 KORINT 4:3

Hamei shahjangmei joei nyujema, hapayü mahdaipüthü touei joei nyüke.

2 THESALONIKA 1:8

Hapayü Kahvang nenyingpüthü hatü jenei Shembüpa Jisulei shahjangmei nebangpüthü kü bhüh yemhen.

HEBREW 10:25

Jeni chemi thaiteipü netuhphonghen khih; hanei amü yemya vaishi hapakei düknyüke– hatü nyeinya vaishi Nyih ngoikünyüke shei ammi eenyüke.

HEBREW 12:25

Nüng kü shah epüba kü nebangi nenyuhen kentuh. Kahdoknyülei jom kü shahvüng shuohpübalei shah nebangpai jom neyangjema, vangsho leipü jen kü shahvüng shuohpüba toueipü yanei lüdaijema, jen meshük maanpü leihenang?

HEBREW 2:3

hajük longpü yemleipü yaktükjema jen mekei etü yanghen? Hapayü shongpü kü Shembüpa homei baong, hatü hapayü büpa leipü danpüthüi jiüpeih shei ham kü lekhünyüke.

HEBREW 4:12

Kahvangei shah-ü yem hatü dou düknyüke, nah nyi kohpü yanlu mao nahpüba, yembüm hatü laangha, vangbaong hatü vangni baong hanei peiyei shüaokpü; mongdangei deihpü hatü lepü shahphenaokpü nyüke.

1 PETER 1:5

hayü dohpü hepak kü hinglempü homei Kahvangei ngani yangpüthü touei shakei vamhen temtükpü yemleipü nyüke.

2 PETER 3:3

Shongpüba kü ammi ha nyingtuh; dohpü nyih kü yaüpülungpüthü mih kü yaüei hatü jomei iyjeiphailei kü nyupüthü peikahen,

2 PETER 3:7

Shejao hapa aihük shah-i shaangpü vangsho hatü kahdoknyü mahtükhen shahphenpü nyih mangngoi thahshi Kahvang nenyingpüthü aw kü jakhen tuh-ei nyüke.

1 SAMUEL 10:19

Shejao shinnyih ammi am vongshühthü hatü shanghahthü peü kübü yangpü Kahvang yakphongtü, ‘Ham kü ong hük yahshih’ shei yiüteke. Hanangkü shaang amphong laophü laophü jat hatü mükhiphang aimü Shembüpa touei thaituh” shei e.

1 SAMUEL 8:7

hatü Shembüpai büpa kü, “Nanglakthüi nüng kü epü peü bangtuh; jomi nüng yaktüknyu nevai, shejao jomei ong vaipü ngei yaktüknyu khihma.